الەم • 23 قاڭتار، 2020

موڭعوليا جەڭىل كولىك نارىعىندا

107 رەتكورسەتىلدى

موڭعوليالىقتار اۆتوموبيل ءوندىرۋ نارىعىن ءوز قولدارىنا الۋدى كوزدەپ وتىر. اتاپ ايتساق، «بارس موتورس» كومپانياسى ءوز ينۆەستيتسيالارىمەن قحر حانچجوۋ قالاسىندا اۆتوكولىك قۇراستىراتىن بىرىككەن زاۋىت اشىپ، العاشقى ونىمدەرىن شىعارا باستادى. اۆتوموبيل «مونگولىن زون ولون» /موزو/ نەمەسە «موڭعول جۇرتشىلىعى» اتپەن كەشىكپەي موڭعول حالقىنىڭ تۇرمىستىق قاجەتتىلىگىنە ۇسىنىلاتىن بولادى.

سوڭعى اقپاراتتارعا قاراعاندا، كولىكتەر موڭعولياعا جەتكىزىلگەن، كەلەر 2 اقپاندا كورمە رەتىندە كوپشىلىككە كورسەتىلەدى دەپ كۇتىلۋدە. كومپانيا تاراپىنان، سول كۇنى اشىق ەسىك كۇندىگىن جاريالاپ، الدىن-الا تاپسىرىس الۋدى جوسپارلاپ وتىر.

قازىرگى تاڭدا موزو-ىڭ موڭوعليانىڭ  قاتال كليماتى مەن موڭعول جۇرتشىلىعىنىڭ قولدانىسىنا سايكەس كەلۋى، ساپاسى مەن سىرتقى بەينەسىنىڭ تارتىمدىلىعى، جانارماي جۇمساۋى مەن بولشەكتەردىڭ ساپاسىنا سىناق جۇرگىزىلۋدە.

ەگەر سىناق ءساتتى بولسا، اۆتوموبيل ساتىلىمعا شىعادى. العاشقى اۆتوموبيل ورتاشا ولشەمدى، جول تالعامايدى، باعاسى مونعولداردىڭ ءومىر ءسۇرۋ جاعدايلارى مەن قارجىلىق مۇمكىندىكتەرىنە بايلانىستى قول جەتىمدى بولادى، دەپ حابارلادى بارس موتورس كومپانياسىنىڭ وكىلدەرى.

موڭعول حالقى اۆتوكولىك ساتىپ الۋعا جىلىنا 500-800 ميلليون دوللار جۇمسايدى دەگەن بولجام بار. اقشا، ادەتتەگىدەي جاپونيا، كورەيا جانە اقش-نىڭ قازانىنا قۇيىلادى. سوندىقتان اۆتوكولىك ساتىپ الۋعا جۇمسالاتىن جوعارىداعى اقشا اعىمىن ساقتاۋ، كۇن تارتىبىندەگى ماڭىزدى ماسەلە بولىپ وتىر.

«بارس موتورس» جشس ءوزىنىڭ بىرلەسكەن كاسىپورنىنى جىلىنا 25000 اۆتوموبيل شىعاراتىن مۇمكىندىككە يە. كەلەسى جىلى 100% ەلەكترمەن جۇمىس ىستەيتىن اۆتوموبيلدەر شىعارماق. سونىمەن قاتار، «بارس موتورس» موڭعوليادا اۆتوموبيل شىعاراتىن زاۋىت اشۋ ءۇشىن زەرتتەۋ جۇمىستارىن جۇرگىزۋدە.  

كومپانيا ديرەكتورى د.دەمبەرەل «زاۋىت قۇرۋ ءۇشىن وتە جاقسى مەحانيك-ينجەنەرلەر نەمەسە بىلىكتى كادرلەر، زاماناۋي قۇرالدار، اۆتوكولىك بولشەكتەرى مەن تەحنولوگيا باستى ماڭىزعا يە بولادى. قحر-دا الەمدىگى بارلىق تەحنولوگيالار شوعىرلانعان. سوندىقتان ءبىز، بۇل جەردە يننوۆاتسياعا قول جەتكىزۋمىز كەرەك. وسىلاي جاساۋ ارقىلى كەم دەگەندە 200 ملن دوللوردى ەلىمىزدە قالتىرا الامىز» دەگەن تۇسىنىكتەمە بەردى.

قۋات ۋاتحان، جۋرناليست

موڭعوليا، باي-ولكە ايماعى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار