ايماقتار • 24 قاڭتار، 2020

«ۇلت رۋحىن ۇلىقتاعان ۇلى ويشىلدار» جانە «قازاق مەملەكەتىنىڭ بەسىگى» اتتى كورمە اشىلدى

53 رەتكورسەتىلدى

تۇركىستان وبلىستىق ى.التىنسارين اتىنداعى بالالار كىتاپحاناسىندا الەمگە ايگىلى ويشىل ءابۋ ناسىر ءال-ءفارابيدىڭ 1150 جىلدىعى مەن ۇلى اقىن اباي قۇنانباي ۇلىنىڭ 175 جىلدىق مەرەيتويلارىنا ارنالعان «ۇلت رۋحىن ۇلىقتاعان ۇلى ويشىلدار» جانە التىن وردانىڭ 750 جىلدىعىنا ارنالعان «قازاق مەملەكەتىنىڭ بەسىگى» اتتى كىتاپ كورمەلەرىنىڭ سالتاناتتى اشىلۋى ءوتتى.

تاريحي، قۇندى دۇنيەلەردى توپتاستىرعان ايتۋلى كورمەگە جازۋشى، قازاقستاننىڭ قۇرمەتتى ءجۋرناليسى، اۋدارماشى، قازاقستاننىڭ ەڭبەك سىڭىرگەن قايراتكەرى، «الاش» حالىقارالىق سىيلىعىنىڭ لاۋرەاتى، تۇركىستان وبلىسىنىڭ قۇرمەتتى ازاماتى مارحابات بايعۇت جانە وبلىستىق، قالالىق كىتاپحانا مەن مادەنيەت مەكەمەلەرىنىڭ باسشىلارى، زيالى قاۋىم وكىلدەرى مەن جاستار جانە وقۋشىلار قاتىستى.

ۇلتىمىزدىڭ ۇلى تۇلعالارىنا ارنالعان «ۇلت رۋحىن ۇلىقتاعان ۇلى ويشىلدار» جانە التىن وردانىڭ 750 جىلدىعىنا ارنالعان«قازاق مەملەكەتىنىڭ بەسىگى» اتتى كىتاپ كورمەلەرىنىڭ ەكسپوزيتسيالارىنا وتىرار جازيراسىندا دۇنيەگە كەلىپ، ورتاعاسىرلىق عۇلامالاردان وزىپ شىققان ءابۋ ناسىر ءال-ءفارابيدىڭ وراسان زور شىعارماشىلىق مۇراسى، دانا دا دارا ۇلى اباي قۇنانباي ۇلىنىڭ ۇلتىمىزدى رۋحاني جاڭا بيىكتەرگە كوتەرگەن قۇندى دۇنيەلەرى، سونداي-اق جارتى الەمدى يەلىگىنە قاراتقان التىن وردا تاريحىنان تۇتاستاي ماعلۇمات بەرەتىن ادەبيەتتەر ۇسىنىلدى.

سونىمەن قاتار كورمەنىڭ تاقىرىبى اياسىندا ءابۋ ناسىر ءال-فارابي مەن اباي قۇنانباي ۇلى جايلى تەاترلاندىرىلعان كورىنىستەر كورسەتىلىپ، ۇلى اقىننىڭ ولەڭدەرى مەن قاراسوزدەرى وقىلىپ، اندەرى شىرقالدى.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار