2019 جىلى قالانىڭ ونەركاسىپ كاسىپورىندارى 163,8 ملرد تەڭگەنىڭ ءونىمىن ءوندىرىپتى. بۇل 2018 جىلمەن سالىستىرعاندا 1,4 ملرد تەڭگەگە ارتىق. جەتەكشى كاسىپورىنداردى دامىتۋعا رەسپۋبليكالىق بيۋدجەتتەن 6,7 ملرد تەڭگە بولىنگەن. ازىق-ت ۇلىك ونىمدەرى دە 2018 جىلمەن سالىستىرعاندا ارتقان. بۇل ءوسىم 8,6 پايىزدى قۇراعان. يندۋستريالاندىرۋدىڭ ەكىنشى بەسجىلدىعى اياسىندا 809 جوبانى ىسكە اسىرۋ جوسپارلانىپ, ونىڭ 489 جاڭا جۇمىس ورىندارىن اشۋعا قول جەتكىزگەن 16-سى ىسكە اسقان.
شاعىن جانە ورتا بيزنەس سانى دا وتكەن جىلعىمەن سالىستىرعاندا 400-گە جۋىق ارتقان. «بيزنەستىڭ جول كارتاسى-2020» باعدارلاماسىنىڭ اياسىندا 33 جوبا ىسكە اسىرىلعان.
جولاۋشى تاسىمالى تۋرالى ايتقاندا اكىم قازىر پەتروپاۆل قالاسىندا 23 باعىت بويىنشا كۇن سايىن 260 كولىك كوشەلەرگە شىعاتىنىن ايتتى. الايدا قازىر قالادا ۇلكەن اۆتوبۋستار جۇرمەيتىن بولعان. ويتكەنى, جولاۋشىلاردىڭ ءنوپىرى ازايىپ كەتكەن. جەكەمەنشىك جەڭىل كولىكتەر سانى كوبەيگەن. سوندىقتان ۇلكەن ءارى كومفورتتىلىعى جوعارى اۆتوبۋستار شىعىنىن اقتاي المايدى, ولار ءجۇرۋى ءۇشىن كولىك يەلەرى ءجۇرىس ينتەرۆالدارىن ارتتىرۋى كەرەك. ال ول قالاعان جەرىنە تەز جەتكىسى كەلەتىن تۇرعىندار ءۇشىن ءتيىمسىز. سوندىقتان, قازىر شاعىن اۆتوبۋستار عانا جۇرەتىن بولدى دەدى اكىم قالا كوشەلەرىندە ۇلكەن اۆتوبۋستاردىڭ نەگە جۇرمەيتىندىگىنە بايلانىستى.
«ازاماتتاردىڭ ءتۇرلى قايىرىلۋلارىنا, وتىنىشتەرى مەن ارىز-شاعىمدارىنا ءبىز مونيتورينگ جاساپ, ولاردىڭ شەشىلۋ دارەجەسىنە ساراپ جاساپ وتىرامىز. ايتپەسە, جىل سايىن ايتىلعان ماسەلەلەر سول بويىندا سۇرلەنىپ, جىلدان جىلعا قالا بەرەدى ەكەن», دەدى ول ازاماتتاردىڭ ءتۇرلى قايىرۋلارعا قاتىستى. سونىمەن قاتار اكىم بيىك ۇيلەردىڭ اراسىنداعى سپورت الاڭدارى ەندى مينيستاديونعا اينالدىرىلىپ, ول بالالار عانا ەمەس ۇلكەندەردىڭ دە بارۋىنا مۇمكىنشىلىك بەرەتىنىن ايتتى.
قالا كوشەلەرى مەن تۇرعىن ۇيلەردىڭ اراسىنا وسى كۇنگە دەيىن 1352 بەينەكامەرالار قويىلعان. ولاردىڭ سانىن تاعى دا 70-كە ارتتىرۋ كوزدەلگەن. بەينەكامەرالاردىڭ ارقاسىندا قىلمىس سانى ازايعان, سونداي-اق ولاردى اشۋدىڭ مۇمكىندىگى دە ارتقان.
سونىمەن قاتار اكىم ءبىلىم بەرۋ, دەنساۋلىق ساقتاۋ, سپورت نىساندارىن جوندەۋگە رەسپۋبليكالىق جانە قالالىق بيۋدجەتتەن قانشا قاراجات بولىنگەندىگىن جەتكىزدى. «جۇمىسشى كەنتى», «بەرەكە», «جاس وركەن» جانە ت.ب. مولتەك اۋداندارعا ينجەنەرلىك-كوممۋنيكاتسيالىق ينفراقۇرىلىم تارتىلىپ, جولدارىن جوندەۋگە 3 ملرد تەڭگە جۇمسالعانى جەتكىزىلدى. ارينە, اكىمنىڭ تۇرعىن-ءۇي شارۋاشىلىعى, قۇرىلىس, قالانى اباتتاندىرۋ باعىتتارىنداعى بارلىق جۇمىستارىن سانامالاپ شىقسا بىرنەشە ماقالاعا جۇك بولار ەدى. سوندىقتان ءبىز تەك نازار اۋدارىلعان باعىتتاردى عانا ايتتىق. سونىڭ ىشىندە اكىمنىڭ پاتەر يەلەرى كووپەراتيۆتەرىنىڭ جۇمىسىنىڭ الا-قۇلا ەكەندىگىنە, كەيبىرەۋلەرى ءالى دە تەك جەرگىلىكتى وكىمەتكە قاراپ اۋىز اشۋدى بىلەتىندىگى, كەيبىرىندە قىسقا دايىندىقتىڭ تومەن بولعاندىعىنا نازار اۋدارعانىن اتاي كەتكىمىز كەلەدى. «وبلىس ورتالىعىندا تەك 48 كوپقاباتتى ءۇي كوممۋنالدىق مەنشىككە قارايدى, ءبىز تەك سولاردى عانا جوندەۋگە ءتيىسپىز. ال جەكەمەنشىك نىسانداردى تۇرعىندار وزدەرى جوندەيدى. سوعان قاراماي توبەسىنەن سۋ كەتكەن تالاي ءۇيدى ءبىز جوندەپ بەرۋگە ءماجبۇر بولدىق. ال ولاردىڭ پيك-تەرى بىزگە شىعىنىمىزدى قايتارماي وتىر. وسىنداي ىستەر بويىنشا ءبىز سوتقا 79 تالاپ-ارىز تۇسىردىك», دەدى اكىم.
باياندامادان كەيىن تۇرعىندار اكىمگە وزدەرىن تولعاندىرعان سۇراقتارىن بەردى.
قىزىلجار
