ايماقتار • 28 قاڭتار، 2020

تۇرعىنداردىڭ ماسەلەلەرىن تىڭدادى

191 رەتكورسەتىلدى

2100 تۇرعىنى بار سارجالدا ينتەرنەت وتە باياۋ. توقتامىس اۋىلىندا دا وسى جاعداي.

 «نۇر وتان» پارتياسىنىڭ شىعىس قازاقستان وبلىستىق فيليالىنىڭ پارتيالىق باقىلاۋ كوميسسياسى 24-25 قاڭتار كۇندەرى اباي اۋدانى مەن سەمەي قالاسىندا بولىپ، تۇرعىنداردىڭ ماسەلەلەرىن تىڭداپ قايتتى.

مۇح

كوميسسيا توراعاسى مۇحتار ادىلبەك ۇلى 24 قاڭتاردا اباي اۋدانىنىڭ ورتالىعى – قاراۋىل اۋىلىندا پارتيانىڭ اۋداندىق فيليالى عيماراتىندا تۇرعىنداردى قابىلدادى. سارجال اۋىلىنىڭ تۇرعىنى ىبىراي سەرىكباي ينتەرنەت ماسەلەسىن ايتتى. «2100 تۇرعىنى بار سارجالدا ينتەرنەت وتە باياۋ. توقتامىس اۋىلىندا دا وسى جاعداي. اباي اتامىزدىڭ تويى قارساڭىندا وسى اۋىلدارعا ينتەرنەت قوسىلسا جاقسى بولار ەدى» دەدى اقساقال. اباي اۋدانىنىڭ اكىمى جارقىنبەك بايسابىروۆ بۇل سۇراققا بىردەن جاۋاپ بەرىپ، ينتەرنەت 2020 جىلدىڭ ءۇشىنشى توقسانىندا قوسىلاتىندىعىن جەتكىزدى. قابىلداۋعا كەلگەن ءالميرا ەسىمدى كوپبالالى انا سەمەيدەگى شاكارىم ۋنيۆەرسيتەتىندە 20 جاستاعى بالاسى اقىلى وقىپ جاتقاندىعىن ايتىپ، گرانتقا اۋىستىرۋعا كومەك سۇرادى. قاراۋىلدا تۇراتىن تاعى ءبىر كوپبالالى انا ەكى جىلدان بەرى پاتەر جالداپ جۇرگەندىگىن تىلگە تيەك ەتتى. ادىلەت ەشمۇراتوۆ «قاراۋىل-اياگوز» تاس جولىنىڭ جاعدايىن جەتكىزىپ: «150 شاقىرىمدى 4-5 ساعات ۋاقىت جۇرەمىز. وسى جول قاشان جوندەلەدى؟» دەپ سۇرادى.

اب

بۇدان سوڭ پارتيالىق باقىلاۋ كوميسسياسىنىڭ توراعاسى «نۇر وتان» پارتياسى اباي اۋداندىق فيليالى توراعاسى، اۋدان اكىمى ج.بايسابىروۆتىڭ وڭىردە اتقارىلىپ جاتقان جۇمىستار، اباي قۇنانباي ۇلىنىڭ 175 جىلدىعىنا دايىندىق بارىسى جونىندەگى ەسەبىن تىڭدادى.

ا

سۋ

سونىمەن قاتار وسى كۇنى قاراۋىلدا سالىنىپ جاتقان 300 ورىندىق مەكتەپ قۇرىلىسىمەن، قۇبىر جاڭارتۋ جۇمىستارىمەن تانىستى.

قۇب

«اباي جىلى جاقىندا عانا رەسمي تۇردە اشىلدى. ەلباسىمىز، مەملەكەت باسشىسى قاسىم-جومارت توقاەۆ تا مەرەيتوي تاعىلىمدى شارالارمەن ەستە قالۋى كەرەكتىگىن ايتتى. ءتيىستى تاپسىرمالار بەرىلدى. تويدىڭ جوعارى دەڭگەيدە وتۋىنە بارشامىز اتسالىسۋىمىز كەرەك» دەدى م.تولەگەن.

سەم

كوميسسيا توراعاسى 25 قاڭتاردا «نۇر وتان» پارتياسىنىڭ سەمەي قالالىق فيليالىنىڭ عيماراتىندا ازاماتتاردى جەكە ماسەلەلەرى بويىنشا قابىلدادى.

شىعىس قازاقستان وبلىسى

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار