تۇساۋكەسەر كەزدەسۋدە ولار الەمدەگى ەڭ مىقتى جۇپتاردىڭ ءبىرى, بىلتىرعى جىلعى رولان گارروستىڭ جەڭىمپازدارى, گەرمانيالىق كەۆين كراۆيتس پەن اندرەاس ءميستى 6:3, 7:6 ەسەبىمەن ۇتقان ەدى.
ەكىنشى كەزەڭدە جەرلەستەرىمىز وڭتۇستىك كورەيانىڭ وعلاندارى نام دجي سۋن جانە سون مين-كيۋمەن كۇش سىناستى. بۇل باسەكە 6:7, 6:4, 7:5 ەسەبىمەن اياقتالدى.
ءۇشىنشى اينالىمدا ءبىزدىڭ جىگىتتەر امەريكالىق سەم كۋەرري جانە ستيۆ دجونسونمەن شەبەرلىك بايقاسىپ, 6:4, 6:2 ەسەبىمەن جەڭىسكە جەتتى.
شيرەك فينالدا ميحايل كۋكۋشكين مەن الەكساندر بۋبليك جۇبى كورت قوجايىندارى – دجەيمس داكۆورت جانە مارك پولمانستان باسىم ءتۇستى. 1 ساعات 44 مينۋتقا سوزىلعان سايىستا 7:6, 7:5 ەسەبى تىركەلدى.
وسىلايشا, قازاقستاندىق تەننيسشىلەر وزدەرىنىڭ سپورتتىق مانساپتارىندا تۇڭعىش رەت «ۇلكەن دۋلىعا» ساناتىنداعى جارىستىڭ جارتىلاي فينالىندا كۇش سىناسۋ قۇرمەتىنە يە بولدى.
