قازاقستان • 24 قاڭتار، 2020

2019 جىلى نۇر-سۇلتان قالاسىنىڭ ءجوو كولەمى 7،2%-عا ءوستى — ا. كولگىنوۆ

23 رەتكورسەتىلدى

مەملەكەت باسشىسىنىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا نۇر-سۇلتان قالاسىنىڭ اكىمى ا. كولگىنوۆ پرەزيدەنت ق. توقاەۆتىڭ تاپسىرمالارىن ورىنداۋ بويىنشا اتقارىلىپ جاتقان جۇمىستار تۋرالى باياندادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ا. كولگىنوۆ اتاپ وتكەندەي، ەلوردانىڭ الەۋمەتتىك-ەكونوميكالىق دامۋ كورسەتكىشتەرىندە وڭ ناتيجەلەر بايقالادى. وڭىرلىك ىشكى جالپى ءونىم 7،2%-عا ارتتى. ونەركاسىپ ءونىمىن ءوندىرۋ 12%-عا ۇلعايدى. شاعىن جانە ورتا بيزنەس سۋبەكتىلەرىنىڭ سانى 8%-عا كوبەيدى. ساۋدا سالاسىنداعى ءوسىم قارقىنى 5%-دان استى. 2019 جىلدىڭ 9 ايىنداعى حالىقتىڭ ناقتى تابىسى 9،3%-عا ارتىپ وتىر.

دامۋ قارقىنى باياۋلاپ قالعان ەكى كورسەتكىش بويىنشا جىل سوڭىندا العاشقى جارتىجىلدىقپەن سالىستىرعاندا العا جىلجۋ بار: 

تۇرعىن ءۇي سالۋ بويىنشا فيزيكالىق كولەم يندەكسى 8،2%-عا ارتتى.

تارتىلعان ينۆەستيتسيا كولەمى 4%-عا ارتىپ، 914 ملرد تەڭگەنى قۇرادى.

قۇرىلىس جۇمىستارىنداعى يندەكس 102،8% قۇراپ، 22،1%-عا ارتتى. 

اكىمنىڭ مالىمەتتەرى بويىنشا، 2020 جىلى 27 مىڭ ادام جۇمىسقا ورنالاستىرىلدى. ونىڭ ىشىندە 23 مىڭى تۇراقتى جۇمىس ورىندارىنا ورنالاستى. 

2019 جىلى 10 پروبلەمالىق تۇرعىن ءۇي قۇرىلىسى اياقتالدى 

2019 جىلدىڭ باسىندا پروبلەمالىق نىساندار سانى 76 ءۇيدى (14 509 ۇلەسكەر) قۇرادى.

«ۇلەسكەرلىك قۇرىلىس سالاسىنداعى نەگىزگى پروبلەمالار — تقك مۇشەلەرىنىڭ اراسىنداعى ۇزاققا سوزىلاتىن سوت راسىمدەرى، جسق بولماۋى، قارجىلىق مودەلى مەن ينۆەستورلاردىڭ بولماۋى. ءسىزدىڭ تاپسىرماڭىز بويىنشا «نۇرلى جەر» باعدارلاماسىنا ەنگىزىلگەن وزگەرىستەر مەملەكەت قاراجاتىن پايدالانۋ مۇمكىندىگىن ارتتىردى» دەدى ا. كولگىنوۆ.

2019 جىلدىڭ قورىتىندىسى بويىنشا 10 ءۇيدىڭ قۇرىلىسى اياقتالدى، ۇلەسكەرلەر سانى 2،5 مىڭ ادامعا ازايدى. بيىل 20-دان اسا ءۇيدىڭ قۇرىلىسىن اياقتاۋ جوسپارلانعان (7 581 ۇلەسكەر).

قالعان تۇرعىن ۇيلەر 3 جىل ىشىندە پايدالانۋعا بەرىلەدى.

نۇر-سۇلتاندا 1050 جاس باسپانالى بولدى

2019 جىلى 1،8 ملن شارشى مەتر تۇرعىن ءۇي سالىندى. بۇگىندە باسپانا كەزەگىندە 48 مىڭ ادام تۇر. 2019 جىلى كوممۋنالدىق تۇرعىن ءۇي قورىنان 2 900-گە جۋىق پاتەر تابىستالدى. ونىڭ 784-ءى – الەۋمەتتىك جاعىنان از قامتىلعان ازاماتتارعا، 1050-ءى – جۇمىس ىستەيتىن جاستارعا بەرىلدى. 

تۇرعىن ءۇي كولەمى 2018 جىلدىڭ كورسەتكىشىمەن سالىستىرعاندا ەكى ەسەدەن استى.

تۇرعىن ءۇي قۇرىلىس جيناق بانكىمەن جۇمىس جالعاسۋدا. قالادا بانكتىڭ 214 مىڭنان اسا سالىمشىسى بار. 2019 جىلدىڭ سوڭىندا 10 500 ەلوردا تۇرعىنى پاتەرگە يە بولدى. 

ەلوردانىڭ 64 مەكتەبىندە ينكليۋزيۆتى ءبىلىم بەرۋ سىنىبى اشىلدى

ەلوردا مەكتەپتەرىندە قازىر 185 مىڭ بالا وقيدى. كوكتەمدە 9 مىڭ بالا مەكتەپتى اياقتاسا، قىركۇيەك ايىندا 22 مىڭ بالا ءبىرىنشى سىنىپقا كەلدى.

«قالاداعى 115 مەكتەپتىڭ 8-ءى ءۇش اۋىسىممەن جۇمىس ىستەيدى. ال 14 مەكتەپتەگى وقۋشىلار سانى ستاندارتتان اسىپ كەتكەن. بۇل ماسەلەلەردى شەشۋ ماقساتىندا 2019 جىلى 5 مىڭ ورىنعا 6 مەكتەپ سالىندى. ءۇش اۋىسىمدى 3 مەكتەپتىڭ ماسەلەسى شەشىلدى» دەدى ەلوردا اكىمى. 

2020 جىلى 10 مىڭ ورىنعا ارنالعان 12 مەكتەپتىڭ قۇرىلىسىن اياقتاۋ جانە 12 مىڭ ورىندىق 8 نىساننىڭ قۇرىلىسىن باستاۋ جوسپارلانعان. سوندا ءۇش اۋىسىمدى مەكتەپتەر ماسەلەسى تولىق شەشىلەدى. سونىمەن قاتار جەكە ينۆەستورلار ەسەبىنەن مەكتەپتەر سالۋ جاعى قاراستىرىلدى. 24 مەكتەپتىڭ قۇرىلىسى جونىندەگى ينۆەستيتسيالىق جوبا قابىلداندى. 

قالانىڭ شەتكى اۋماعىندا ورنالاسقان №23 مەكتەپكە بارعان كەزدە مەملەكەت باسشىسى جاڭا مەكتەپ سالۋدى تاپسىردى. مەكتەپتىڭ قۇرىلىسقا دايىندىق جۇمىستار باستالدى. ءبىر جىلدىڭ ىشىندە اياقتاۋ كوزدەلۋدە.

قالادا ينكليۋزيۆتى ءبىلىم بەرۋ سىنىپتارى اشىلعان مەكتەپتەردىڭ سانى 64-كە جەتتى. بيىل قالعان بارلىق مەكتەپتى قامتۋ جوسپاردا بار. 

دەنساۋلىق ساقتاۋ: «قادامدىق قولجەتىمدىلىكتى» قامتاماسىز ەتۋ بويىنشا جۇمىس جۇرگىزىلۋدە

ا. كولگىنوۆ اتاپ وتكەندەي، 12 «ۇيدەگى دارىگەر» نىسانى اشىلدى، بيىل تاعى 10 نىساندى اشۋ جوسپارلانۋدا. ءمامس ەنگىزۋ باستالدى.

مەملەكەت باسشىسىنىڭ تەمىر جول اۋرۋحاناسىنىڭ اپاتتىق عيماراتى بويىنشا بەرگەن تاپسىرماسىنا قاتىستى ا. كولگىنوۆ ەمحانا اۋىستىرىلعان كورشى عيمارات جوندەلگەنىن اتاپ ءوتتى. ستاتسيوناردىڭ كلينيكالىق بولىمشەلەرى باسقا ەكى كورپۋسقا اۋىستىرىلدى، وندا دا كۇردەلى جوندەۋ جۇمىستارى جۇرگىزىلدى (225 توسەك ورنى – تاۋلىك بويىنا جانە 50 توسەك ورنى – كۇندىزگى كەلۋگە).

ماسەلەنى تۇجىرىمدامالىق شەشۋ ءۇشىن تۇرىك ينۆەستورىمەن بىرلەسىپ، ءمجا اياسىندا 800 توسەك ورنىنا ارنالعان كوپ بەيىندى اۋرۋحانا قۇرىلىسى باستالدى. جالپى اۋدانى 20 گا جەر تەلىمى انىقتالدى.

ينۆەستيتسيا تارتۋ بويىنشا بەلسەندى جۇمىس جۇرگىزىلۋدە

ينۆەستورلار ماسەلەلەرى جونىندەگى وڭىرلىك ۇيلەستىرۋ كەڭەسىندە 255 ملرد تەڭگەگە 42 جوبا قولداۋ تاپتى. اەا اۋماعى 8 مىڭ گەكتارعا كەڭەيتىلدى.

جوسىقسىز ينۆەستورلاردان 60 گا-دان استام يگەرىلمەگەن ۋچاسكەلەر الىندى، وندا 12 جاڭا ءوندىرىس ورنالاستىرىلعان.

ەكىنشى يندۋستريالىق پاركتى جوبالاۋ جۇمىستارى باستالدى.

گازداندىرۋ: بارلىق پروتسەدۋرالىق ماسەلەلەر شەشىلدى

نۇر-سۇلتان قالاسىنىڭ اكىمى اتاپ وتكەندەي، بارلىق پروتسەدۋرالىق ماسەلەلەر شەشىلدى، ءبىرىنشى كەزەڭنىڭ بارلىق ىسكە قوسۋ كەشەندەرى بويىنشا جۇمىس بەلسەندى تۇردە جۇرگىزىلۋدە.

2021 جىلدىڭ سوڭىنا دەيىن كوكتال-1، كوكتال-2، وڭتۇستىك – شىعىس جانە تەمىر جول ت/ا جۇمىستى اياقتاۋ جوسپارلانۋدا. جەو-1 جانە جەو-2 گازعا اۋىستىرۋ بويىنشا بايقاۋ جاريالاندى.

بيىل جەو-2-دە ەنەرگيا جابدىعىن رەكونسترۋكتسيالاۋ اياقتالادى، بۇل جىلۋ بويىنشا 180 گكال/ساعاتقا جانە ەلەكتر قۋاتى بويىنشا 120 مۆت وسىمگە قول جەتكىزەدى.

جەو-3 بويىنشا ەنەرگەتيكا مينيسترلىگىمەن بىرلەسىپ جوباعا تۇزەتۋ جۇرگىزىلۋدە.

اعىن سۋلار كارىزىنىڭ قۇرىلىسى جالعاسۋدا 

سونىمەن قاتار ا. كولگىنوۆ اعىن سۋلار كارىزىنىڭ قۇرىلىسى جالعاسىپ جاتقانىن ايتتى. 

50-دەن اسا سۋ باسۋ قاۋپى بار جەرلەر انىقتالدى، ونىڭ ىشىندە 3-ءۋى ءۇش قاۋىپتى اۋدان قيىلىسىندا: 

1) ءۋاليحانوۆ جانە باراەۆ كوشەلەرىنىڭ بويى ( جاستار ىقشاماۋدانى).

2) وقۋشىلار سارايى ماڭىنداعى ب. مومىش ۇلى داڭعىلى بويىندا قۇرىلىس جۇمىستارى باستالدى.

3) تۇران جانە ۇلى دالا داڭعىلدارى بويىندا كوللەكتورلار قايتا ورناتىلىپ، تازارتۋ قۇرىلعىلارى جاڭعىرتىلادى (1،5 ملرد تەڭگە).

بارلىق 3 ۋچاسكە بويىنشا جوبالاردى 2021 جىلى اياقتاۋ كوزدەلگەن. 

وتكەن جىلى لوگيستيكا ورتالىعى ماڭىنداعى تازارتۋ جەلىلەرىنىڭ قۇرىلىسى اياقتالدى (2،3 ملرد تەڭگە). بيىل تەلمان تۇرعىن ءۇي الابى، ۇشقوڭىر كوشەسى جانە قۇدايبەردى ۇلى كوشەسى بويىنشا 3 نىساندى اياقتاۋ جوسپارلانعان. 

 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار