پرەزيدەنت • 29 قاڭتار، 2020

قارجى سالاسىنداعى ىنتىماقتاستىقتىڭ كوكجيەگى كەڭ

67 رەتكورسەتىلدى

مەملەكەت باسشىسى قاسىم-جومارت توقاەۆ بىرىككەن اراب امىر­­لىكتەرىنە رەسمي ساپارىنىڭ ەكىنشى كۇنگى باعدارلاماسى ايا­­سىندا بىرقاتار كەزدەسۋ وتكىزىپ، دۋباي «ەكسپو-2020» كور­مە­سى­نە وراي سالىنىپ جاتقان قازاقستان پاۆيلونىمەن تانىس­تى.

قازاقستان پرەزيدەنتى كەشە بىرىككەن اراب امىرلىكتەرىنىڭ ۆيتسە-پرەزيدەنتى، پرەمەر-ءمي­نيسترى، دۋباي بيلەۋشىسى شەيح مۇحاممەد بەن راشيد ءال ماك­تۋممەن كەزدەستى.

اڭگىمەلەسۋ بارىسىندا ەكى ەلدىڭ وڭىرلىك جانە جاھاندىق دەڭگەيدەگى سەرىكتەستىك ماسەلەلەرى تالقىلاندى. مەملەكەت باسشىسى دۋبايدىڭ الەمدەگى ءىرى قارجى جانە تۋريستىك ورتالىقتاردىڭ بىرىنە اينالۋىنا ىقپال ەتكەن رەفورمالارعا جوعارى باعا بەردى.

تاراپتار تسيفرلى ەكونوميكا، ەلەكتروندى كوممەرتسيا، زا­ماناۋي ينفراقۇرىلىم، جاسان­دى ينتەللەكت، قارجىلىق قىز­مەت كورسەتۋ ءىسى، ينۆەستيتسيا، تۋ­ريزم يندۋسترياسى، قۇرىلىس پەن كولىك سالالارىنداعى ىنتى­ماق­تاستىقتىڭ پەرسپەكتيۆالارىن قاراستىردى.

مەملەكەت باسشىسى قازاق­ستان­نىڭ بىرىككەن اراب امىرلىك­تەرى­مەن اراداعى ەكىجاقتى ىنتى­ماق­تاستىقتى نىعايتۋدىڭ ماڭىز­دىلىعىن اتاپ ءوتىپ، بىرلەسكەن بيزنەس-جوبالاردىڭ ىسكە اسىرىلۋىنا تىڭ سەرپىن بەرۋگە نيەتتى ەكەنىن جەتكىزدى.

ء«بىزدىڭ ەلىمىز ءتۋريزمنىڭ جا­ھاندىق تاريحپەن بايلانىستى قىزمەتتەرىن ىلگەرىلەتۋگە دايىن. مىسال رەتىندە التىن وردانى الۋعا بولادى. وسىعان وراي ىشكى ءتۋريزمدى دامىتۋداعى، ونى ساياحاتشىلار ءۇشىن تارتىمدى باعىت ەتۋدەگى امىرلىكتەردىڭ تۋريستىك بيز­نەستى جۇرگىزۋ تاجىريبەسى بىزگە وتە ماڭىزدى»، دەدى قاسىم-جومارت توقاەۆ.

شەيح مۇحاممەد ءال ماكتۋم امىر­لىكتەردىڭ ەكونوميكانىڭ ءار­­تۇرلى سەكتورلارىن دامىتۋ جون­ىندەگى تاجىريبەلەرى مەن بىلىمدەرىن قازاقستانمەن بولى­سۋگە دايىن ەكە­نىنە توقتالدى. سو­نى­مەن قاتار ول قاسىم-جو­مارت توقاەۆقا دۋ­بايدىڭ «ەكسپو-2020» دۇنيە­جۇزىلىك كور­مە­­سىنە دايىندىق بارىسى تۋرالى ايتتى.

وسى ورايدا ايتا كەتەيىك، ق.تو­­قاەۆ دۋبايعا كەلەردىڭ الدىن­­دا ءابۋ-دابي قالاسىندا تاعى ءبىر ماڭىزدى كەزدەسۋ وتكىزدى. اتاپ ايتقاندا، قازاقستان پرەزي­دەنتى ءابۋ دابي امىرلىگىن بيلەۋ­شى اۋلەتتىڭ وكىلى، بىرىككەن اراب امىر­لىكتەرىندەگى ءىرى بيزنەس وكىلى، «Etihad Towers» كوپفۋنك­تسيو­نالدى كەشەنىنىڭ يەسى، «First Abu Dhabi Bank» اكتسيونەرى شەيح سۋرۋر بەن مۇحاممەد ءال ناحايان­مەن كەزدەستى.

كەزدەسۋدە مەملەكەت باسشىسى بىرىككەن اراب امىرلىكتەرى قازاق­ستاننىڭ تاياۋ شىعىستاعى سەنىم­دى سەرىكتەستەرىنىڭ ءبىرى ەكە­نىن، ساپار بارىسىندا ءابۋ ءدابي­دىڭ تاق مۇراگەرى، شەيح مۇحام­مەد بەن زايد ءال ناحايانمەن ەكىجاق­تى ىن­­تىماقتاستىقتى ودان ءارى دا­مى­­تۋعا ۋاعدالاسقانىن اتاپ ءوتتى.

شەيح سۋرۋر بەن مۇحاممەد ءال ناحايان قازاقستان پرەزيدەنتى قاسىم-جومارت توقاەۆقا ءوزىنىڭ «West Hydrocarbons Commercial Investment LLC» كومپانياسىنىڭ باتىس قازاقستان وبلىسىندا مۇناي وڭدەۋ زاۋىتىن سالىپ جاتقانىن ايتتى. الداعى ۋاقىتتا دا ءبىزدىڭ ەلىمىزبەن بىرلەسىپ جۇ­مىس ىستەۋگە، جاڭا جوبالارعا ينۆەستيتسيا سالۋعا نيەت ءبىلدىردى.

ءىرى بيزنەس وكىلدەرىمەن كەزدەسۋ  دۋبايدا دا جالعاستى. مەملەكەت باسشى­سى دۋباي ينۆەستيتسيالىق كورپو­را­تسياسىنىڭ اتقارۋشى دي­رەكتورى مۇحاممەد اش-شاي­بانيمەن كەزدەستى.

كەزدەسۋ بارىسىندا قار­جى سالا­سىنداعى ءوزارا ىنتىماق­تاس­تىققا جانە «استانا» حا­لىق­ارا­لىق قارجى ورتالىعىنىڭ ودان ءارى دامۋ پەرسپەكتيۆاسىنا قا­تىستى ماسەلەلەر تالقىلاندى.

سونىمەن قاتار دۋباي ينۆەس­تيتسيالىق كورپوراتسياسىنىڭ قازاقستانداعى جەكەشەلەندىرۋ باع­دارلاماسىنا جانە «استانا» حا­لىق­ارالىق قارجى ورتالىعى بير­جاسىنىڭ جۇمىسىنا بەل­سەن­دى قاتىسۋ مۇمكىندىكتەرى قاراس­تىرىلدى.

قاسىم-جومارت توقاەۆ مۇ­حام­­­­مەد اش-شايبانيگە قازاق­ستان اك­تيۆتەرىنە ينۆەستيتسيا سالۋ­­عا جانە ساتىپ الۋعا قىزى­عۋ­شى­لىق بىلدىرگەن جاعدايدا، ءبىز­دىڭ مەم­لەكەتتىك قۇرىلىمداردىڭ ينۆەس­تورلار ءۇشىن قولايلى جاعداي جاساۋعا دايىن ەكەنىن ايتتى. 

1

مەملەكەت باسشىسى ساپار اياسىندا دۋبايدىڭ حالىقارالىق قارجى ورتالىعىن (DIFC) ارالاپ كوردى.

دۋبايدىڭ حالىقارالىق قارجى ورتالىعىنىڭ باسقارما تور­اعاسى اريف اميري قاسىم-جومارت توقاەۆقا ارنايى ەكونو­مي­كالىق ايماق جۇمىسىنىڭ پرينتسيپتەرى، قاجەتتى زاڭدىق، كوم­مەرتسيالىق جانە باسقا دا ينفراقۇرىلىمدارمەن قامتا­ماسىز ەتۋ ارقىلى بيزنەس پەن قار­جى ينستيتۋتتارى ءۇشىن تارتىم­دى جاعداي جاساۋ جونىندە ايتتى.

بۇگىندە ورتالىقتا زاڭدى تۇردە 2300-گە جۋىق كومپانيا تىر­كەلگەن. 2024 جىلعا قاراي ولار­­دىڭ دۋباي امىرلىگىنىڭ ىشكى جال­پى ونىمىنە قوساتىن ۇلەسى شامامەن 15 پايىز بولماق.

مەملەكەت باسشىسى «استانا» حالىقارالىق قارجى ورتالىعى مەن دۋبايدىڭ حالىقارالىق قار­جى ورتالىعى اراسىندا تىعىز ىقپالداستىق ورناتۋدىڭ، دۋباي­دىڭ تابىستى تاجىريبەسىن «استا­نا» حالىقارالىق قارجى ورتا­لى­عىنىڭ جۇمىسىنا پايدالانۋدىڭ ماڭىزدىلىعىن اتاپ ءوتتى.

سونداي-اق مەملەكەت باسشىسى دۋبايدا وتەتىن «ەكسپو-2020» كورمەسىنە دايىندىق بارىسىمەن تانىسىپ، ءدۇبىرلى جيىنعا ارناپ سالىناتىن قازاقستان پاۆيلو­نىنىڭ قۇرىلىسىن ارالاپ كوردى. جاھاندىق ءىس-شارا 2020 جىلدىڭ 20 قازانى مەن 2021 جىلدىڭ 10 ءساۋىرى ارالىعىندا «اقىل-ويدى ۇشتاستىرۋ – بولاشاقتى قا­لىپ­تاستىرۋ» دەگەن تاقىرىپپەن وتەدى.

«ەكسپو-2020» كورمەسىن دامىتۋ جونىندەگى باسقارۋشى ديرەكتور احمەد ءال ءحاتيبتىڭ ايتۋىنشا، كورمەگە 20 ميلليوننان استام ادام كەلەدى دەپ جوسپارلانعان. «ەكسپو-2017» ۇلتتىق كومپانياسى حالىقارالىق قاتىناستار دەپار­تامەنتىنىڭ ديرەكتورى نۇر­­بەك ەرگەشباەۆتىڭ سوزىنە قارا­­عاندا، دۋبايدا وتەتىن «ەكسپو-2020» كورمەسىندەگى قازاقستان پاۆيلونىنا 3400 شارشى مەتر جەر بولىنگەن.

«جەلتوقسان ايىندا قۇرىلىس جۇمىستارى باستالدى. ونى «ەكسپو-2020» ۇيىمداستىرۋ كومي­تەتىنىڭ بەكىتكەن كەستەسىنە ساي جۇرگىزەمىز. تامىزدا قۇرىلىس تولىق اياقتالۋى ءتيىس. ءبىزدىڭ پاۆيلونى­مىزدا ءۇش ايماق بولادى. بىرىن­شىسىندە قازاقستان تۋرالى، تۋريستىك الەۋەتىمىز جونىندە ين­تەراكتيۆتى دەرەكتەر ورنالاستى­رىلادى. سونداي-اق نۇر-سۇلتان قالاسى جونىندە تاعى ءبىر اي­ماق بولادى. ءۇشىنشى ايماقتا ەلى­مىزدىڭ ەكونوميكالىق مۇمكىن­دىكتەرى، ينۆەستيتسيالىق الەۋەتىمىز تۋرالى مالىمەتتەر بەرىلەدى. بيىل­عى «ەكسپو-2020» كورمەسىن ميل­ليونداعان تۋريست تاماشالاي­دى دەپ جوسپارلانعان. بۇل مۇمكىندىكتى جان-جاقتى پاي­دالانۋىمىز قاجەت»، دەدى ن.ەرگەش­باەۆ.

قازاقستان پاۆيلونى بىرىككەن اراب امىرلىكتەرىنىڭ نەگىزگى پا­ۆيلونىنا جاقىن جەردەگى «مۇم­كىندىكتەر» دەپ اتالاتىن كلاستەردە ورنالاسادى. ۇلتتىق ەكسپوزيتسيا بىرنەشە بولىككە بولىنگەن. وندا ءوڭىرىمىزدىڭ الەمدە الاتىن ورنى، ەلىمىزدىڭ تۋريستىك الەۋەتى، تاريحى، مادەنيەتى جانە استاناسى تۋرالى اقپارات بەرىلەدى. سونىمەن قاتار كورمەگە كەلۋشىلەر قازاقستاننىڭ ەكونوميكالىق جانە ينۆەستيتسيالىق مۇمكىن­دىك­تەرى جونىندە مالىمەت الا الا­دى. ينتەراكتيۆتى شوۋدىڭ سوڭىن­دا پاۆيلون قوناقتارىنا جاسان­دى ينتەللەكتىنىڭ ادامزات بو­لاشاعىنا اسەرى تۋرالى ايتىلادى.

 

اباي اسانكەلدى ۇلى،

«Egemen Qazaqstan» – ءابۋ-دابي، دۋباي (بىرىككەن اراب امىرلىكتەرى)

 

سوڭعى جاڭالىقتار

فۋتبول ماۋسىمى جالعاسا ما؟

سپورت • بۇگىن، 14:48

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

ۇقساس جاڭالىقتار