قوعام • 29 قاڭتار، 2020

وتانىمنىڭ ءبىر كىرپىشى بولىپ قالانسام ارمانىم جوق

32 رەتكورسەتىلدى

پرەزيدەنت قاسىم-جومارت توقاەۆ قىزمەتكە كىرىسەر الدىنداعى ۇلىقتاۋ راسىمىندە ەلىمىزدى دامىتۋدا جاستار الەۋەتىنىڭ ەرەكشە ەكەنىن ايتىپ، «پرەزيدەنتتىك جاستار كادرلىق رەزەرۆىن» جاساقتاۋ ماسەلەسىن العاش كوتەرگەن بولاتىن. 27 تامىزدا پرەزيدەنتتىك جاستار كادر رەزەرۆىن جاساقتاۋ تۋرالى پرەزيدەنت جارلىعى شىعىپ، ۇلتتىق كوميسسيا قۇرىلدى. بۇل ەلباسى نۇرسۇلتان نازارباەۆ بەكىتكەن جاستار جىلىنا ارنالعان ەڭ ماڭىزدى ايرىقشا باستاما بولدى. جالپى پرەزيدەنتتىك جاستار كادر رەزەرۆىنە ەنۋگە ارنالعان بايقاۋ 6 كەزەڭنەن تۇردى.

جالپى كونكۋرستىق كەزەڭدەر قا­تى­سۋ­شىلاردىڭ تومەندەگى قۇزى­رەت­تىلىك كورسەتكىشتەرى بويىنشا: تالداۋ جانە شەشىم قابىلداۋ، جۇمىس بارىسىن باسقارۋ، كوشباسشىلىق، جاڭاشىلدىق جانە وزگەرىستەردى باسقارۋ، سەندىرە ءبىلۋ، شىعارماشىلىق، سىني ويلاۋ باعىتتارى مەملەكەت باسشىسى جولعا قويىپ وتىرعان «حالىق ۇنىنە قۇلاق اساتىن مەملەكەت» تۇجىرىمداماسىنا نەگىزدەلەدى دەپ ويلايمىن. بۇل قۇزى­رەت­تىلىكتەر رەزەرۆشىلەردىڭ حا­لىق­پەن ەتەنە جۇمىس ىستەۋ، سونىمەن بىرگە ەلىمىزدىڭ الەۋمەتتىك-ەكونوميكالىق ما­سەلەلەردى شەشۋ قابىلەتىنە ساي جا­سالعان.

 بۇل جوبانىڭ ۇلكەن ارتىقشىلىعى ەلى­مىزدەگى كادر تاڭداۋداعى ەسكى ۇر­دىس­تەن ادا بولۋى. اتاپ ايتقاندا، بۇرىن جوعارى لاۋازىمدى قىزمەتكە قويۋ ءۇشىن الدىمەن تومەنگى مەكەمەلەر ءوز كانديداتتارىن ۇسىناتىن جانە بىرنەشە كونكۋرستىق كەزدەسۋلەردەن كەيىن قاجەتتى تۇلعا تاڭداپ الىناتىن. شىنى كەرەك، وسى ورايدا تامىر-تانىستىق جانە سىبايلاس جەمقورلىق فاكتىلەرى كەزدەسىپ جاتاتىن. ال قازىرگى جاڭا جوبانىڭ ءار كەزەڭىندە ادىلدىك، اشىقتىق، شىنايى باعالاۋ بەلگىلەرى ايقىن كورىندى. وسى جوبا تەتىگىن جە­تىل­­دىرىپ جانە بەيىمدەپ ەلىمىزدەگى كەز كەلگەن سالادا قىزمەتكەر تاڭداۋعا قول­دانسا وتە ءتيىمدى بولادى.

مەن پرەزيدەنتتىك كادر رەزەرۆىنىڭ مۇشەسى رەتىندە ءال-فارابي اتىنداعى قازۇۋ رەكتورى عالىمقايىر مۇتان­ۇل­ىنىڭ جەكە قابىلداۋىندا بولىپ، ونىڭ ۋنيۆەرسيتەت جانىنان قۇرىلىپ جاتقان، قازىرگى عالامدىق عىلىمنىڭ دامۋىنداعى ەڭ ماڭىزدى سالانىڭ ءبىرى بيومەديتسينا سالاسىن ەلىمىزدە دامىتۋعا باعىتتالعان بيومەديتسينا عىلىمي-زەرتتەۋ ورتالىعىنىڭ ديرەكتورى قىزمەتىنە تاعايىندالدىم. بيومەديتسينانى ەلىمىزدە دامىتۋ تۋرالى ەلباسى نۇرسۇلتان نازارباەۆ 2018 جىلعى جولداۋىندا ءوسۋدىڭ باسىم باعىتتارى رەتىندە يننوۆاتسيالىق جانە سەرۆيستىك سەكتورلاردى دامىتۋعا ەرەكشە كوڭىل ءبولۋ ءجون ەكەندىگىن، ونىڭ ىشىندە، ەڭ الدىمەن، «بولاشاقتىڭ ەكونوميكاسىنىڭ» بالامالى ەنەرگەتيكا، جاڭا ماتەريالدار، بيومەديتسينا، ۇلكەن دەرەكتەر، زاتتار ينتەرنەتى، جاساندى ينتەللەكت، بلوكچەين جانە باسقا دا باعىتتارىن ىلگەرىلەتۋدى قامتا­ماسىز ەتۋ قاجەت ەكەندىگىن ايت­قان بولاتىن.

 نەگىزىندە مەن كونكۋرسقا ەلىمىزدىڭ اۋىل شارۋاشىلىعى سالاسىن دامىتۋ جانە ونى جاڭا بەلەسكە كوتەرۋ ماقساتىنداعى «قازاقستاننىڭ بولا­شاق فەرمەرلەرى» دەپ اتالاتىن جوبامدى SWOT تالداۋعا نەگىزدەلە وتىرىپ ەلىمىزدەگى اۋىل شارۋاشىلىعى سالاسىنا عىلىمي تەحنيكانى ەنگىزۋ، حالىققا اۋىلشارۋاشىلىق سالاسى بويىنشا اعارتۋ جۇمىستارىن جۇرگىزۋ، وسى سالا بويىنشا تەلە-راديو كەشەنىن اشۋ سەكىلدى يدەيالارىمدى ۇسىنعان ەدىم. ەكىنشىدەن، كونكۋرس­تان وتكەن سوڭ ەلىمىزدىڭ سولتۇستىك ايماقتارىن دامىتۋ جانە قازاق كوشىن سول جاققا بۇرۋعا مۇرىندىق بولۋ ويىمدا بولعان. بولاشاقتا وسى سالادا جا­ۋاپتى جۇمىس ىستەگىم كەلەدى. سەبەبى بۇل ەلىمىزدىڭ ستراتەگيالىق ماڭىزدى ماسەلەلەرىنىڭ ءبىرى بولىپ وتىر. مەن تاۋەلسىز قازاقستاننىڭ كوشى-قون ساياساتىنىڭ جەمىسىمىن. 2005 جىلى اتاجۇرتقا كەلدىم. وسى كۇنگە دەيىن ىلىككە الاتىن ءبىر جەتىستىككە جەتكەن بولسام، ول اۋەلى جاراتۋشىنىڭ، سوسىن تاربيەلەپ وسىرگەن اتا-انام­نىڭ، وتباسىلىق قولداۋدىڭ ارقاسى. ارينە، بۇنىڭ ءبارى ىشكى جانە گەنەتيكالىق، الەۋمەتتىك فاكتورلار. ال وسى ىشتەگى اقىل-وي ءدانىنىڭ ءبۇر جارۋىنا تاماشا ورتا بولدى. ول مەنىڭ تاۋەلسىز وتانىم، ۇلى دالادا ءومىر ءسۇرىپ، ماڭ­دايىم­نان سيپاعان اتاجۇرتتاعى قارا ورمان حالقىم. ەلباسى نۇرسۇلتان نازارباەۆتىڭ تىكەلەي باس­تا­­ما­شى­لى­عى جانە جولعا قويعان وتە ءتيىمدى سايا­ساتىنىڭ ارقا­سىن­دا 1997 جىلى سول كەزدەگى ەل اعا­لا­رى­نىڭ ەڭ­بەگىمەن «حا­لىقتىڭ كوشى-قونى تۋرالى» زاڭى قا­بىل­­دانىپ، شەتەلدەن ميلليوننان استام قانداس بۇل كۇندە ەلگە ورالدى. العىسىم شەكسىز! اسىرەسە سىرتتان كەلىپ قازاقستاندىق جوعارى وقۋ ورىن­دارىندا ءبىلىم العان جاستار بۇگىن­دە ەلىمىزدىڭ ءار سالاسىندا ايانباي ەڭبەك ەتۋدە. مەن دە سونىڭ ءبىرىمىن. مەن ءۇشىن ۇلكەن جەتىستىك – تاۋەلسىز وتا­نى­ما اباي اتامىز ايتقانداي، ء«بىر كىر­پىش بولىپ قالانۋ».

 

الىبەك ىدىرىس ۇلى،

ءال-فارابي اتىنداعى قازۇۋ بيومەديتسينا عىلىمي-زەرتتەۋ ورتالىعىنىڭ ديرەكتورى

 

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار