قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ۇيىمداستىرىپ وتىرعان حالىقارالىق فورۋمعا قازاقستان رەسپۋبليكاسى پرەمەر-ءمينيسترى ا.مامين, تسيفرلىق دامۋ, قورعانىس جانە اەروعارىش ونەركاسىبى ءمينيسترى اسقار جۇماعاليەۆ, رەسەي فەدەراتسياسى ۇكىمەتىنىڭ باسشىسى م.ۆ.ميشۋستين, بەلارۋس رەسپۋبليكاسىنىڭ پرەمەر-ءمينيسترى س.ن.رۋماس, مولدوۆا رەسپۋبليكاسىنىڭ پرەمەر-ءمينيسترى ي.ۆ. كيكۋ, ارمەنيا پرەمەر-ءمينيسترىنىڭ ءبىرىنشى ورىنباسارى م. گريگوريان, قىرعىز رەسپۋبليكاسىنىڭ پرەمەر-ءمينيسترىنىڭ ءبىرىنشى ورىنباسارى ج.پ.رازاكوۆ, ەۋرازيا ەكونوميكالىق كوميسسياسى كوللەگيا توراعاسى ت.س. ساركيسيان, بۇۇ باس حاتشىسىنىڭ ورىنباسارى ف.حوحشيلد, ۇلىبريتانيا مەملەكەتتىك تسيفرلىق قىزمەتىنىڭ ديرەكتورى كريس فەرگيۋسون, Amazon Web Services ترانسفورماتسيا بويىنشا ديرەكتورى ل.ماكسۆەللا, 01 Edu System ەۋروپالىق ءبىلىم پلاتفورماسىنىڭ نەگىزىن قالاۋشى ن.ساديراك, سىرتقى ىستەر مينيسترلىگى مەن الماتى قالاسى اكىمدىگىنىڭ وكىلدەرى جانە ساياسي كوشباسشىلار, جەتەكشى CEO, ءىت سالاسىنداعى حالىقارالىق ساراپشىلار قاتىسۋدا.
فورۋمنىڭ مودەراتورى ورتالىق ازيا, ءازىربايجان, مونعوليا بويىنشا ايماقتىق ديرەكتورى اندرەي بەكلەميشەۆ بۇۇ باس حاتشىسىنىڭ ورىنباسارى ف.حوحشيلد, ۇلىبريتانيا مەملەكەتتىك تسيفرلىق قىزمەتىنىڭ ديرەكتورى كريس فەرگيۋسون, Amazon Web Services ترانسفورماتسيا بويىنشا ديرەكتورى ل.ماكسۆەللا, 01 Edu System ەۋروپالىق ءبىلىم پلاتفورماسىنىڭ نەگىزىن قالاۋشى ن.ساديراكپەن نەگىزگى فورۋم جۇمىسىنا دەيىن از-كەم پىكىر الماسىپ ءوتتى.
ارى قاراي فورۋمدا باعدارلاماسىنا سايكەس جاساندى ينتەللەكت نەگىزىندە ءوڭىردىڭ تۇراقتى دامۋىن قۇرۋ جولدارى تالقىلاناتىن بولادى. سونىمەن قاتار قازاقستان, ارمەنيا, بەلورۋسسيا, قىرعىزستان جانە رەسەي, سونداي-اق مولدوۆا پرەمەر-مينيسترلەرىنىڭ قاتىسۋىمەن وتەتىن پلەنارلىق سەسسيادا جاساندى ينتەللەكت پەن ۇلكەن مالىمەتتەر سالاسىندا كواليتسيانى قۇرۋ جانە ءوزارا ءىس-قيمىل جاساۋ جولدارىن, ينفراقۇرىلىمدى قۇرۋ جانە تەحنولوگيالاردى ىلگەرىلەتۋ قاجەتتىلىگى تالقىلانادى.
فورۋم باعدارلاماسى ەاەو تسيفرلىق كۇن تارتىبىنە, ءىت-كومپانيالاردى دامىتۋعا جانە «تسيفرلىق قازاقستان» مەملەكەتتىك باعدارلاماسىنىڭ ونىمدەرىن ىلگەرىلەتۋگە, سونداي-اق بولاشاقتىڭ ءبىلىمى جانە تۇراقتى دامۋعا قول جەتكىزۋ ماسەلەلەرىنە ارنالعان ءتورت پانەلدىك سەسسيانى قامتيدى.
