ايماقتار • 24 قاڭتار، 2020

شىمكەنت قالاسى بويىنشا سىبايلاس جەمقورلىققا قارسى قىزمەتى وتكەن جىلدى قورىتىندىلادى

115 رەتكورسەتىلدى

بيىلعى جىلدىڭ 24 قاڭتارىندا سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى وتكەن جىلدى قورىتىندىلاپ، الداعى كەزەڭگە ارنالعان ماقساتتاردى بەلگىلەدى.

وتىرىسقا قوعام، ءدىن، ۇكىمەتتىك ەمەس ۇيىمدار، بيزنەس قاۋىمداستىق، ارنايى مونيتورينگتىك توپ جانە «Nur Otan» پارتياسىنىڭ وكىلدەرى، جالپى 200-گە جۋىق ادام قاتىستى.

اتقارىلعان جۇمىستار تۋرالى نەگىزگى باياندامانى دەپارتامەنت باسشىسى ا.جۇماعالي جاساپ، دەپارتامەنتتىڭ جۇمىس باعىتتارى بويىنشا قىزمەتىن جان-جاقتى بايانداپ بەردى.

ا. جۇماعالي اتاپ وتكەندەي، وتكەن جىلى الدىن الۋ جۇمىستارىنا باسا نازار اۋدارىلىپ،  2 مىڭعا جۋىق ءىس-شارا وتكىزىلگەن.

جاستارمەن جانە حالىقپەن قاتار بارلىق قالالىق مەملەكەتتىك مەكەمەلەر مەن ولاردىڭ ۆەدومستۆولىق باعىنىستى ۇيىمدارىنىڭ ەڭبەك ۇجىمدارى قامتىلعان.

بيزنەستى قورعاۋعا ەرەكشە كوڭىل ءبولىندى. بۇگىنگى كۇنى 55 ملرد تەڭگەدەن استام سوماعا 26 ينۆەستيتسيالىق جوبا (5 شەتەل قاتىسۋىمەن) سىبايلاس جەمقورلىققا قارسى سۇيەمەلدەۋمەن قامتىلعان.

اۆتوموبيل جولدارى قۇرىلىسىنىڭ ساپاسىنا مونيتورينگ جۇرگىزىلۋدە. «ساپالى جول» جوباسى اياسىندا يندۋستريا جانە ينفراقۇرىلىمدىق دامۋ مينيسترلىگىنىڭ بولىمشەلەرىمەن بىرگە 72 ءتارتىپ بۇزۋشىلىق انىقتالىپ، ولاردىڭ 68-ءى مەردىگەرلىك ۇيىمدارمەن جويىلعان.

سىبايلاس جەمقورلىق كورىنىستەرىنە جول بەرمەۋ شارالارىنىڭ ءبىرى سىبايلاس جەمقورلىق تاۋەكەلدەرىن تالداۋ بولىپ تابىلادى.

سىبايلاس جەمقورلىق تاۋەكەلدەرىنە جۇرگىزىلگەن سىرتقى تالداۋلاردىڭ قورىتىندىسى بويىنشا 84 ۇسىنىس ەنگىزىلدى، ونىڭ 65-ءى ورىندالدى.

الدىن الۋ شارالارىمەن قاتار زاڭنىڭ ۇستەمدىگى جانە سىبايلاس جەمقورلىق ءۇشىن جازالاۋدىڭ بۇلتارتپاستىعى ماڭىزدى باسىمدىق بولىپ قالا بەرەدى.

ستاتيستيكاعا سايكەس، وتكەن جىلى دەپارتامەنتپەن 60 قىلمىس تىركەلىپ، 58 ادام قىلمىستىق جاۋاپكەرشىلىككە تارتىلدى، دەپارتامەنتپەن 60 قىلمىس تىركەلىپ، 58 تۇلعا قىلمىستىق جاۋاپكەرشىلىككە تارتىلدى. ولاردىڭ باسىم بولىگى ىشكى ىستەر ورگاندارىنىڭ  (17)، اكىمدىكتىڭ جانە وعان قاراستى ۇيىمدارعا (16) تيەسىلى.

39 ادام ءار ءتۇرلى جازا تۇرلەرىنە سوتتالدى (7 باس بوستاندىعىنان ايىرۋ، 2 باس بوستاندىعىن شەكتەۋ، 26 ايىپپۇل).

جوعارىدا كورسەتىلگەن تۇلعالاردىڭ 10-ى مەملەكەتتىك ورگانداردا ءار ءتۇرلى باسشىلىق لاۋازىمداردى اتقارعان، ولاردىڭ 1-ءى رەسپۋبليكالىق، 6 وبلىستىق (قالالىق) جانە 3 اۋداندىق دەڭگەيدەگى باسشىلار.

ولاردىڭ ىشىندە، «سايرام-وگەم» مەملەكەتتىك ۇلتتىق تابيعي پاركى» رەسپۋبليكالىق مەملەكەتتىك مەكەمەسىنىڭ باس ديرەكتورى، جەر قاتىناستارى، ءبىلىم، مادەنيەت باسقارمالارى، كاسىپكەرلىك بولىمدەرى باسشىلارى مەن   قالا اكىمىنە تىكەلەي باعىناتىن ىشكى اۋديت باسشىسى بار.

انىقتالعان سىبايلاس جەمقورلىق قىلمىستارىنىڭ ىشىندە پاراقورلىق فاكتىلەرى (26، ونىڭ ىشىندە پارا الۋ -18، بەرۋ -5، دەلدالدىق -3) جانە الاياقتىق (13) باسىم بولىپ كەلەدى.

بيزنەستى قورعاۋ اياسىندا 38 شاعىن جانە ورتا بيزنەس كاسىپكەرلەرىنىڭ قۇقىقتارىن قالپىنا كەلتىرۋگە قول جەتكىزىلدى، 9 لاۋازىمدى تۇلعا كاسىپكەرلەرگە زاڭسىز قىسىم كورسەتكەنى ءۇشىن قىلمىستىق جاۋاپكەرشىلىككە تارتىلدى.

ءبىز ءوز قىزمەتىمىزدە اشىقپىز.سىبايلاس جەمقورلىق كورىنىستەرىنە تاپ بولعان كەز كەلگەن ازامات ءبىزدىڭ دەپارتامەنتكە نەمەسە 1424 ءنومىرى بويىنشا CaII-ورتالىققا حابارلاسا الادى – دەپ اتاپ ءوتتى ا.جۇماعالي.

ءوز كەزەگىندە، شىمكەنت قالاسى بويىنشا سىبايلاس جەمقورلىققا قارسى قىزمەتى سىبايلاس جەمقورلىققا قارسى كۇرەس اياسىندا ءوز قىزمەتىن ودان ءارى كۇشەيتۋدى كوزدەپ وتىر.

ازاماتتاردىڭ، كاسىپكەرلىكتىڭ كونستيتۋتسيالىق قۇقىقتارىن قورعاۋ، بيۋدجەت قاراجاتىن جىمقىرۋ جانە ماقساتسىز پايدالانۋدى انىقتاۋ، سونداي-اق مەملەكەتتىك قىزمەتتى سىبايلاس جەمقورلىقتان تازارتۋ باسىمدىقتار بولىپ قالا بەرەدى.

ءبىزدىڭ باستى ماقساتىمىز-سىبايلاس جەمقورلىقسىز قوعام قۇرۋ دەپ اتاپ ءوتتى ا.جۇماعالي.

وتىرىس بارىسىندا سىبايلاس جەمقورلىققا قارسى باعدارلامالاردى جۇزەگە اسىرۋ بويىنشا جۇرگىزىلىپ جاتقان جۇمىستار تۋرالى «Nur Otan» پارتياسى شىمكەنت قالالىق فيليالى توراعاسىنىڭ ءبىرىنشى ورىنباسارى ب. نارىمبەتوۆ ءسوز سويلەدى.

«شىمكەنت-ادالدىق الاڭى» جوباسى اياسىندا جانە ارنايى مونيتورينگتىك توپپەن اتقارىلعان جۇمىستار بويىنشا جوبالىق كەڭسە باسشىسى ە.تولەباەۆ پەن ءا.ءاسساندي ءسوز سويلەدى.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار