ايماقتار • 24 قاڭتار، 2020

تۇركىستان وبلىسىندا «قامقورلىق» جوباسى جالعاسۋدا

68 رەتكورسەتىلدى

ەل پرەزيدەنتى قاسىم-جومارت توقاەۆ ءوز جولداۋىندا الەۋمەتكە قاتىستى بىرقاتار تاپسىرمالار بەرگەن بولاتىن. سونىڭ ءبىرى – كوپبالالى وتباسىلارعا الەۋمەتتىك جاعىنان بارىنشا قولداۋ ءبىلدىرۋ. وسى تاپسىرما اياسىندا تۇركىستان وبلىسىندا وبلىس اكىمى ومىرزاق شوكەەۆتىڭ باستاماسىمەن قولعا الىنعان «قامقورلىق» جوباسى جۇزەگە اسا باستادى. بۇل تۋرالى تۇركىستان وبلىسى اكىمدىگىنىڭ ءباسپاسوز قىزمەتى حابارلادى.

ء«بىز جاعدايى تىم تومەن، كريزيستىك جانە قاناعاتتانارلىقسىز دەڭگەيدە ءومىر ءسۇرىپ جاتقان 2000-عا جۋىق وتباسىن انىقتاپ، ولاردىڭ ارقايسىسىنا ماتەريالدىق كومەك پەن قاجەتتى كەڭەس بەرەتىن ارنايى كۋراتور تاعايىندايمىز. ارنايى كۋراتورلار رەتىندە بەكىتىلگەن مەكەمە باسشىلارى، دەپۋتاتتار جانە قوعام قايراتكەرلەرى بۇل وتباسىلارعا بولىنگەن قارجى جانە ءوز قاراجاتتارىنان ولاردىڭ جاعدايىن قاناعاتتانارلىق دەڭگەيگە جەتكەنشە كومەك بەرەتىن بولادى. بۇدان بولەك، «قامقورلىق» باعدارلاماسى ارقىلى جانۇيا مۇشەلەرىن جۇمىسقا تۇرعىزۋ، وقىتۋ جانە وزگە دە ماسەلەلەر تىكەلەي ءوز باقىلاۋىمدا بولادى» دەدى وبلىس باسشىسى.

1

ايتا كەتەيىك، جاڭا باعدارلاما مەملەكەت تاراپىنان بەرىلەتىن جاردەماقى مەن كومەكتەن بولەك جۇزەگە اسادى. ياعني، تۇرمىس تاۋقىمەتىن تارتقان جاندارعا جان-جاقتى قامقورلىق كورسەتۋ ارقىلى، كەدەيلىك شەڭبەرىنەن شىعۋعا مۇمكىندىك بەرەدى.

نەبارى ءبىر اپتانىڭ كولەمىندە كەلەس، جەتىساي، ماقتاارال، قازىعۇرت، سايرام اۋداندارىنداعى قولداۋعا اسا مۇقتاج 100-دەن استام وتباسىعا ناقتى كومەك كورسەتىلگەن. قايىرىمدى ىسكە وڭىرىمىزدەگى ەرىكتى جاستار مەن جەرگىلىكتى دەپۋتاتتار جانە دەمەۋشىلەر اتسالىسا باستادى.

بۇگىنگى تاڭدا جوبانى جۇزەگە اسىرۋ اياسىندا ومىرزاق ەستاي ۇلىنىڭ پارمەنىمەن اۋدان، قالا اكىمدەرى مەن وبلىستىق «Nur Otan» پارتياسى فيليالدارى بەلسەندى جۇمىس جۇرگىزۋدە. سونداي-اق، بارلىق اۋدان، قالالاردا ارنايى كوميسسيا قۇرىلىپ، ونىڭ قۇرامىندا اۋىل اقساقالدارى مەن جەرگىلىكتى بەلسەندىلەر جۇمىس ىستەۋدە.

«قامقورلىق» باعدارلاماسى شەڭبەرىندە قازاقستان رەسپۋبليكاسى پرەزيدەنتىنىڭ 2019 جىلدىڭ قاراشا ايىندا نۇر-سۇلتان قالاسىنىڭ «جانۇيا» وتباسى ينستيتۋتىن قولداۋ ورتالىعىنىڭ تاجىريبەسىنە سۇيەنىپ، بارلىق وڭىرلەردە وسىنداي ورتالىقتاردى قۇرۋ جونىندە تاپسىرما بەرگەن بولاتىن. بيىل شىلدە ايىندا وسى تەكتەس ورتالىقتى «قامقورلىق» باعدارلاماسىنىڭ شەڭبەرىندە تۇركىستان قالاسىندا اشىلادى دەپ جوسپارلانۋدا.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار