قازاقستان • 28 قاڭتار، 2020

سىبايلاس جەمقورلىققا قارسى ءىس-قيمىل اگەنتتىگىنىڭ قوعامدىق كەڭەسى قۇرىلدى

123 رەتكورسەتىلدى

سىبايلاس جەمقورلىققا قارسى ءىس-قيمىل اگەنتتىگىندە ورگاننىڭ قوعامدىق كەڭەسىن قۇرۋ جونىندەگى جۇمىس توبىنىڭ ۇيىمداستىرۋشىلىق وتىرىسى ءوتتى.

«ەل باسشىلىعى مەملەكەت پەن قوعام اراسىنداعى قاشىقتىقتى قىسقارتۋ، سونداي-اق حالىق ءۇشىن بارىنشا اشىق بولۋ قاجەتتىلىگىنە بىرنەشە رەت نازار اۋداردى. بۇل تۇرعىدا مەملەكەتتىك ورگاندار جانىنداعى قوعامدىق كەڭەستەر ماڭىزدى ءرول اتقارادى»، - دەدى اگەنتتىك توراعاسى اليك شپەكباەۆ.

داۋىس بەرۋ قورىتىندىسى بويىنشا قوعامدىق كەڭەستىڭ توراعاسى بولىپ تۇڭعىش پرەزيدەنت – ەلباسى قورىنىڭ اتقارۋشى ديرەكتورىنىڭ ورىنباسارى ي.ي.روگوۆ سايلاندى.

سونداي-اق كەڭەس قۇرامىنا مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتىنىڭ توراعاسى ءا.م.بايمەنوۆ، پرەزيدەنت جانىنداعى مەملەكەتتىك باسقارۋ اكادەمياسىنىڭ رەكتورى ە.ق.ءابىل، «Egemen Qazaqstan» رەسپۋبليكالىق گازەتى» اق باسقارما توراعاسى د.ق.قىدىرالى، پارلامەنت ءماجىلىسىنىڭ دەپۋتاتى ا.س.پلاتونوۆ، زاڭ عىلىمدارىنىڭ دوكتورى، پروفەسسور ي.ش.بورچاشۆيلي، الماتى قالاسى بويىنشا ارنايى مونيتورينگتىك توپتىڭ مۇشەسى، قوعام قايراتكەرى ە.ن.ميتروفانوۆا، «م.س.نارىكباەۆ اتىنداعى قازگزۋ ۋنيۆەرسيتەتى» اق باسقارما توراعاسى ت.م.نارىكباەۆ، CSI كونسالتينگتىك كومپانياسىنىڭ اعا سەرىكتەسى و.ا.قۇدايبەرگەنوۆ جانە اگەنتتىكتىڭ ەكى وكىلى كىردى.

قايتا قۇرىلعان قوعامدىق كەڭەستىڭ نەگىزگى ماقساتتارى مەن مىندەتتەرى:

  • ماڭىزدى ماسەلەلەر بويىنشا ازاماتتىق قوعامنىڭ پىكىرىن ءبىلدىرۋ;
  • شەشىمدەردى تالقىلاۋ جانە قابىلداۋ كەزىندە قوعامدىق مۇددەلەردى ءبىلدىرۋ جانە پىكىرلەردى ەسەپكە الۋ;
  • قوعامدىق باقىلاۋدى ۇيىمداستىرۋ، بيلىك ورگاندارىنىڭ ءوزارا ءىس-قيمىلىن دامىتۋ جانە ولاردىڭ قىزمەتىنىڭ اشىقتىعىن قامتاماسىز ەتۋ.

وسىلايشا، اگەنتتىكتە جاڭا كونسۋلتاتيۆتىك-كەڭەسشى ورگان قۇرىلدى، ونىڭ الدىندا مەملەكەت باسشىسى جاريالاعان «حالىق ۇنىنە قۇلاق اساتىن مەملەكەت» تۇجىرىمداماسى شەڭبەرىندە ەلدىڭ سىبايلاس جەمقورلىققا قارسى ساياساتىن قالىپتاستىرۋ كەزىندە قوعام مەن مەملەكەتتىك اپپارات اراسىندا كەلىسىم تەتىگىنە اينالۋ مىندەتى تۇر.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار