«جەر سىلكىنىسى سالدارىنان ەليازىگ پروۆينتسياسىندا قايتىس بولعاندار سانى 18-گە جەتتى. 405 ادام جاراقات الدى. سونداي-اق كورشىلەس مالاتيا پروۆينتسياسىندا 148 ادام جاراقاتتاندى. قازىر قۇلاعان ۇيلەردىڭ استىندا قالعان 30 ادامدى قۇتقارۋ ءۇشىن قولدان كەلگەننىڭ ءبارىن جاساپ جاتىرمىز» دەدى تۇركيانىڭ ىشكى ىستەر ءمينيسترى سۋلەيمان سويلۋ.
سونداي-اق دەنساۋلىق ساقتاۋ ءمينيسترى فاحرەتتين كودجانىڭ ايتۋىنشا, ەليازىگ جانە مالاتيا پروۆينتسيالارىنا قوسىمشا 170 مەديتسينالىق جەدەل-جاردەم كولىگى مەن تىكۇشاق جونەلتىلدى.
زارداپ شەككەن اۋداندارعا گۋمانيتارلىق كومەك كورسەتۋگە 100-گە جۋىق جۇك كولىگى جىبەرىلدى. ولار جەرگىلىكتى تۇرعىندارعا ازىق-ت ۇلىك, ءدارى-دارمەك جانە جىلى كورپەلەر جەتكىزەتىن بولادى.
مۇنداي جەر سىلكىنىسى تۇركيا ءۇشىن تاڭسىق ەمەس. بۇعان دەيىن 1999 جىلى يزميت قالاسىندا بولعان 7,6 بالدىق ءزىلزالادان 17 مىڭ ادام قايتىس بولعان ەدى.
