اتاپ ايتار بولساق, شەتەلدىڭ نومەرىمەن جۇرگەن كولىكتەر تۋرالى اقپارات الۋ قيىن. بۇل ىشكى ىستەر مينيسترلىگىنىڭ جۇمىسىن قيىنداتادى. مينيسترلىك اقپارات ازدىعىنان قاجەت جاعدايدا جىلدام ءارى ءتيىستى شارالار قولدانا المايدى. سونىمەن بىرگە جول ەرەجەسىنە قاتىستى زاڭ بۇزۋشىلىق 2019 جىلى 3,5 ەسەگە ءوسىپ وتىر. ياعني, شەتەلدىك كولىكتەردىڭ زاڭ بۇزۋ فاكتىلەرى بىلتىر 27 مىڭنان 90 مىڭعا جەتكەن. وعان قوسا بارلىق زاڭ بۇزۋشىلىقتىڭ 12 پايىزىن قۇرايدى. بۇل كولىكتەردى تىركەۋدەن وتكىزۋگە تاعى ءبىر سەبەپ.
مەملەكەت باسشىسى ۇكىمەتتىڭ كەڭەيتىلگەن وتىرىسىندا ەلىمىزدەگى شەتەلدەن اكەلىنگەن كولىكتەردى تىركەۋگە ۋاقىت بەرىلەتىنىن حابارلادى. بۇل جۇرگىزۋشىلەرگە جاسالعان جاقسى مۇمكىندىك. 1 جىل قاجەت تولەمدەرىن تولەپ, تىركەۋدەن وتكىزۋگە جەتۋى كەرەك. ال بۇعان دەيىنگى ەرەجە بويىنشا كولىكتى 10 كۇن ىشىندە تىركەۋى كەرەك ەدى. الايدا كورىپ وتىرعانىمىزداي, كولىك يەلەرى سالعىرتتىق تانىتقان. وعان مەملەكەت تەرريتورياسىنا كىرگەن 200 مىڭعا جۋىق كولىكتىڭ 40 مىڭى عانا تىركەۋدەن وتكەنى دالەل. سونىمەن بىرگە پرەزيدەنت ءتيىستى اتقارۋشى ورگاندارعا شەتەلدەن كولىك اكەلۋ رەتىن جۇيەلەندىرۋدى تاپسىردى.
بەكجان سادىقوۆ,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتى الەۋمەتتىك-ەكونوميكالىق زەرتتەۋ ءبولىمىنىڭ جەتەكشى عىلىمي قىزمەتكەرى
