ۇكىمەت • 28 قاڭتار، 2020

«Smart Water» جوباسى ەنگىزىلەدى - ماعزۇم مىرزاعاليەۆ 

50 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا قازاقستاننىڭ سۋ رەسۋرستارىن باسقارۋ جونىندەگى 2020-2030 جىلدارعا ارنالعان باعدارلاماسىنىڭ جوباسىنىڭ تۇجىرىمداماسى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

جيىندا ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆ  قازاقستاننىڭ جىل سايىنعى جەر ءۇستى سۋ رەسۋرستارى شامامەن 100 تەكشە كم قۇرايتىنىن، ونىڭ 44%-دان استامى ەلدەن تىس جەردە قالىپتاساتىنىن حابارلادى. سۋ تۇتىنۋدىڭ 67%-ى اۋىل شارۋاشىلىعىنا، 30%-ى – ونەركاسىپكە، قالعانى – شارۋاشىلىق-تۇرمىستىق قاجەتتىلىكتەرگە جۇمسالادى. 2040 جىلعا قاراي قازاقستاننىڭ سۋ تۇتىنۋ كولەمى 56%-عا وسەدى دەپ كۇتىلۋدە.

قازاقستاننىڭ 2020-2030 جىلدارعا ارنالعان سۋ رەسۋرستارىن باسقارۋ باعدارلاماسى قوسىمشا جەر ءۇستى سۋ رەسۋرستارىن ۇلعايتۋ ەسەبىنەن 2030 جىلعا قاراي 100 تەكشە كم دەڭگەيىندە سۋ تەڭگەرىمىن ساقتاۋعا باعىتتالعان: 5-7 تەكشە كم-گە جاڭا سۋ قويمالارىن سالۋ، 5 تەكشە كم دەيىن سۋ ۇنەمدەۋ، 15 تەكشە كم دەيىن جەر استى سۋلارىن پايدالانۋ.

كورسەتىلگەن كەزەڭگە قاراي ءجىو بىرلىگىنە سۋدى تۇتىنۋدى $1 مىڭ-عا 91،2-دەن 73 تەكشە مەترگە دەيىن ازايتۋ، 26 جاڭا گيدروتەحنيكالىق قۇرىلىستار سالۋ، 182 رەسپۋبليكالىق، 300 كوممۋنالدىق گيدروتەحنيكالىق قۇرىلىستاردى قايتا جاڭارتۋ جوسپارلانۋدا.

قۇجات سۋارمالى جەرلەردى 1،7-دەن 3 ملن گا-عا دەيىن ۇلعايتۋ ءۇشىن جاڭا يرريگاتسيالىق جۇيەلەردى سالۋدى، 3423-دەن 19 مىڭ كم-گە دەيىن قاپتالعان ماگيسترالدى جانە تاراتۋ ارنالارىنىڭ ۇزىندىعىن ارتتىرۋدى كوزدەيدى.

باسسەيندىك ينسپەكتسيالاردى ماتەريالدىق-تەحنيكالىق جاراقتاندىرۋ 100%-عا دەيىن قامتاماسىز ەتىلەدى، ال سۋ جيناۋ الاڭدارىنىڭ ورماندىلىعى 1-دەن 200 مىڭ گا-عا دەيىن ارتتىرىلادى.

قازاقستاننىڭ 2020-2030 جىلدارعا ارنالعان سۋ رەسۋرستارىن باسقارۋ باعدارلاماسى 10 نەگىزگى باعىتتى قامتيدى. ولار: حالىقارالىق ىنتىماقتاستىق، قۇقىقتىق بازانى جاڭارتۋ، ينستيتۋتسيونالدىق رەفورمالاۋ، سۋ شارۋاشىلىعى ينفراقۇرىلىمىن جاڭعىرتۋ جانە رەكونسترۋكتسيالاۋ، سۋ نارىعىن قۇرۋ جونىندەگى حالىقارالىق وزىق تاجىريبەنى زەردەلەۋ، سۋ شارۋاشىلىعىن تسيفرلاندىرۋ، «Smart Water» جوباسىن ەنگىزۋ، سۋ رەسۋرستارىن ەكولوگيالىق وڭتايلى پايدالانۋ، سۋ سالاسىنىڭ ماماندارىن زاماناۋي داعدىلارمەن دايارلاۋ جانە ماڭىزدى ۇلتتىق سۋ جوبالارىن ىسكە اسىرۋ.

«ەلباسى نۇرسۇلتان ءابىش ۇلى نازارباەۆ پەن مەملەكەت باسشىسى قاسىم-جومارت كەمەل ۇلى توقاەۆ ءبىزدىڭ الدىمىزعا ەلىمىزدىڭ سۋ رەسۋرستارىن پايدالانۋ مەن قورعاۋدىڭ تيىمدىلىگىن ارتتىرۋ مىندەتىن قويدى. وسىعان بايلانىستى سۋ رەسۋرستارىن باسقارۋ باعدارلاماسىنىڭ تۇجىرىمداماسى جاسالدى. ول ءبىزدىڭ ستراتەگيالىق ماقساتتارىمىزعا جاۋاپ بەرەدى جانە پارلامەنتتەن قولداۋ كورسەتىلگەن. تۇجىرىمداما سالا ساراپشىلارى، دەپۋتاتتار جانە Nur Otan فراكتسياسىنىڭ مۇشەلەرىنىڭ قاتىسۋىمەن تالقىلاندى»، - دەپ ا. مامين، باعدارلامانىڭ ساپالى ازىرلەنۋىن قامتاماسىز ەتۋدى تاپسىردى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار