ۇكىمەت • 24 قاڭتار، 2020

2019 جىلى الماتى وبلىسىندا 48 مىڭنان اسا جۇمىس ورنى اشىلدى

53 رەتكورسەتىلدى

مەملەكەت باسشىسىنىڭ قاتىسۋىمەن وتكەن قازاقستان رەسپۋبليكاسىنىڭ ۇكىمەتىنىڭ كەڭەيتىلگەن وتىرىسىندا الماتى وبلىسىنىڭ اكىمى اماندىق باتالوۆ ءوڭىردىڭ 2019 جىلعى الەۋمەتتىك-ەكونوميكالىق دامۋ قورىتىندىلارى تۋرالى باياندادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ءوڭىر اكىمىنىڭ ايتۋىنشا، وتكنە جىلى ەكونوميكالىق ءوسىم جانە تۇرعىنداردىڭ ءومىر ءسۇرۋ دەڭگەيىن ارتتىرۋ ءۇشىن بارلىق شارالار قابىلداندى.

«2019 جىلدىڭ قورىتىندىسى بويىنشا جالپى وڭىرلىك ءونىم 4،5%-عا ارتىپ، 3 ترلن تەڭگەدەن استى. 48 مىڭنان اسا جۇمىس ورنى قۇرىلدى، ونىڭ ىشىندە 31 مىڭى – تۇراقتى. مەملەكەتتىك بيۋدجەتكە تۇسىمدەر 509 ملرد تەڭگەدەن استى، ونىڭ ىشىندە ءوز كىرىستەرى 226 ملرد تەڭگەنى قۇرادى»  دەدى ا. باتالوۆ.

ءوڭىر اكىمى اتاپ وتكەندەي، بۇل ەلباسىنىڭ «100 ناقتى قادام» ۇلت جوسپارىندا، سونداي-اق مەملەكەت باسشىسىنىڭ سايلاۋالدى باعدارلاماسى مەن قازاقستان حالقىنا ارناعان جولداۋىندا بەلگىلەنگەن مىندەتتەردى ىسكە اسىرۋدىڭ ارقاسىندا مۇمكىن بولدى.

«بۇل – ينۆەستورلارمەن جۇمىستى كۇشەيتۋ، قولداۋ، قولايلى ينۆەستيتسيالىق احۋال جاساۋ، مۇنىڭ ءبارى ناقتى ناتيجەلەر بەرەدى. شەتەلدىك ينۆەستيتسيالار 1،6 ەسە ءوستى، شيكىزاتتىق ەمەس ەكسپورت 15% وسىممەن $350 ملن جەتتى. جالپى قۇنى 4،9 ترلن تەڭگەدەن اساتىن، 40 مىڭ جۇمىس ورنىن قۇرۋمەن 422 جوبانى قامتيتىن ينۆەستيتسيالىق قورجىن جاسالدى» دەدى ا. باتالوۆ.

ونىڭ ىشىندە ينۆەستيتسيالار كولەمى 94،5 ملرد تەڭگە بولاتىن «جەتىسۋ ۆولفرامى» كەن وڭدەۋ زاۋىتى، قۇنى 40 ملرد تەڭگە بولاتىن «پريما-قۇس» قۇس فابريكاسى جانە بيىل ءبىرىنشى جارتىجىلدىقتا پايدالانۋعا بەرىلەتىن، قۇنى 47 ملرد تەڭگە بولاتىن «الاتسەم» تسەمەنت زاۋىتى بار. 

سونىمەن قاتار بيىل اۋىل شارۋاشىلىعى جالپى ءونىمىنىڭ كولەمىن 1 ترلن تەڭگەگە دەيىن جەتكىزىپ، وڭدەلگەن ءونىم ەكسپورتىن ارتتىرۋ جوسپارلانعان. 

2019 جىلى شاعىن جانە ورتا بيزنەس سۋبەكتىلەرىنىڭ سانى 122 مىڭنان استى، ولاردان سالىق تۇسىمدەرى 1،3 ەسە ءوستى جانە 113 ملرد تەڭگەنى قۇرادى. ءجىو-دەگى ءجوو ۇلەسى 32%-عا جەتتى. 

سونىمەن قوسا وتكەن جىلى 25% وسىممەن 894 مىڭ ش.م. تۇرعىن ءۇي سالىندى. تۇرعىن ءۇي باعدارلامالارىنىڭ ارقاسىندا، 2 443 وتباسى، ونىڭ ىشىندە 1 779 كوپبالالى وتباسى پاتەرگە يە بولدى.

«جىل باسىنان بەرى جاڭا فورماتتاعى اتاۋلى الەۋمەتتىك كومەكتى الۋعا وتىنىمدەر قابىلداندى، وعان 21 ملرد تەڭگە ءبولىندى.  $40 ملرد كوپبالالى جانە از قامتىلعان وتباسىلاردى الەۋمەتتىك قولداۋعا بولىنەدى، ونىڭ ىشىندە 3،5 ملرد تەڭگە جەرگىلىكتى بيۋدجەتتەن وبلىستىڭ الەۋمەتتىك كارتاسىنا بولىنەدى» دەدى ا. باتالوۆ.

وڭىردە ورتالىقتاندىرىلعان سۋمەن قامتۋمەن قامتاماسىز ەتىلۋ دەڭگەيى 91%-عا دەيىن جەتكىزىلدى. جولداردى جوندەۋگە جانە سالۋعا جىل سايىن 35 ملرد تەڭگە بولىنەدى، بۇگىندە جەرگىلىكتى ماڭىزى بار جولداردىڭ 81%-ى جاقسى جانە قاناعاتتاندىرارلىق كۇيدە. 

اكىمنىڭ ايتۋىنشا، سوڭعى بەس جىلدا وبلىستا 30 مىڭ ورىنعا 55 مەكتەپ سالىندى، بىراق ولاردىڭ سانى تۋ كورسەتكىشىنىڭ جوعارى بولۋىنا جانە ىشكى ميگراتسياعا بايلانىستى وسۋدە. بيىل 8 مەكتەپ قۇرىلىسىنا 8 ملرد تەڭگە ءبولىندى. سونىمەن قاتار جەكە ينۆەستيتسيالار ەسەبىنەن مەكتەپتەر سالۋ ماسەلەسى پىسىقتالۋدا. 

سونىمەن قاتار وڭىردەگى باسىمدىقتى جۇمىستاردىڭ ءبىرى – وبلىستاعى ەلدى مەكەندەردى گازداندىرۋ. تالدىقورعان قالاسىندا قالاىشىلىك جەلىلەر قۇرىلىس اياقتالۋدا. بيىل اۋىلىشىلىك جەلىلەر قۇرىلىسى باستالادى. 

بۇل رەتتە، ينۆەستيتسيالار كولەمى 39،4 ملرد تەڭگەنى قۇرادى، ونىڭ ىشىندە 32،8 –  جەكەمەنشىك، ياعني، 1 تەڭگە بيۋدجەت قاراجاتىنا 4 تەڭگە جەكەمەنشىك قاراجاتتان كەلەدى.

«قولايلى ءومىر ءسۇرۋ ورتاسىن قۇرۋ ءۇشىن «اۋىل – ەل بەسىگى» اۋىلداردا زور مۇمكىندىكتەر تۋدىرىپ وتىر. وتكەن جىلى 7 اۋدان ورتالىعىندا 6،1 ملرد تەڭگە سوماسىنا 45 جوبا ىسكە اسىرىلدى، بيىل 21 اۋىل قامتىلاتىن بولادى. بۇل باعدارلامانى تۇرعىندار جىلى قابىلدادى، ول “حالىق ۇنىنە قۇلاق اساتىن مەملەكەت” تۇجىرىمىنا ساي كەلەدى. ول ءبىز ءۇشىن اسا ماڭىزدى، سەبەبى تۇرعىنداردىڭ 80%-ى اۋىلدىق جەرلەردە تۇرادى» دەپ تۇيىندەدى ا. باتالوۆ. 

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار