شەتەلدىك ينۆەستورلار كەڭەسىنىڭ جۇمىسى شەڭبەرىندە قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ تاپسىرماسىن ورىنداي وتىرىپ, 2018 جىلى فمق ءبىلىم جانە عىلىم جانە ەڭبەك جانە الەۋمەتتىك قورعاۋ مينيسترلىكتەرىمەن بىرلەسە وڭىرلىك جوعارى وقۋ ورىندارىندا مانساپتىق ورتالىقتار ۇيىمداستىرۋ مەن قىزمەت ەتۋدىڭ ۇزدىك تاجىريبەسىن ەنگىزۋ جونىندەگى جوبانى جۇزەگە اسىردى. وسى جوبا اياسىندا ەلدىڭ جەتەكشى وقۋ ورىندارىنىڭ ءبىرى – قمەبي – بازاسىندا ترەنينگ-سەمينارلار وتكىزىلىپ, وسىنداي ورتالىقتاردىڭ جۇمىس ىستەۋىنىڭ وزىق تاجىريبەسى ۇسىنىلدى, ودان ءارى وڭىرلىك جوعارى وقۋ ورىندارىنىڭ مانساپتىق ورتالىقتارى العان بىلىمدەرىن ءتيىمدى پايدالانۋ ءۇشىن ايماقتاردا كەڭەستەر وتكىزىلدى. جۇمىس ناتيجەسىندە فمق جانە قمەبي قولداۋىمەن بەس ايماقتىق ۋنيۆەرسيتەتتەردە مانساپ ورتالىقتارى قۇرىلدى.
2019 جىلى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ توراعالىعىمەن وتكەن «ادامي كاپيتالدى دامىتۋ» تاقىرىبىنا ارنالعان شەتەلدىك ينۆەستورلار كەڭەسىنىڭ 32-ءشى پلەنارلىق وتىرىسىندا ەلدىڭ جانە ءوڭىردىڭ جەتەكشى جۇمىس بەرۋشىلەرىنىڭ ءبىرى «فيليپ مورريس ينتەرنەشنل» شىعىس ەۋروپا ايماعى بويىنشا پرەزيدەنتى ماركو ماريوتتي كومپانيانىڭ جۇمىس تاجىريبەسىمەن ءبولىستى.
فمق الداعى ۋاقىتتا دا ەلىمىزدىڭ ادامي كاپيتالىن دامىتۋعا ىقپال ەتۋدى كوزدەپ وتىر. قمەبي كومپانيا ءۇشىن ءاردايىم ستراتەگيالىق جانە سەنىمدى سەرىكتەس بولىپ تابىلادى. قمەبي-دە وتكەن ماراپاتتاۋ راسىمىندە كومپانيا باسشىسى حۋان كارلوس ەسكوبار: «قازاقستاننىڭ وڭىرلىك ۋنيۆەرسيتەتتەرىندە مانساپتىق ورتالىقتاردى قۇرۋ جونىندەگى جوبانى تابىستى ىسكە اسىرۋ كوبىنەسە قمەبي-ءدىڭ قولداۋى مەن جاردەمدەسۋىنىڭ ارقاسىندا بولدى, وسىعان بايلانىستى قمەبي-ءدىڭ مانساپتىق ورتالىعىنىڭ جۇمىس مودەلى ءبىز ءۇشىن ەتالوندىق بولىپ تابىلادى», – دەپ پىكىر ءبىلدىردى.
فمق ۇزدىك جۇمىس بەرۋشى رەتىندە بىرنەشە رەت ماراپاتتالدى. كومپانيا 2019 جىلدىڭ باسىندا قاتارىنان ءتورتىنشى رەت ۇزدىك جۇمىس بەرۋشىلەر ينستيتۋتىنىڭ حالىقارالىق ماراپاتىنا يە بولدى (Top Employer Institute - پەرسونالدى باسقارۋ سالاسىنداعى جوعارى الەمدىك ستاندارتتارعا سايكەستىككە باعا بەرەتىن حالىقارالىق سەرتيفيكاتتاۋ ۇيىمى) جانە Top Employer Institute باعالاۋى بويىنشا 2019 جىلى ەۋروپا مەن قازاقستاننىڭ ۇزدىك جۇمىس بەرۋشىسى بولىپ تانىلدى. 2019 جىلدىڭ اقپان ايىندا فمق EQUAL-SALARY حالىقارالىق سەرتيفيكاتتاۋدان تابىستى ءوتتى جانە ەرلەر مەن ايەلدەرگە قاتىستى ەڭبەكاقى تولەۋدە بىردەي قاعيداتتاردى قولدانۋدى, سونداي-اق ولاردىڭ كاسىبي ۇلەسى ولاردىڭ جىنىسىنا قاراماستان بىردەي باعالاناتىنىن راستايتىن قازاقستاندا العاشقى كومپانيا بولدى. EQUAL-SALARY سەرتيفيكاتىن EQUAL-SALARY قورى – شۆەيتساريالىق كوممەرتسيالىق ەمەس ۇيىمى – جانە PwC حالىقارالىق اۋديتورلىق كومپانياسى بەرەدى.
فمق ءوز كادرلارىن دامىتۋعا ينۆەستيتسيا سالۋدى جالعاستىرۋدا جانە 1993 جىلدان بەرى ءوز قىزمەتكەرلەرىنىڭ كاسىبي دامۋىنا 16 ميلليوننان استام اقش دوللارىن بولگەن.
