«ن» توبىنداعى قازاقستان قۇراماسى ءوزىنىڭ تۇساۋكەسەر كەزدەسۋىن ۋكرايناعا قارسى وتكىزدى. بۇل باسەكەدە جەرلەستەرمىزدىڭ ۇستەمدىگى ەش كۇمان تۋعىزعان جوق. ءبىزدىڭ جىگىتتەردىڭ سوققان سەگىز شايباعا قوناقتار تەك ءبىر عانا گولمەن جاۋاپ بەرە الدى. ەسەپ – 8:1.
ءبىرىنشى كەزەڭنىڭ 4-مينۋتىندا دميتري شەۆچەنكو, 8-مينۋتىندا ەگور پەتۋحوۆ, 10-مينۋتىندا داستين بويد,13-مينۋتىندا رومان ستارچەنكو جانە 18-مينۋتىندا تالگات جايلاۋوۆ نىسانانى ءدال كوزدەسە, ۋكراينالىقتاردىڭ ساپىنان سەرگەي بابينەتس مەرگەندىك تانىتتى.
ۇزىلىستەن كەيىن داررەن ديتس پەن اركادي شەستاكوۆ گول سوقسا, كەزدەسۋدىڭ 52-مينۋتىندا ۆالەري ورەحوۆ باسەكەنىڭ سوڭعى نۇكتەسىن قويدى.
ءوزىنىڭ كەلەسى كەزدەسۋىن قازاقستاننىڭ حوككەيشىلەرى بۇگىن نەدەرلاندى قۇراماسىنا قارسى وتكىزەدى. العاشقى باسەكەدە قىزعالداقتار ەلىنىڭ وكىلدەرى پولشادان 0:8 ەسەبىمەن ۇتىلعان بولاتىن.
