وسىعان بايلانىستى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا 2019 جىلدىڭ تامىز ايىنان بەرى ەندوكرينولوگ, گاستروەنتەرولوگ, نەفرولوگ, كارديولوگ, پۋلمونولوگ جانە اللەرگولوگ مەكتەپتەرى اشىلدى. بۇل مەكتەپتەر – ناۋقاستاردىڭ ەمدەلۋگە, ءوز دەنساۋلىقتارىن نىعايتۋعا دەگەن ىنتالارىن قالىپتاستىرۋ, پاتسيەنتتىڭ ءوز دەنساۋلىعى مەن ءومىر ءسۇرۋ ساپاسىنا دەگەن جاۋاپكەرشىلىگىن ارتتىرۋ, مەديتسينا قىزمەتكەرى مەن پاتسيەنتتىڭ اراسىندا ەمدەۋ مەن وڭالتۋدىڭ تيىمدىلىگىنە قول جەتكىزۋدەگى ىنتىماقتاستىقتى قامتاماسىز ەتۋدى كوزدەيدى. ياعني, دەنساۋلىق مەكتەبى ەمدەۋ مەن وڭالتۋدا تيىمدىلىككە قول جەتكىزۋدەگى دارىگەر مەن پاتسيەنت اراسىنداعى ىنتىماقتاستىقتى قامتاماسىز ەتەدى.
وسى ۋاقىتتا 366 ناۋقاسقا ءدارىس وقىلدى. وقۋ ساباقتارىندا ولارعا ارتەريالىق قان قىسىمىن تەكسەرۋ تەحنيكاسى, 2-تيپتەگى قانت ديابەتىندەگى تاماقتانۋ قاعيداتتارى مەن دەنە قيمىلىنىڭ جۇكتەمەلەرىن, ءوزىن-ءوزى باقىلاۋ جانە ءوز وزىنە كومەك كورسەتە ءبىلۋ, ىشەك, وڭەش, اسقازان اۋرۋلارى كەزىندە قالاي تاماقتانۋ كەرەكتىگى, كورونوگرافيا جاساۋعا قانداي كورسەتكىشتەر مەن قارسى كورسەتكىشتەردىڭ بولۋى تۋرالى جانە باسقا دا شارالار جۇرگىزۋ ۇيرەتىلدى.
وقىتۋ ساباقتارىندا الىنعان ءبىلىم مەن داعدىلار پاتسيەنتتەردىڭ ءوز سىرقاتىنا قاتىستى: قاۋىپ فاكتورلارى, ونىڭ دامۋى مەن اسقىنۋلارى تۋرالى اقپاراتتانۋىن ارتتىرۋعا مۇمكىندىك بەردى. ەڭ ماڭىزدىسى – پاتسيەنتتىڭ سانا-سەزىمىنە ءوزىنىڭ تەك ء«دارى ءىشۋشى» نەمەسە «پروتسەدۋرالاردى قابىلداۋشى» عانا ەمەستىگىن ۇعىندىرۋ ارقىلى – ەمدەۋ پروتسەسىنە ءوزىنىڭ دە قاتىسۋى قاجەت ەكەنىن قالىپتاستىرۋ كەرەك. سونداي-اق پاتسيەنتتىڭ تۋعاندارى دا ونىڭ قايتا قالپىنا كەلۋ جانە وڭالتۋ شارالارىنا قاتىسۋى ءتيىس.
سونىمەن بىرگە مەديتسينا قىزمەتكەرلەرىنىڭ وزدەرى دە وقۋدان ءوتتى. ماسەلەن, بۇكىلالەمدىك جۇرەك كۇنى شەڭبەرىندە ينستيتۋت مەيىرگەرلەرى الماتى قالاسى ەمحانالارىنىڭ ورتا مەديتسينا پەرسونالىنا سەمينار وتكىزىپ, وعان 27 مەيىرگەر قاتىستى. ەلىمىزدىڭ بارلىق ايماقتارىنداعى مساك مەيىرگەرلەرى ءۇشىن «اۋرۋلاردى باسقارۋ باعدارلاماسى بويىنشا مەديتسينالىق-سانيتارلىق العاشقى كومەك كورسەتۋدەگى مەيىرگەرلەردىڭ ءرولى» اتتى ەكى كۇندىك سەمينار وتكىزىلدى. بۇل دارىستەر ابب ءتيىمدى ەنگىزۋدىڭ داعدىلارىن ودان ءارى جەرگىلىكتى ورىنداردا «كاسكادتىق ادىسپەن» وتكىزۋگە مساك مەيىرگەرلەرىنىڭ جاتتىقتىرۋشىلارىن ۇيرەتىپ, دايىندايدى.
