كەزدەسۋگە كوپ بالالى انالار, سونىمەن قاتار اۋدان اكىمدەرىنىڭ ورىنباسارلارى, باسقارمالاردىڭ باسشىلارى قاتىستى. تالقىلاۋ بارىسىندا كوپ بالالى جانە از قامتىلعان وتباسىلارعا قولداۋ كورسەتۋ, ونىڭ ىشىندە ەڭبەكپەن قامتۋ, جەكە كاسىپكەرلىك جانە ماتەريالدىق بازانى كەڭەيتۋ, تۇرمىس جاعدايىن جاقسارتۋ, باسقا دا ماسەلەلەر بويىنشا وقىتۋ جۇمىستارىن جۇرگىزۋ, قوسىمشا ۇيىرمەلەر مەن كرەاتيۆتى سەكتسيالار اشۋ ماسەلەلەرى قارالدى.
بۇگىنگى كۇنى «باقىتتى وتباسى» ورتالىقتارى كاسىبي باعىتتا جۇمىس جاساپ, الەۋمەتتىك جانە قارجىلىق-موتيۆاتسيالىق قولداۋ كورسەتۋگە ۇمتىلىپ وتىر. قاجەتتى ماماندىقتار مەن كاسىپكە ۇيرەتۋدە «ىسكەر انا» باعدارلاماسى قولعا الىنىپ, بيزنەس نەگىزدەرىن ۇيرەتۋ جونىندە كومەك كورسەتەدى.
اكىمنىڭ ورىنباسارى ە.باباقۇماروۆ كوپ بالالى وتباسىلارعا قولداۋ كورسەتۋ شارالارىنىڭ الەۋمەتتىك ماڭىزدىلىعىن اتاپ ءوتتى. 2019 جىلدىڭ تامىزىنان باستاپ, اۋداندىق «باقىتتى وتباسى» ورتالىقتارىندا 10 مىڭعا جۋىق الماتىلىق وتباسى اقپاراتتىق-كەڭەستىك جانە رەسۋرستىق, ادىستەمەلىك جانە زاڭنامالىق كومەك الدى, سونىمەن قاتار انا مەن بالانىڭ سالاۋاتتى ءومىرى كابينەتتەرىندە بولدى. 2800-دەن استام ادام گرانتقا قول جەتكىزىپ, وزدەرىنىڭ جەكە بيزنەستەرىن اشتى.
ء«بىزدىڭ قالامىزداعى ەڭ بەلسەندى جاندار – ايەلدەر. سوندىقتان, ديالوگتىق الاڭ قۇرۋ قاجەت, ونىڭ ارقاسىندا ورتالىقتاردىڭ جۇمىستارى جۇيەلەندىرىلەدى, ەڭ باستىسى وزەكتى پروبلەمالار شەشىمىن تاباتىن بولادى», – دەدى الماتى قالاسى اكىمىنىڭ ورىنباسارى ە.باباقۇماروۆ.
قالا اكىمىنىڭ ورىنباسارى س.تۇياقباەۆ الماتى اكىمىنىڭ تاپسىرماسى بويىنشا قالادا تاعى دا ەكى «باقىتتى وتباسى» الەۋمەتتىك ورتالىقتارىن اشۋدىڭ جوسپارلانعانىن, گرانتتار سانىنىڭ ارتاتىنىن حابارلادى.
كەزدەسۋدىڭ ناتيجەسىندە, الەۋمەتتىك ورتالىقتاردىڭ جۇمىستارىنىڭ ساپاسىن ودان ءارى جاقسارتۋ ماقساتىندا, كوپبالالى جانە از قامتىلعان وتباسىلار مەن بىرىگىپ, جۇمىس ىستەۋ ءۇشىن جۇمىس توبىن قۇرۋ تۋرالى شەشىم قابىلداندى. كوتەرىلگەن بارلىق ماسەلەلەر مەن ايتىلعان ۇسىنىستاردى ناقتىلى شەشىمىن تابۋ ءۇشىن جۇمىس توبى جەتە زەرتتەيتىن بولادى.
