سوڭعى دەرەكتەر بويىنشا, قۇتقارۋشىلار ۇيىندىلەر استىندا قالىپ قويعان 44 ادامدى الىپ شىققان. ءزىلزالادان 76 عيمارات قيراپ, 643 نىسانعا قاتتى نۇقسان كەلگەن. 425 نىسان جەڭىل جانە ورتاشا دەڭگەيدە زاقىمدانعان. ءزىلزالادان كەيىن ىلە-شالا 599 افتەرشوك تىركەلگەن.
تۇركيا ۇكىمەتى جانىنداعى توتەنشە جاعدايلاردى الدىن الۋ جانە ونىڭ سالدارىن جويۋ جونىندەگى باسقارمانىڭ (AFAD) مالىمەتىنە قاراعاندا, جەراستى ەپيتسەنترى سيۆريدجە ۋەزىندە ەلازىع پروۆينتسياسىندا ورنالاسقان.
سونىمەن قاتار جەراستى دۇمپۋلەرى ەلازىعقا جاقىن ورنالاسقان پروۆينتسيالاردا (ادانا, حاتاي, وسمانيە, تۋنجەلي, گازيانتەپ, شانلىۋرفا, مالاتيا, ماردين, سامسۋن, توكات, چورۋم جانە كايسەري), سونداي-اق سيريانىڭ سولتۇستىگىندە سەزىلگەن.
قازاقستان سىرتقى ىستەر مينيسترلىگى حابارلاعانداي, تۇركياداعى ءزىلزالادان زارداپ شەككەندەر اراسىندا قازاقستاندىقتار جوق.
تۇركيا پرەزيدەنتى رەدجەپ تايپ ەردوعانعا مەملەكەت باسشىسى قاسىم-جومارت توقاەۆ جانە ەلباسى نۇرسۇلتان نازارباەۆ كوڭىل ايتتى.
ايتا كەتەيىك, تۇركيا سەيسميكالىق قاۋىپتى ايماقتا ورنالاسقان مەملەكەت. 1999 جىلى تۇركيانىڭ باتىسىنداعى يزميت قالاسىندا كۋاتتى جەر سىلكىنىسى بولىپ, 17 مىڭنان استام ادام قازا تاۋىپ, شامامەن 500 مىڭ ادام باسپاناسىز قالعان ەدى.
