قوعام • 28 قاڭتار، 2020

ەلوردادا «ءبىز بىرگەمىز» اكتسياسىن 13 مىڭنان استام ادام قولدادى

58 رەتكورسەتىلدى

استانالىق جاستار باستاعان ء«بىز بىرگەمىز» اكتسياسىنا 13 مىڭنان استام ادام قاتىسىپ، 100-دەن اسا قالا شەتىندەگى اۋماقتىڭ قارى تازالاندى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


«22 قاڭتاردان باستاپ نۇر-سۇلتان قالاسىندا قاتتى بوران مەن قالىڭ قار جاۋدى. قازگيدرومەتتىڭ مالىمەتى بويىنشا، 22-27 قاڭتار ارالىعىندا 49.5 مم قار جاۋىپ، بۇل قالانىڭ ورتاشا قار نورماسىنان 2 ەسە استى. قازىرگى ۋاقىتتا نۇر-سۇلتان قالاسى بويىنشا كومۋنالدىق قىزمەتتەرى 220 246 تەكشە قار جينادى. اۋىسىم بويىنشا 1 051 بىرلىك تەحنيكا جۇمىس ىستەيدى. نۇر-سۇلتان قالاسى بويىنشا استانالىق ەرىكتىلەر شتابى ء«بىز بىرگەمىز» چەللەندجى جوباسىن ىسكە قوستى. پرەزيدەنت قاسىم-جومارت كەمەل ۇلى جاريالاعان ۆولونتەرلەر جىلىنداعى يگى باستامالاردىڭ ءبىرى ەكەندىگىن اتاپ ءوتۋ كەرەك» دەدى قالالىق ۆولونتەرلەر شتابىنىڭ جەتەكشىسى شىڭعىس تىلەۋلين.

سونىمەن قاتار ء«بىز بىرگەمىز» قوزعالىسىنا «قازاقستان ستۋدەنتتەر اليانسى» رقب، «جاس سارباز» بالالار مەن جاسوسپىرىمدەر اسكەري-پاتريوتتىق قوزعالىسى، «قازاقستان جاستار كونگرەسى»، استانا مەديتسينالىق ۋنيۆەرسيتەتى، ساۋلەت جانە قالا قۇرىلىسى باسقارماسىنىڭ قىزمەتكەرلەرى، Jas Otan جق قىزمەتكەرلەرى قوسىلدى.


سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار