پارلامەنت • 24 قاڭتار، 2020

د.نازارباەۆا اۋىل شارۋاشىلىعى سالاسىنىڭ وكىلدەرىمەن كەزدەستى

132 رەتكورسەتىلدى

سەناتتا پارلامەنتتىك تىڭداۋلارعا دايىندىق اياسىندا اۋىل شارۋاشىلىعى سالاسىنىڭ وكىلدەرىمەن كەزدەسۋلەر ءوتتى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

سەنات توراعاسى داريعا نازارباەۆا بۇگىن قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتىنىڭ، اۋىل شارۋاشىلىعى مينيسترلىگى ۆەتەرينارلىق باقىلاۋ جانە قاداعالاۋ جونىندەگى كوميتەتىنىڭ وكىلدەرىمەن، اقمولا، قاراعاندى جانە تۇركىستان وبلىستاردىڭ ۆەتەريناريا جانە اۋىل شارۋاشىلىعى باسقارمالاردىڭ باسشىلارىمەن كەزدەستى. 

ۇلتتىق ەكونوميكا مينيسترلىگى ستاتيستيكا كوميتەتىنىڭ توراعاسى نۇربولات ايداپكەلوۆ ءوز سوزىندە اۋىل شارۋاشىلىعى سالاسىنىڭ ستاتيستيكالىق دەرەكتەرى تاۋار وندىرۋشىلەردىڭ ءۇش ساناتى نەگىزىندە قالىپتاساتىنىن ايتتى. ولاردىڭ قاتارىندا شارۋا نەمەسە فەرمەر قوجالىقتارى، اۋىل شارۋاشىلىعى كاسىپورىندارى مەن جۇرتشىلىق شارۋاشىلىقتارى بار.

مەكەمە باسشىسى مال شارۋاشىلىعىنداعى ستاتيستيكالىق ەسەپتىڭ قيىندىعىن اتاپ ءوتتى. ونىڭ ايتۋىنشا، مال ەسەبىن جۇرگىزۋ راسىمدەرى پىسىقتاۋ قاجەت ەتەدى جانە وندا اۋىل شارۋاشىلىعى مالىنا چيپ پايدالانۋ ارقىلى جەكە ءنومىر بەرۋ مەن جەكە دەرەكتەر بازاسىنا ەنگىزۋ ءارى ۆەتەريناريالىق پاسپورت بەرۋ بولۋى ءتيىس. «بۇل چيپتەر ازىرشە سوڭعى پايدالانۋشىعا دەيىن، ياعني، ۆەتەرينارعا دەيىن جەتكەنشە بەلگىلى ءبىر ۋاقىت وتەدى. وسى ۋاقىت ىشىندە مالدى ەكى اينالىمعا جىبەرۋگە بولادى، ياعني تۋعىزىپ، ساتىپ جىبەرۋگە بولادى» دەدى ن.ايداپكەلوۆ. 

كەزدەسۋدە ءسوز العان اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ توراعاسى ارمان وتەعۇلوۆ ىندەتتەن، ونىڭ ىشىندە تۇينەمەدەن ولگەن مالدى كومەتىن ورىنداردى كۇتىپ-ۇستاۋ، اباتتاندىرۋ جانە سالۋدى ۇيىمداستىرۋ ءۇشىن قارجى ءبولۋ ماسەلەلەرىن جەرگىلىكتى اتقارۋشى ورگاندار ءتيىستى تۇردە شەشپەي كەلە جاتقانىن اتاپ ءوتتى.

ا.وتەعۇلوۆتىڭ ايتۋىنشا، ۆەتەريناريالىق ستانتسيالار مەن پۋنكتتەردە ۆەتەرينار ماماندارىنىڭ شتاتتىق سانى مەن ءىس جۇزىندە قاجەتتىلىككە سايكەس كەلمەيدى، ولاردى كادرمەن قامتاماسىز ەتۋ ماڭىزدى ماسەلەلەردىڭ ءبىرى بولىپ وتىر. مەكەمە باسشىسى سانيتارلىق، ۆەتەرينارلىق-سانيتارلىق جانە فيتوسانيتارلىق كارانتين شارالارىن قولدانۋدا مەملەكەتتىك ورگانداردىڭ كەلىسپەۋشىلىكتەرى تۋرالى دا ايتتى.

ۆەتەريناريالىق باقىلاۋ جانە قاداعالاۋ كوميتەتىنىڭ توراعاسى سالا جۇمىسىنىڭ جاعدايىن جاقسارتۋ تۋرالى بىرقاتار ۇسىنىستارىن ورتاعا سالدى. مالعا ارنالعان ءدارى-دارمەكتى جەتكىزۋدە كىدىرىستىڭ بولماۋى ءۇشىن ۆەتەريناريالىق پرەپاراتتاردى ءۇش جىلدىق كەزەڭگە ساتىپ الۋ; ەپيزووتيا جانە پانزووتيا، مال ۇرلىعى جانە زاڭسىز ورىن الماستىرۋ جاعدايلارىن انىقتاۋ ماقساتىندا ۆەتەريناريالىق پوليتسيا قۇرۋدى; مەملەكەتتىك ۆەتەريناريالىق-سانيتاريالىق ينسپەكتورلارعا بىرىڭعاي كيىم ۇلگىسىن ەنگىزۋدى ۇسىندى.

«قازاق عىلىمي-زەرتتەۋ ۆەتەريناريا ينستيتۋتى» سەرىكتەستىگىنىڭ باس ديرەكتورى احمەتجان سۇلتانوۆ اۋىل شارۋاشىلىعىنداعى ءوندىرىس تىزبەگىنىڭ بارلىق ساتىلارىندا ساندىق تەحنولوگيالاردى قولدانۋدىڭ ەرەكشە ءرولىن اتاپ ءوتتى. ماسەلەن، ا.سۇلتانوۆ مالدى سويۋ بارىسىندا ونىڭ دەرەكتەرى اۆتوماتتى تۇردە مالىمەتتەر بازاسىنان الىنىپ تاستالاتىن بولادى.

داريعا نازارباەۆا تالقىلاۋ كەزىندە اگروونەركاسىپ كەشەنىندە ساندىق تەحنولوگيالاردى جاپپاي قولدانۋ جانە مالعا بيركا سالۋ كەزىندە ونى فەرمەرلەردىڭ كەڭىنەن پايدالانۋىن ىنتالاندىرۋ، سونداي-اق عارىشتىق مونيتورينگ جۇيەسىن پايدالانۋ قاجەتتىگىنە قولداۋ ءبىلدىردى. ء«بىز باسەكەگە قابىلەتتىلىكتى جوعالتىپ بارا جاتىرمىز. بۇگىن بىزگە جىلدامدىق قاجەت، ال تسيفرلاندىرۋ وعان مۇمكىندىك بەرىپ وتىر. ەگەر شىن مانىندە، بارلىق كۇشتى وسىعان سالعاندا وتە تەز ءارى قىسقا مەرزىمدە اتقارۋعا بولادى. قىزىقتىرۋ كەرەك»، - دەدى د.نازارباەۆا.

كەزدەسۋ بارىسىندا قاراعاندى وبلىسىنىڭ ۆەتەريناريا باسقارماسىنىڭ باسشىسى قايىربەك تۇرسىنبەكوۆ مال دارىگەرلەرى شالعاي اۋىلداردا تاپ بولاتىن قيىندىقتار تۋرالى ايتىپ بەردى. ق.تۇرسىنبەكوۆتىڭ پىكىرىنشە، وعان  ەڭبەكاقىنىڭ ازدىعى، بىلىكتى مامانداردىڭ جەتىسپەۋى، ستاندارتتى ۆەتەريناريالىق ستانتسيالار مەن قىزمەت كولىكتەرىنىڭ بولماۋى جاتادى. ول وسىعان بايلانىستى «اۋىل – ەل بەسىگى» جوباسى اياسىندا ۆەتستانتسيالار مەن اۋرۋدان ولگەن مالدى كومەتىن ورىندار سالۋعا رەسپۋبليكالىق بيۋدجەتتەن قارجى قاراستىرۋدى جانە اۋىل شارۋاشىلىعى جانۋارلارىن ەسەپكە قويۋ ەرەجەسىن مەملەكەتتىك قىزمەتتەر تىزىلىمىنە ەنگىزۋدى ۇسىندى.

قايىربەك تۇرسىنبەكوۆ يەسىز مىسىق پەن يتتەردى اۋلاۋعا رەسۋرستاردىڭ جەتىمسىزدىگىنە ەرەكشە نازار اۋداردى. ول ۆەتەريناريالىق قىزمەتتەر جۇمىسىنىڭ كوپتىگىنە بايلانىستى جانۋارلاردى اۋلاۋ مەن ۇستاۋ ماسەلەلەرىنە نازار اۋدارۋعا ارقاشان ۇلگەرە بەرمەيتىنىن اتاپ ءوتتى.

سەنات باسشىسى قالىپتاسقان جاعدايدىڭ شەشىمى رەتىندە سالالىق مينسترلىك تاراپىنان قولداۋ كورسەتۋدى ۇسىندى. «كەيبىر قالالاردا جەكە تۇلعالار ءوز قاراجاتى ەسەبىنەن مىسىق پەن يتكە ارنالعان وسىنداي ۆەتەريناريالىق پۋنكت اشىپ وتىر. ول جۇمىسپەن قوعامدىق بىرلەستىكتەر، ەرىكتىلەر، جانۋارلاردى جاقسى كورەتىندەر اينالىسادى. بىراق ىلعي قول جايىپ سۇراپ جۇرەدى. مۇمكىن، ولارعا اۋىل شارۋاشىلىعى مينيسترلىگى تاراپىنان شاعىن قولداۋ قاجەت شىعار؟ ولاردا ينفراقۇرىلىم بار عوي» دەدى د.نازارباەۆا.

داريعا نازارباەۆا كەزدەسۋدىڭ قورىتىندىسى بويىنشا اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنە شاراعا قاتىسۋشىلار قوزعاعان پروبلەمالىق تاقىرىپتاردى زەردەلەۋدى جانە ولاردى پارلامەنتتىك تىڭداۋلاردا تالقىلاۋعا دايىنداۋدى تاپسىردى.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار