مولدوۆا رەسپۋبليكاسىنىڭ پرەمەر-ءمينيسترى يون كيكۋ ءوز سوزىندە مولدوۆادا بۇكىل قوعامدى ترانسفورماتسيالاۋ مەن جاڭعىرتۋدىڭ نەگىزگى قوزعالتقىشى رەتىندە ات-سەكتوردى شوعىرلاندىرۋعا جانە تسيفرلىق ەكونوميكانى دامىتۋعا ەرەكشە كوڭىل بولىنەتىنىن حابارلادى. ات-سەكتورى ۇلتتىق ەكونوميكانىڭ اسا دامىعان جانە سەرپىندى سەكتورلارىنىڭ بىرىنە اينالدى. مولدوۆا رەسپۋبليكاسىنىڭ اقپاراتتىق تەحنولوگيالار يندۋسترياسىندا سوڭعى جىلدارى سەرپىندى ءوسىم بايقالۋدا.
رەسەي فەدەراتسياسى ۇكىمەتىنىڭ توراعاسى ميحايل ميشۋستين تسيفرلىق فورۋمنىڭ قىسقا ۋاقىت ىشىندە تسيفرلىق ترانسفورماتسيا مەن جاھاندىق ەكونوميكانىڭ كەلەشەگى, سونداي-اق ەاەو-نىڭ تسيفرلىق كۇن ءتارتىبى تالقىلاناتىن ىسكەري الاڭعا اينالعانىن اتاپ ءوتتى. ول فورۋم اتالعان ماسەلەلەردىڭ ەاەو-نىڭ تۇراقتى الەۋمەتتىك-ەكونوميكالىق دامۋىنا ىقپالىنىڭ ماڭىزدىلىعىن جاقسى تۇسىنۋگە مۇمكىندىك بەرەتىندىگىنە جانە وتە كۇردەلى زاماناۋي سىن-تەگەۋرىندەرگە جالپى جاۋاپتاردى ازىرلەۋگە ىقپال ەتەتىندىگىنە سەنىم ءبىلدىردى. وسى سىن-تەگەۋرىندەردىڭ بارلىعىن رەسەي ۇكىمەتى توراعاسىنىڭ سويلەگەن ءسوزى سۇيەمەلدەنەتىن قىسقا روليكتە رەسەي تاراپى تۇجىرىمدادى.
