سپورت • 25 قاڭتار، 2020

تەننيس: يۋليا پۋتينتسەۆا الەمنىڭ ءۇشىنشى راكەتكاسىنان ۇتىلدى

96 رەتكورسەتىلدى

قازاقستاننىڭ ەكىنشى راكەتكاسى، WTA رەيتينگىندە 38 ورىندا تۇرعان يۋليا پۋتينتسەۆا مەلبۋرندە ءوتىپ جاتقان اۋستراليانىڭ اشىق ءبىرىنشىلىگىنىڭ ءۇشىنشى اينالىمىنان اسا المادى.

تۇساۋكەسەر كەزدەسۋىندە الەمدىك رەيتينگتە وزىمەن قاتار تۇرعان تايپەيلىك سە شۋۆەيگە شاڭ قاپتىرعان جەرلەسىمىز كەلەسى كەزەڭدە امەريكالىق دانيەل روۋز كوللينسءتى قاپى قالدىرعان ەدى.

ءۇءشىنشى اينالىمدا پۋتينتسەۆا جولى سيمونا حالەپپەن قيىستى. بۇل كۇندەرى الەمنىڭ ءۇشىنشى راكەتكاسى اتانىپ وتىرعان رۋمىنيانىڭ ايگىلى تەننيسشىسى 2008 جىلى رولان گارروستا توپ جارىپ، اۋستراليانىڭ اشىق بىرىنشىلىگىنىڭ فينالىندا ونەر كورسەتتى. 2019 جىلى ۋيمبلدوننىڭ جەڭىمپازى اتاندى. ءار جىلدارى WTA تۋرنيرلەرىن 19 رەت جانە ITF دودالارىن 6 رەت ۇتقان.

وكىنىشكە قاراي، يۋليا پۋتينتسەۆا بۇل باسەكەدە سيمونا حالەپكە ايتارلىقتاي قارسىلىق كورسەتە المادى. 1 ساعات 19 مينۋتقا سوزىلعان بۇل تارتىستا 6:1، 6:4 ەسەبى تىركەلدى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار