باسقوسۋدا كورۋ, ەستۋ قابىلەتى جاعىنان مۇگەدەكتىگى بار ازاماتتارعا مەملەكەت تاراپىنان بەرىلەتىن وڭالتۋدىڭ تەحنيكالىق قۇرالدارى جونىندە دە پىكىر الماستى. كەزدەسۋ بارىسىندا الەۋەتتى ءونىم بەرۋشىلەر ءوز تاۋارلارىن تانىستىردى. ال, قولاربانى تۇتىنۋشىلار ولاردىڭ ساپاسى مەن ىڭعايلىلىعىن سىناپ كوردى. مۇگەدەكتىگى بار ازاماتتار قولاربالار مەن بالداقتاردىڭ ساپاسىن سىناقتان وتكىزىپ, بىرقاتار تالاپ قويدى.
بالالار مەن ەرەسەكتەرگە ارنالعان قولارباعا تاڭداۋ جاساۋعا اتسالىسقان بيلىك باسشىلارى ەڭ الدىمەن ولاردىڭ ساپاسى مەن وندىرۋشىسىنە نازار اۋدارىلاتىنىن جەتكىزدى. سونداي-اق الداعى ۋاقىتتا ارباعا تاڭىلعان ازاماتتىڭ سالماعىنا مەن بويىنا قاراپ تاڭداۋ جاسالاتىن بولادى. وسىلايشا تاراپتار ءوزارا پىكىر الماسىپ, ورتاق مامىلەگە كەلدى.
بۇگىندە رەسپۋبليكادا تۇراتىن مۇگەدەكتىگى بار ادامداردىڭ 14% تۇركىستان وبلىسىنىڭ ازاماتتارى قۇرايدى. ياعني, 682 مىڭ ازاماتتىڭ 93 مىڭى وبلىستىڭ ۇلەسىندە. ولاردىڭ ىشىندە 3 مىڭنان استامى قولاربالاردى پايدالانادى.
جىل سايىن وبلىس بيۋدجەتى ەسەبىنەن اۋىستىرۋ مەرزىمىنە قاراي مىڭنان استام ادام قولاربامەن قامتاماسىز ەتىلەدى. 2019 جىلى بارلىعى 1924 قولاربا تاراتىلدى. جىل ىشىندە بۇل كورسەتكىشتەر قولاربالاردىڭ اۋىستىرۋ مەرزىمىنە قاراي قوسىمشا كوتەرىلۋى مۇمكىن.
اۋىستىرۋ مەرزىمدەرى قولاربالاردىڭ تۇرلەرىنە قاراي قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترىنىڭ «مۇگەدەكتەردى وڭالتۋدىڭ كەيبىر ماسەلەلەرى تۋرالى» بۇيرىعىنا سايكەس بەلگىلەنىپ, بولمەلىك قولاربالار – 7 جىلعا, سەرۋەندىك قولاربالار - 4 جىلعا بەرىلەدى.
