ايماقتار • 24 قاڭتار، 2020

كوكشەتاۋدا ساۋدا دۇڭگىرشەكتەرى بۇزىلماق

25 رەتكورسەتىلدى

وبلىس ورتالىعىنداعى ساۋدا دۇڭگىرشەكتەرى توقسانىنشى جىلداردىڭ باسىندا پايدا بولعان. سولاردىڭ باسىم كوپشىلىگى ءالى كۇنگە دەيىن ساقتالىپ قالدى. بۇگىنگى كۇنى ساۋدا سالاسىنا ءتارتىپ ەنىپ كەلە جاتقاندىقتان جەرگىلىكتى اتقارۋشى بيلىك وكىلدەرى شاعىن دۇڭگىرشەكتەر قالانىڭ كوركىن بۇزىپ تۇر دەگەن ۋاجبەن الىپ تاستاماق. الايدا بۇل شەشىمگە كاسىپكەرلەر قارسى.

قالا اكىمدىگىنىڭ شەشىمىمەن تاياۋ ارادا وسىنداي دۇڭگىرشەكتەر بۇزىلماق. ولاردىڭ بىرنەشەۋى قاتار ورنالاسقان. ال قالا بويىنشا اۋلالاردا، كوشە بويلارىندا جەكە-جەكە تۇرعاندارى دا از ەمەس. ماماندار ولاردىڭ اراسىندا ءتيىستى قۇجاتتارى جوق نىساندار دا كەزدەسەدى دەيدى. ساۋداسىن توقتاتقاندارى از ەمەس. الدىن-الا جاسالعان ساراپتاما بويىنشا شامامەن 200 ساۋدا دۇڭگىرشىگى الىنىپ تاستالماق.

مۇنداي ساۋدا دۇڭگىرشەكتەرىندە نەگىزىنەن ازىق-ت ۇلىك، جەمىس-جيدەك جانە ءتۇرلى تاعامدار ساتىلادى. جوندەۋ جۇمىستارىن ىستەيتىندەر دە بار. بىرنەشە جىل بۇرىن جىلجىمالى دۇڭگىرشەك العان يۆان كوزىركوۆ قازىر ءتاپ-ءتاۋىر تابىس تاۋىپ ءجۇر. الايدا، جەرگىلىكتى بيلىكتىڭ شەشىمىنەن كەيىن ول ەرتەڭگى كۇنىنە الاڭداپ ءجۇر.

–بۇل ماسەلەنى ءالى دە جەرىنە جەتكىزە تالقىلاۋ كەرەك. مەنىڭ قولىمدا بارلىق قۇجاتتار بار. كاسىبىم زاڭدى. وسى ۋاقىتقا دەيىن بارلىعى دۇرىس بولدى. ەندى زاڭ بۇزۋشىلىقتار پايدا بولا قالىپتى. ول قالاي؟ اكىمدىكتى كەلىسىپ جۇمىس ىستەۋگە شاقىرامىن. بۇل ءبىزدىڭ كۇنكورىسىمىز عوي، دەيدى جەكە كاسىپكەر يۆان كوزىركوۆ.

قالا تۇرعىندارىنىڭ بۇل شەشىمگە قاتىستى پىكىرلەرى  الۋان ءتۇرلى. بىرقاتار قالا تۇرعىندارى ءبىر توبى شاعىن جانە ورتا بيزنەستى دامىتۋ كەرەك دەسە، كەيبىرەۋلەر شىنىمەن شاھاردىڭ ءسانىن كەتىرىپ تۇر دەيدى.

بيىل كوكشەتاۋدا وڭىرارالىق ىنتىماقتاستىق فورۋمى وتپەك. وعان دەيىن قالانىڭ كوركىن بۇزىپ، ساۋلەتىنە ساي كەلمەيتىن نىسانداردى اكىمدىك وسىلايشا جويماق نيەتتە .

–ساۋدا پاۆيلوندارى، دۇڭگىرشەكتەر قالانىڭ ساۋلەتىن بۇزىپ تۇر. سوندىقتان وسىنداي شەشىم قابىلداندى. كاسىپكەرلەرگە 24-ءىنشى قاڭتارعا دەيىن نىسانداردى بۇزاتىنىمىز تۋرالى حابارلاما جولدادىق. قازىرگى ۋاقىتتا جۇمىس جۇرگىزىلىپ جاتىر. جەرگە قۇجاتتارى بار مەنشىك يەلەرى دە بار. ولارعا بىرىڭعاي ديزاين بويىنشا دۇڭگىرشەكتەردىڭ كەلبەتىن وزگەرتۋ كەرەك، دەيدى قالالىق ساۋلەت جانە قالا قۇرىلىسى ءبولىمىنىڭ جەتەكشىسى باۋىرجان تاشمەتوۆ.

وسىلايشا، كاسىپكەرلەرگە قاڭتاردىڭ سوڭىنا دەيىن ۋاقىت بەرىلدى. مەنشىك يەلەرى دۇڭگىرشەكتەردى وزدەرى الماسا، اكىمدىك ءماجبۇرلى تۇردە بۇزۋعا كىرىسپەك. 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار