قوعام • 07 اقپان، 2020

الماتىدا 1 اقپاننان باستاپ سۋ 4 پايىزعا ارزاندادى

52 رەت كورسەتىلدى

الماتىدا 1 اقپاننان باستاپ تۇرعىنداردى سۋمەن قامتاماسىز ەتۋ ءتاريفى 4 پايىزعا تومەندەدى. بۇل جايلى الماتى قالاسى اكىمدىگىنىڭ ءباسپاسوز ورتالىعى الاڭىندا ۇلتتىق ەكونوميكا مينسترلىگىنە قاراستى تابيعي مونوپوليالاردى رەتتەۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى بولات سامبەتوۆ حابارلادى.

دەپارتامەنت باسشىسىنىڭ ايتۋىنشا، بۇعان دەيىن قابىلدانعان 5 جىلدىق جوسپاردا ستانتسيالاردا وندىرىلەتىن ەلەكتر ەنەرگياسى جانە ولاردى تاسىمالداۋعا كەتەتىن شىعىن كولەمى وزگەرمەگەن جاعدايدا سۋمەن جابدىقتاۋ جانە سۋ بۇرۋعا ارنالعان تاريف 2024 جىلعا دەيىن وزگەرمەيتىنى كورسەتىلگەن.

«الماتى سۋ» مكك وتكەن جىلى 2020–2024 جىلدارعا ارنالعان ءتاريفتىڭ شەكتى دەڭگەيىن بەكىتۋگە ءوتىنىش جاسادى.

«جۇرگىزىلگەن اناليز قورىتىندىسى بويىنشا، جۇكتەمە بولىگىن بيۋدجەتتىك ۇيىمدارعا جانە زاڭدى تۇلعالارعا قايتا ءبولۋ جولىمەن دەپارتامەنت 2020 جىلدىڭ 1 اقپانىنان باستاپ سۋمەن جابدىقتاۋ جانە سۋ بۇرۋعا ارنالعان ءتاريفتى 4%-عا ارزانداتتى»، — دەپ ءتۇسىندىردى ۇلتتىق ەكونوميكا مينسترلىگىنە قاراستى تابيعي مونوپوليالاردى رەتتەۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى بولات سامبەتوۆ.

ودان بولەك، ب. سامبەتوۆ قازاقستاننىڭ باسقا وڭىرلەرىمەن سالىستىرعاندا الماتىدا سۋمەن جابدىقتاۋ جانە سۋ بۇرۋ تاريفتەرى ەڭ تومەن باعادا ەكەنىن اتاپ ءوتتى.

«الماتى سۋ ءتاريفى باعاسىنىڭ تومەندىگى بويىنشا 6 ورىندا، كارىز جۇيەسى بويىنشا – 3 ورىندا تۇر. بۇل رەتتە، ينۆەستيتسيالىق باعدارلاماعا قاتىستى شىعىنداردى قايتا قاراۋ جانە تومەندەتۋ نەگىزىندە 2019 جىلدىڭ 1 قاڭتارىنان باستاپ سۋ جانە كارىز تاريفتەرى 10 پايىزعا ارزانداتىلعان»، – دەدى بولات سامبەتوۆ.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار