رۋحانيات • 28 قاڭتار، 2020

كوكشەتاۋدا اباي ادەبي ورتالىعى اشىلدى

30 رەتكورسەتىلدى

« ۇلى اقىننىڭ ۇلاعاتى». وسىنداي اتاۋمەن كوكشەتاۋ قالالىق ۇلگىلى قازاق كىتاپحاناسىندا اباي ادەبي ورتالىعى اشىلدى.

ءۇش بولىمنەن قۇرالعان اۋقىمدى كىتاپ ەكسپوزيتسياسى دارا تۇلعانىڭ 175 جىلدىق مەرەيتويىنا  ارنالعان. ورتالىقتىڭ تۇساۋىن زيالى قاۋىم كەستى. ولار وسكەلەڭ ۇرپاق ءۇشىن بيىلعى جىلدىڭ ابايعا ارنالعاندىعى وڭ بولعاندىعىن شاتتانا ايتىسۋدا. ويتكەنى، وتكەنىن بىلمەگەن ۇرپاق كەلەشەگىن بولجاي المايدى. ابايتانۋشى امانجول ىدىرىس ۇلىنىڭ ايتۋىنشا، اقىندى العاش زەرتتەگەندەردىڭ ء بىرى – كوكشەتاۋلىقتار.

– ابايتانۋ كوكشەتاۋدا ءتورت جىل بۇرىن باستالدى. ۋنيۆەرسيتەتتە. كەيىن ىزدەنە ءجۇرىپ، ابايتانۋدىڭ باستاۋىندا ءبىزدىڭ كوكشەلىكتەر تۇرعانىن انىقتادىق.  ول زەينەلعابيدەن ءال جاۋاري. «ناسيحات قازاقيا» دەگەن كىتابىندا 1908 جىلى ابايدىڭ ءبىر تومدىعى جارىققا شىققانعا دەيىن 1 جىل بۇرىن ابايدىڭ 8 ولەڭىن ءوز كىتابىنا كىرگىزىپ، وعان تالداۋ جاساعان.ودان كەيىن 1935 جىلى اباي تۋرالى مونوگرافيانى عابباس توعجانوۆ جازدى، – دەيدى ابايتانۋشى امانجول  ەسماعۇلوۆ.

جاڭادان اشىلعان ادەبي ورتالىققا جالپى  سانى 120-داي كىتاپ قويىلعان. ولاردىڭ بارلىعى  قالالىق 12 اقپاراتتىق كىتاپحانا جۇيەسى قورىنان جيناقتالدى. ال 50 كىتاپ ەلەكتروندى نۇسقادا جاسالعان. الداعى ۋاقىتتا ولاردىڭ سانىن 500-گە جەتكىزبەك. ادەبي  ورتالىق ءۇش  بولىمنەن تۇرادى.

– ءبىرىنشى بولىمدە ابايدىڭ الەمى، وسكەن ورتاسى سيپاتتالادى. ەكىنشى بولىمدە شىعارماشىلىعى. ءۇشىنشى بولىمدە  اقىن  تۋرالى  زەرتتەۋلەر. ياعني، وسى كۇنگە دەيىن قانداي عالىم، قانداي جازۋشى اباي تۋرالى زەرتتەدى. ءۇشىنشى بولىمدە سول مالىمەتتەر قامتىلادى، – دەيدى قالالىق ۇلگىلى قازاق كىتاپحاناسىنىڭ قىزمەتكەرى ەردەن نۇراحمەت.

سالتاناتتى شاراعا اباي وسكەن جەردىڭ تۋماسى، ج.مۋسين اتىنداعى جوعارى قازاق پەداگوگيكالىق كوللەدجىنىڭ وقىتۋشىسى ءاليا  زامانبەكقىزى دا قاتىستى. ول اباي اندەرىن ناشىنە كەلتىرىپ ورىنداپ بەردى. ەندىگى ارادا اباي الەمىن تانيمىن دەگەن ءار ادامعا ادەبي ورتالىقتىڭ ەسىگى  ايقارا اشىق تۇرماق.

 

كوكشەتاۋ قالاسى.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار