«كوروناۆيرۋستىڭ تارالۋى تۋرالى جاعداي ەلدىڭ ورتالىق بانكتەرىنىڭ ارەكەتىنە قالاي اسەر ەتۋى مۇمكىن؟» دەگەن سۇراققا «ەگەر ۆيرۋستىڭ تارالۋى ەكونوميكالىق پروتسەستەر مەن تاۋار نارىقتارىنا ايتارلىقتاي اسەر ەتسە, وندا ورتالىق بانكتەر شارا قولدانا باستايتىنىنا كۇمان جوق. بۇل ۆيرۋستىڭ تارالۋ ىقتيمالدىعىن نەمەسە ونىڭ اسەر ەتۋ دارەجەسىن ەشكىم الدىن الا باعالاي المايتىنىن ءتۇسىنۋ كەرەك», - دەپ جاۋاپ بەردى ۇلتتىق بانك باسشىسى.
سونىمەن بىرگە ول كوروناۆيرۋستىڭ ەكونوميكا ءۇشىن قاۋپى اسىرا باعالانادى جانە نارىق ءۇشىن جاھاندىق سالدار بولمايدى دەگەن پىكىر بار.
ۇلتتىڭ بانك توراعاسىنىڭ ءتۇسىندىرۋى بويىنشا ءار ءتۇرلى ستسەناريلەر بويىنشا داعدارىسقا قارسى جوسپارلار جاسالدى. ءبىزدىڭ قولىمىزدا داعدارىستى ەڭسەرۋدىڭ تەتىكتەرى بار.
«وتكەن جىلدىڭ سوڭىندا ۇكىمەتپەن بىرگە ءبىز قازىرگى جاعدايدى ەسكەرە وتىرىپ, وسى باعدارلامالاردى جاڭارتتىق. ۇكىمەت پەن ۇلتتىق بانكتە مۇنداي ستسەناري بار», دەدى ەربولات دوساەۆ.
سونىمەن قاتار ۇلتتىق بانك باسشىسى الەم ەكىگە بولىنگەنىن اتاپ ءوتتى: بۇل بارىننان بار قۇبىلىستىڭ ساياسي بوياۋى قالىڭداپ كەتتى. ازىرگە كوروناۆيرۋستىق ىندەت جاھاندىق ەكونوميكالىق قۇلدىراۋدىڭ قوزعاۋشىسى بولادى دەگەن پىكىر باسىم. بىراق ۇلتتىق بانك توراعاسىنىڭ پىكىرىنشە, قىتاي ۇكىمەتى قىسقا مەرزىمدە جەڭە الادى, جاعدايدىڭ اسقىنىپ كەتۋىنىڭ الدىن الادى.
«بۇكىل الەم لوكاليزاتسيانى قالايدى. بۇل ماسەلە تەك قىتايلىق پروبلەما ەمەس ەكەنىن ءبارىمىز تۇسىنەمىز. الەمدىك قاۋىمداستىق, قىتاي ەكونوميكاسىنىڭ دامۋ تۇراقتىلىعىنا وتە مۇددەلى. بۇگىنگى تاڭدا ءبىز ءۇشىن قاجەتتى شەشىمدەر قابىلداۋ ءۇشىن ماسەلەلەرگە مۇقيات باقىلاۋ جۇرگىزۋ قاجەت. كوروناۆيرۋس ماسەلەسى جاھاندىق قۇلدىراۋدى باستايتىن ماڭىزدى تريگگەر ەمەس. مۇنداي جاعدايدا دۇربەلەڭگە ۇشىراماي, كۇتۋىمىز كەرەك دەپ سانايمىن, سودان كەيىن جاعدايدى باعالاعاننان كەيىن ارەكەت ەتەمىز. ءبىز جاعدايدى مۇقيات قاداعالايتىن بولامىز. قىتاي ءبىزدىڭ نەگىزگى ساۋدا سەرىكتەستەرىمىزدىڭ ءبىرى بولعاندىقتان, بۇل ەكسپورت كىرىسىنىڭ ازايۋىنا اسەر ەتۋى مۇمكىن. بۇل فاكتوردىڭ اسەرى قىسقا مەرزىمدى بولادى دەپ سانايمىز», دەپ تۇيىندەدى ول.
