«حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋدا ماڭىزدى قۇرال رەتىندە ايقىندالعان جوبانى باس پروكۋراتۋرا پرەزيدەنت اكىمشىلىگىنىڭ وتىنىشتەرىن قاراۋدى باقىلاۋ جونىندەگى بولىمىمەن بىرگە ازىرلەدى» دەلىنگەن حابارلامادا.
وتىنىشتەرگە قاتىستى پروتسەستەردى تسيفرلاندىرۋدى قامتاماسىز ەتەتىن اقپاراتتىق جۇيە:
- مەملەكەتتىك ورگانداردىڭ قۇزىرەتىنە قاراي وتىنىشتەردى اۆتوماتتى تۇردە بولۋگە;
- مەملەكەتتىك ورگاندار اراسىندا ساۋالدار سانىن وڭتايلاندىرۋ ەسەبىنەن وتىنىشتەردى قاراۋ مەرزىمىن قىسقارتۋعا; - وتىنىشتەردى قاراۋدا بارلىق ساتى مەن مەرزىم بويىنشا ءوتىنىش بەرۋشىنى اقپاراتتاندىرۋعا;
- مەملەكەتتىك ورگاندارعا تۇسكەن وتىنىشتەردىڭ ءبارىنىڭ بىرىڭعاي بازاسىن قۇرۋعا مۇمكىندىك بەرەدى.
سونداي-اق «ە-ءوتىنىش» اقپاراتتىق جۇيەسى ءوتىنىش بەرۋشىمەن كەرى بايلانىس ۇستاپ, مەملەكەتتىك ورگانداردىڭ جۇمىسىنا باعا بەرۋگە جول اشادى. مەملەكەتتىك ورگانداردىڭ جاۋابىنا مىندەتتى تۇردە جۇيەلى تالداۋ جۇرگىزىلىپ, بۇل جۇمىس جاۋاپسىز قالدىرۋ ءىسىنىڭ الدىن الىپ, ناقتى سالادا وتىنىشتەردى قاراۋدىڭ بىرىڭعاي تاجىريبەسىن جولعا قويادى. قازىرگى ۋاقىتتا «ە-ءوتىنىش» اقپاراتتىق جۇيەسىنىڭ اپروباتسياسىنا دايىندىق جۇرگىزىلۋدە. بيىل ونى بارلىق مەملەكەتتىك ورگاننىڭ جۇمىسىنا ەنگىزۋ جوسپارلانعان.
