ايماقتار • 23 قاڭتار، 2020

دوسىم وقىعان كىتاپ

16 رەتكورسەتىلدى

جاس ۇرپاقتى كوركەم ادەبيەتتىڭ كومەگىمەن تاربيەلەۋ قيىن تۇيىنگە اينالعالى قاشان. تاياۋدا بۋراباي اۋدانىندا بولعانىمىزدا «دوسىم وقىعان كىتاپ» دەپ اتالاتىن جاڭا جوبانىڭ جاي-جاپسارىمەن تانىسىپ، وڭتايلىسى وسى ەكەن دەستىك.

اۋداندا 34 كىتاپحانا جۇمىس ىستەي­دى. 16715 وقىرمانى بار. دەنى اۋىل­دىق جەردەگى كىتاپقۇمارلار. رۋحاني سۇرا­نىستى قاناعاتتاندىرۋ ءۇشىن جىل سايىن مۇمكىندىگىنشە جاڭا ادەبيەتتەرمەن تولىقتىرىلىپ وتىرىلادى. بۇل ورايدا مەملەكەتتىك باعدارلامامەن كەلەتىن قۇندى كىتاپتار كوپ. ءبىر ءسۇيىنىش­تىسى، سوڭعى جىلدارى جەرگىلىكتى ۇلت تىلىندەگى ادەبي كىتاپتار مەن كۇندە­لىكتى باسىلىمدار كوبەيىپ كەلەدى.

قازىر جاس تولقىندى ادەبي الەمنىڭ سيقىرلى سىرىمەن قىزىقتىرۋ وڭاي-وسپاق شارۋا ەمەس. وعان قولدارى­نان كۇنى-ءتۇنى تۇسپەيتىن قالتا تەلەفون­دارىنداعى الەۋمەتتىك جەلى كەسىر بولىپ تۇر. ال وقي بىلگەنگە كوركەم ادەبيەت قۇن­دى دۇنيە. قاسيەتىن ۇقتىرۋ ءۇشىن تىم قۇرىعاندا ءوز بويلارى مەن ويلارى­نا شاقتالعان شىعارمالاردىڭ ءسولىن ءبىر رەت تاتىرسا. ول ءۇشىن نە ىستەۋ كەرەك؟ ەلىكتەگىش جاس كوڭىلدى ەپتەپ اۋدارعان ءجون. ءبىز ءسوز ەتىپ وتىرعان جوبانىڭ باستى ەرەكشەلىگى دە وسى. بالالار وزدەرى وقىپ، جەتەسىنە توقىعان جاقسى كىتاپتاردى دوستارىنا بەرەدى، ءتىپتى، مازمۇن-ماعىناسىن اۋىزشا ايتىپ بەرسە دە ولقى سوقپاس ەدى. كەڭەسە قالعان ساتتەرىندە وزگە دۇنيە ەمەس، كىتاپ تۋرالى ءسوز ساباقتاسا نۇر ۇستىنە نۇر. ويتكەنى، بالعىن بالالاردىڭ ادەبيەتى بارشا ادەبيەتتىڭ باسپالداعى.

كىتاپحاناشىلار دا بالالارعا قانداي كىتاپ وقۋ كەرەكتىگىن ايتىپ، كەڭەس بەرىپ وتىرادى. جوبانىڭ جولى اشىلسا، جاس ۇرپاق كوركەم ادەبيەتتى سەرىك ەتىپ، جان ازىعىنا اينالدىراتىندارى داۋسىز. قازىر اۋدانداعى كىتاپحانالاردىڭ كىشكەنتاي وقىرماندارى باتىرلار جىرىن، ەلىتەتىن ەرتەگىلەردى  وقىپ ءجۇر. كى­تاپ­حاناشىلار بالا كوڭىلىن باۋراۋ ءۇشىن بالالار ادەبيەتىنە قالام تارتاتىن جا­زۋ­شىلارمەن كەزدەسۋلەر وتكىزۋدى دە جوس­پار­لاۋدا. وعان مول مۇمكىندىك بار. بۋرا­بايدىڭ باۋرايىنا قالامگەرلەر ءجيى كەلەدى ەمەس پە؟

بۇل ورايدا اۋداندىق كىتاپحانا جانىنان «اۆتور جانە وقىرمان» جوباسى اشىلعان. ونىڭ باستى ماقساتى – اقىن-جازۋشىلاردىڭ شىعارمالارىن ناسيحاتتاۋ. العاشقى جۇزدەسۋلەر دە وتكىزىلدى. وقىرمانداردىڭ قىزىعۋشىلىعى دا كوڭىل سۇيسىنتەرلىك.

ەندى ءبىراۋىز ءسوز قيىندىق حاقىندا. ماسەلەن، اۋداندىق كىتاپحانانىڭ ءوز الدىنا جەكە عيماراتى جوق. ال اۋىلدىق جەر­لەردە ماسەلە ءتىپتى كۇردەلى. بىرقاتار اۋىلدىق كىتاپحانالار جەرگىلىكتى ءبىلىم وشاقتارىندا، اكىمشىلىكتەردە، جالعا بەرەتىن مەكەمەلەردىڭ اينالىمعا كەلمەي­تىن بولمەلەرىندە ورنالاسقان.

– سوندىقتان وقىرمانداردىڭ تالاپ-تىلەگىن ساپالى ورىنداۋ قيىندىق تۋعىزۋ­دا، – دەيدى ورتالىقتاندىرىلعان كىتاپ­حا­نالار جۇيەسىنىڭ ديرەكتورى نازيرا را­ما­زانوۆا، – قايتكەن كۇندە دە ويلى وقىر­ماندى كىتاپحاناعا تارتۋ بارىسىندا تىر­­بانىپ جۇمىس اتقارۋدامىز. شىعار­ما­­شىلىق كلۋبتار دا اشىلىپ، جۇمىس ىستەۋدە.

ىلكىمدى ىزدەنىس ۇستىندەگى كىتاپحانا­شىلار ۇجىمىنىڭ ىجداھاتتى شارۋاسى وڭىنان ورالسا، بۋراباي باۋرايىن­داعى جاس تولقىن جاقسى ءداستۇردى جالعاس­تىر­ماق. كوركەم ادەبيەتپەن كوڭىلىڭدى كوركەيتكەنگە نە جەتسىن، شىركىن؟! 

 

اقمولا وبلىسى،

بۋراباي اۋدانى

 

 

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار