سۋرەتتى تۇسىرگەن مارات جۇنىسبەكوۆ (Marabeey)
الماتىدا ءال-فارابي اتىنداعى قازاق ۇلتتىق ۋنيۆەرسيتەتىندە ءال-ءفارابيدىڭ 1150 جىلدىق مەرەيتويى الەمنىڭ 40-تان اسا ەلىنەن كەلگەن قوناقتاردىڭ باسىن قوسقانى ايان.
الەمنىڭ ءار قيىرىنان كەلگەن سپيكەرلەر قاتارىندا تۇركيا رەسپۋبليكاسى ۇلى ۇلتتىق ءماجىلىسىنىڭ دەپۋتاتى مەتين گۇندوعدۋ سويلەدى.
– 870 جىلى قازىرگى قازاقستان اۋماعىنداعى وتىرار قالاسىندا «ادامزاتتىڭ ەكىنشى ۇستازى» جانە «شىعىستىڭ اريستوتەلى» دەگەن اتپەن بەلگىلى ءابۋ ناسىر مۇحاممەد يبن تارحان يبن ۋزلاع ءال-فارابي ات-تۋركي دەگەن ۇلى عالىم, ەنتسيكلوپەديست, يسلام ءپالساپاسىنىڭ الدىڭعى قاتارداعى قايراتكەرى تۋدى.
بۇگىن ءال-ءفارابيدىڭ تۋعانىنا 1150 جىل تولۋىن قازاقستان مەن بۇۇ بولىپ اتاپ ءوتىپ جاتىرمىز. ۇلى عالىم باتىس پەن شىعىس اراسىندا عىلىمي ءارى رۋحاني ءبىر كوپىر. ول ءبىر ۇلى مادەنيەتتىڭ ءپالساپاشىسى جانە كۇنىمىزدە مەملەكەتتەر اراسىندا تۋىنداپ جاتقان پروبلەمالاردى شەشۋدە ءبىز ءال-فارابيدىڭ كوزقاراسى مەن ويلارىنا مۇقتاجبىز. ءال-فارابي تۇركى الەمى ءۇشىن وتە ماڭىزدى ءبىلىم قايراتكەرى بولۋىمەن قاتار ءبىزدىڭ ورتاق قۇندىلىقتارىمىزدىڭ ىشىندەگى دە قادىرى ەرەكشە ءبىر ەسىم. ءومىر سۇرگەن ايماقتارىنا قارايتىن بولساق, ۇلى عالىمنىڭ الەم كارتاسىنداعى ماڭىزى ەرەكشە جاعىراپيادا اسا بەدەلدى بولعانىن بايقاۋعا بولادى.
ءال-فارابيدىڭ ىستانبۇلدا مۇراجاي-ءۇيىنىڭ جانە ىستانبۇل ۋنيۆەرسيتەتىنىڭ قۇرامىندا فارابي زەرتتەۋلەرى ورتالىعىنىڭ اشىلۋى ەكى ەلدىڭ ينتەگراتسياسى ءۇشىن ەرەكشە ماڭىزدى. سول سەبەپتى دە 2020 فارابي جىلىندا ءبىز تۇركيا رەسپۋبليكاسىنىڭ رەسمي وكىلدەرى رەتىندە ءال-فارابي اتىنداعى قازاق ۇلتتىق ۋنيۆەرسيتەتىمەن تىزە قوسا وتىرىپ, ىستانبۇل مەن انكارادا ءتۇرلى ءىس-شارالاردى جاساۋدى جوسپارلاۋدامىز.
الەمدىك QS Ranking رەيتىنگىسى بويىنشا 207-ءشى ورىنعا يە بولعان, تۇركى جانە يسلام الەمىنىڭ ەڭ ۇزدىك ۋنيۆەرسيتەتى بولىپ تانىلعان وقۋ ورداسىنىڭ بۇكىل الەمگە لايىقتى دەڭگەيدە تانىتىلۋى ءۇشىن ۇلى ءال-فارابي اتىندا بولۋى جانە ء«ال-فارابي اتىنداعى قازاق ۇلتتىق ۋنيۆەرسيتەتى» دەپ اتانۋى وتە ماڭىزدى. ءال-فارابي اتىنداعى قازاق ۇلتتىق ۋنيۆەرسيتەتىنىڭ جەتكەن بۇل كورنەكتى جەتىستىگى بۇكىل تۇركى الەمىنىڭ ۋنيۆەرسيتەتتەرىنىڭ ۇيىمداسۋى ءۇشىن ءبىر جاقسى ۇلگى. بۇل جەتىستىكتەرىڭىز ءبىزدىڭ تاڭعالدىرىپ وتىر. سونىمەن قاتار دا قاتتى قۋانتادى. بۇل جەتىستىك ءسوز جوق ۋنيۆەرسيتەت رەكتورى اكادەميك پروفەسسور, دوكتور عالىمقايىر مۇتانوۆتىڭ جانە ونىڭ كومانداسىنىڭ ەڭبەگىنىڭ جەمىسى, – دەدى تۇركيا رەسپۋبليكاسى ۇلى ۇلتتىق ءماجىلىسىنىڭ دەپۋتاتى مەتين گۇندوعدۋ.
