رۋحانيات • 29 قاڭتار، 2020

الماتىدا ءال-فارابي ورتالىعى-كىتاپحاناسى اشىلدى

137 رەتكورسەتىلدى

ءدال وسى ساتتەردە الماتىداعى ءال-فارابي اتىنداعى قازاق ۇلتتىق ۋنيۆەرسيتەتىندە ءال-ءفارابيدىڭ 1150 جىلدىق مەرەيتويىنىڭ باستالۋىنا وراي ءال-فارابي ورتالىعى-كىتاپحاناسى  اشىلدى.  

ءال-فارابي ورتالىعى-كىتاپحاناسىنىڭ تۇساۋكەسەرىنە  قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ، ءبىلىم جانە عىلىم ءمينيسترى اسحات ايماعامبەتوۆ، مادەنيەت جانە سپورت ءمينيسترى اقتوتى رايىمقۇلوۆا، مەملەكەت جانە قوعام قايراتكەرلەرى كەلدى.

سونداي-اق ءال-ءفارابيدىڭ 1150 جىلدىق مەرەيتويىنىڭ سالتاناتتى تۇردە ستارت الۋىنا بۇۇ جانە يۋنەسكو، يىۇ، تۇركسوي، سونىمەن قاتار، باسقا دا حالىقارالىق ۇيىمداردىڭ، قازاقستانداعى ديپلوماتيالىق ميسسيالاردىڭ وكىلدەرى، جوو رەكتورلارى، عىلىمي ورتالىقتار مەن عزي جەتەكشىلەرى، تانىمال شەتەلدىك جانە وتاندىق فارابيتانۋشى-عالىمدار قاتىسادى.

مەرەيتويدىڭ مارتەبەلى قوناقتارى بۇگىن «الەمنىڭ ەكىنشى ۇستازى» اتانعان ءابۋ ناسىر ءال-فارابي بابامىزدىڭ 1150 جىلدىعىنا وراي اشىلعان ءال-فارابي ورتالىعى-كىتاپحاناسىن ارالادى. عۇلاما ويشىلعا ارنالعان مۇراجاي ەكسپوزياتسيالارىمەن تانىسىپ، ونىڭ ەڭبەكتەرى مەن ول تۋرالى جازىلعان وتاندىق جانە شەتەلدىك باسىلىمدار  قويىلعان كورمەنى، قازاقستاننىڭ تۇڭعىش پرەزيدەنتىنە، اباي جانە الاش قوزعالىسىنىڭ قايراتكەرلەرىنە ارنالعان زالداردى، سيرەك جانە قۇندى كىتاپتار قورى مەن تسيفرلى وقۋ زالىن كوردى.

1

سونىمەن قاتار بۇگىن كىتاپحانادا مادەنيەت سالاسى بويىنشا تۇڭعىش پرەزيدەنت – ەلباسى مەملەكەتتىك شاكىرتاقىسىن رەسمي تابىس ەتۋ ءراسىمى وتەدى.

تۇستەن كەيىن شارا قاتىسۋشىلارى ءال-فارابي ەسكەرتكىشىنە گۇل شوقتارىن قويادى، سودان كەيىن ستۋدەنتتەر سارايىندا ءال-ءفارابيدىڭ 1150 جىلدىق مەرەيتويى سالتاناتتى تۇردە باستالىپ، سوڭى مەرەكەلىك كونتسەرتكە ۇلاسادى.

يۋنەسكو قامقورشىلىعىمەن حالىقارالىق اۋىقىمدا كەڭىنەن اتالىپ وتەتىن ءال-ءفارابيدىڭ مەرەيتويلىق جىلى الەمنىڭ 40-تان اسا ەلىنەن قوناقتاردىڭ باسىن قوسادى.

2

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار