مونەتانىڭ الدىڭعى جاعىندا ءال-فارابي بەينەلەنگەن, ال ەكىنشى جاعىندا قازاق حالقىنىڭ مادەني جانە رۋحاني مۇراسىنىڭ قايتا وركەندەۋىن بەينەلەيتىن بۇركىت بەينەلەنگەن «رۋحاني جاڭعىرۋ» لوگوتيپى ورنالاسقان.
سونىمەن قاتار ەلشىلىك بيىل ءال-فارابي مەن اباي قۇنانباي ۇلىنىڭ مەرەيتويلارىنا ارنالعان بىرقاتار ءىس-شارالار وتكىزۋدى جوسپارلاپ وتىر. اتاپ ايتقاندا اعىمداعى جىلعى اقپان ايىندا اقش-تىڭ جەتەكشى ۋنيۆەرسيتەتتەرىندە قازاق فيلمدەرىن كورسەتە باستايدى. جىل بويى فوتوكورمەلەر مەن دوڭگەلەك ۇستەلدەر, سونداي-اق امەريكاندىق ساراپشى جانە اكادەميالىق توپتار ءۇشىن اباي قۇنانباي ۇلى مەن ءال-ءفارابيدىڭ ءومىرى مەن شىعارماشىلىعى تۋرالى كىتاپتاردىڭ كورسەتىلىمدەرىن وتكىزۋ جوسپارلانعان. سونداي-اق ەلشىلىكتىڭ اقپاراتتىق رەسۋرستارىندا باتىس ساياحاتشىلارى جاساعان 19 عاسىرداعى قازاقستان تاريحىنىڭ فوتوسۋرەتتەرى تۇراقتى نەگىزدە ورنالاستىرىلۋدا.
