جىل سايىن ۇيىمداستىرىلاتىن جارىستا وتكەن جىلى ءبىزدىڭ قۇراما قولا مەدالعا يە بولعان. بيىل العاشقى ەكى اينالىمدا قاراعاندى مەن الماتى قالالارىنىڭ باسكەتبولشىلارىن جارىس جولىنان شىعارىپ, ءۇشىنشى كەزدەسۋدە اقتوبە كومانداسىنان باسىم تۇسكەن. ال, اقتىق سىندا شىمكەنت قالاسىنىڭ قۇراما كومانداسىن 68:55 ەسەبىمەن ۇتقان.
–مەن بۇل قۇرامانى 6 جىل جاتتىقتىرىپ كەلەمىن. وسى ورىمدەي قىزداردى 2014 جىلى ءوزىم ىرىكتەپ العانمىن. سودان بەرى قىزدار كوپ جەتىستىكتەرگە جەتتى. سونىڭ ءبىرى وسى قازاقستان چەمپيوناتى. تامىز ايىندا جيىن بولدى. قىركۇيەك ايىنان باستاپ دايىندالدىق. ەڭ قيىن كەزدەسۋ فينال بولدى. ويىننىڭ العاشقى مينۋتتارىندا قىزدار ۇپاي سانىمەن جەڭىلىپ جاتقان, بىراق ويىن سوڭىندا جەڭىسكە جەتتى,–دەيدى جاتتىقتىرۋشى ۆيكتوريا ۆولكوۆا.
جارىس بارىسىندا ۇزدىك شەبەرلىك تانىتىپ, ادەمى ويىن ورنەگىن كورەتە بىلگەن جەرلەسىمىز نادەجدا ياكوۆلەۆا چەمپيوناتتىڭ ۇزدىك باسكەتبولشىسى دەگەن اتقا يە بولىپتى.
