بۇل تەڭدەسى جوق جوبا عۇلاما ءال-ءفارابيدىڭ ادامزات ءۇشىن ەڭ باستى دەپ ساناعان مەيىرىمدىلىك, پاراساتتىلىق, ادالدىق جانە ادىلدىك سىندى قۇندىلىقتاردى قاپەردە ۇستاي وتىرىپ, ەلدەگى يگى ىستەر ەستافەتاسىنا سەرپىن بەرەدى.
چەللەندجگە كەز كەلگەن ادام قاتىسا الادى. ول ءۇشىن الەۋمەتتىك جەلىلەردە قايىرىمدى ءىس-ارەكەتتەر, قايىرىمدى جانە ىزگى ىستەر تۋرالى پوست, فوتوسۋرەتتەر نەمەسە بەينەبايان جاريالاۋ جەتكىلىكتى. چەللەندجدىڭ ۇيىمداستىرۋشىلارى ەستافەتانى جالعاستىرۋدى جانە ونى #AlFarabiQQ حەشتەگىمەن سۇيەمەلدەۋدى ۇسىنادى.
ء«ال-فارابي «باقىتتىڭ ءمانى – پاراساتتىلىقتا, اركىمنىڭ ءوز الدىندا يگىلىكتى ماقسات قويا بىلۋىندە... ادامنىڭ ءوز مىنەز-قۇلقىن, ءىس-ارەكەتىن ەرىكتى تۇردە وزگەرتىپ, يگىلىككە باعىتتاپ وتىرۋىندا», – دەگەن بولاتىن. ءاربىر ادامنىڭ جاقسىلىق جاساۋعا, ءوزىن جانە اينالاسىنداعىلاردى باقىتتى ەتۋگە بار كۇش-جىگەرى جەتەدى. ەگەر ءبىز ارقايسىمىز ءوز-ءوزىمىزدى جەتىلدىرۋگە جانە جاقسى ءىس-ارەكەتتەر جاساۋعا ۇمتىلساق, بارشامىز بىرگە قازاقستاندى قۋاتتى ۇلت پەن جاۋاپتى ادامداردان تۇراتىن – تابىستى, قايىرىمدى ەلگە اينالدىرامىز» دەيدى فلەش-موبقا قاتىسقان ەكىنشى كۋرس ستۋدەنتى حاسان نۇرسات.
جوبا جاستار اراسىندا ۆولونتەرلىك قوزعالىستى دامىتۋعا, الەۋمەتتىك ىنتىماقتاستىقتى نىعايتۋعا جانە تەك جاھاندىق عانا ەمەس, سونىمەن قاتار جەرگىلىكتى قوعامداستىق ماسەلەلەرىن دە شەشۋدە باستاماشىل توپتاردى ۇيىمداستىرۋعا, ناقتى ادامدارعا كومەك كورسەتۋگە باعىتتالعان. چەللەندج مەديا كەڭىستىكتە وڭ كوزقاراس كورسەتۋگە جانە ءبىر-بىرىنە مەيىرىمدىلىك پەن جاناشىرلىق تانىتا وتىرىپ, قيىن-قىستاۋ جاعدايعا تاپ بولعان ادامداردىڭ ومىرىنە بەيجاي قاراماي, ءبىر-بىرىنە بولىسۋ ارقىلى, ناقتى ءىس-ارەكەتتەر جاساۋدىڭ ماڭىزدى ەكەنىن قاپەردە ۇستاۋعا سەپتەسەدى.
