جاڭا زاڭ وسكەلەڭ ۇرپاق تاربيەسىنە ارالاساتىن پەداگوگ ماماندار ءۇشىن قانداي مۇمكىندىكتەر بەرەدى؟ الداعى ۋاقىتتا ەلىمىزدەگى ءبىلىمنىڭ ساپاسى ارتا ما, جەرگىلىكتى جەرلەردە مەكتەپتەر جەتىسپەۋشىلىگى شەشىلىپ, ماتەريالدىق بازاسى جاڭارا ما, الىس ايماقتارعا پەداگوگ ماماندار بارا الا ما؟
مىنە, ساۋالى كوپ سالانىڭ بولاشاعىنا قاتىستى تۋىنداعان سۇراقتارعا اباي اتىنداعى قازاق ۇلتتىق ۋنيۆەرسيتەتىندە بولاشاق پەداگوگ ماماندارمەن كەزدەسۋىندە ءبىلىم جانە عىلىم ءمينيسترى اسحات ايماعامبەتوۆ جاۋاپ بەرىپ, ءبىلىم سالاسىن جاقسارتۋعا باعىتتالعان كەشەندى جۇمىستار بارىسىنان حاباردار ەتىپ ءوتتى.
ەركىن ديالوگقا قۇرىلعان جيىنعا قىزدار پەداگوگيكالىق ۋنيۆەرسيتەتى, ابىلايحان اتىنداعى شەت تىلدەر ۋنيۆەرسيتەتىنەن ەكى جۇزگە جۋىق ستۋدەنت قاتىسىپ, وزدەرىن تولعاندىرعان سۇراقتارعا جاۋاپ الدى.
سۇراقتاردىڭ باسىم كوپشىلىگى جوعارى وقۋ ورىندارى مەن مەكتەپتەردەگى زەرتحانالاردىڭ زاماناۋي تالاپتارعا ساي كەلمەۋىمەن, جەكەلەگەن پاندەردى وقىتۋدا كەزدەسەتىن قيىندىقتار مەن وقۋلىقتار ساپاسى, ءداستۇرلى ءبىلىم بەرۋ مەن دۋالدى وقىتۋ جۇيەسىندەگى ۇيلەسىمدى-ۇيلەسىمسىز تۇستارمەن بايلانىستى ءوربىدى.
الماتى
