ارداق وتەپوۆ بۇعان دەيىن «قازاەروناۆيگاتسيا» رەسپۋبليكالىق مەملەكەتتىك كاسىپورنىنىڭ ستراتەگيالىق جوسپارلاۋ باسقارماسى باستىعىنىڭ ورىنباسارى قىزمەتىن اتقاردى.
وتەپوۆ ارداق ءتولتاي ۇلى 1984 جىلى تسەلينوگراد (نۇر-سۇلتان) قالاسىندا دۇنيەگە كەلگەن. تۋعان قالاسىندا باسقارۋ ينستيتۋتىن, الماتىداعى ازاماتتىق اۆياتسيا اكادەمياسىن, پرەزيدەنت جانىنداعى مەملەكەتتىك باسقارۋ اكادەمياسىن جانە اقش-تىڭ كاليفيورنيا ۋنيۆەرسيتەتىن تامامداعان.
ءوزىنىڭ ەڭبەك جولىن 2007 جىلى ازاماتتىق اۆياتسيا كوميتەتى ۇشۋ قاۋىپسىزدىگىن مەملەكەتتىك قاداعالاۋ باسقارماسىنىڭ اۆياتسيالىق قاۋىپسىزدىك ءبولىمىنىڭ جەتەكشى مامانى بولىپ باستاعان. 2010-2011 جىلدارى باسقارما ساراپشىسى, سوسىن 2014 جىلعا دەيىن حالىقارالىق قاتىناستار باسقارماسىنىڭ باستىعى بولدى. 2014-2018 جىلدارى «قازاەروناۆيگاتسيا» رمك ستراتەگيالىق جوسپارلاۋ جانە ساپا دەپارتامەنتىنىڭ عىلىمي-تەحنيكالىق اقپارات بولىمىنە باسشىلىق ەتتى. 2018 جىلدان قازىرگى ۋاقىتقا دەيىن «قازاەروناۆيگاتسيا» رمك ستراتەگيالىق جوسپارلاۋ باسقارماسى باستىعىنىڭ ورىنباسارى لاۋازىمىندا بولدى.
