قازاقستان • 22 قاڭتار، 2020

ەلوردادا كۇردەلى جوندەۋدەن وتكەن جولاۋشىلار ۆاگوندارى تانىستىرىلدى

26 رەتكورسەتىلدى

بۇگىن «نۇرلى جول» ۆوكزالىندا «جولاۋشىلار تاسىمالى» اق باس ديرەكتورى م. كورتيۋم باق وكىلدەرىنە گومەل قالاسىندا (بەلارۋس رەسپۋبليكاسى) كۇردەلى جوندەۋدەن وتكەن جولاۋشىلار ۆاگوندارىن كورسەتتى. بۇل تۋرالى «جولاۋشىلار تاسىمالى» اق ءباسپاسوز ورتالىعى حابارلادى.

جولاۋشىلار جىلجىمالى قۇرامىن پايدالانۋ كەزىندە ۆاگونداردى كۇردەلى جوندەۋدەن وتكىزۋ كوزدەلگەن. ەسكى ۆاگوننان جوندەۋ كەزىندە تۇتاس مەتالل شاناق پەن اربا راماسى عانا قالادى. قالعان بولشەكتەرى تولىقتاي جاڭارتىلادى.

بەلورۋسسيادا كۇردەلى جۇمىستان وتكەن جولاۋشىلار ۆاگوندارى تولىقتاي جاڭارتىلىپ، كۋپە ۆاگونىنان پلاتسكارت ۆاگونى جاساقتالعان. ۆاگون ىشىندە ەندى بەينەباقىلاۋ، كونديتسيونەر جۇيەسى، ءاربىر جولاۋشىنىڭ وتىراتىن ورىنىندا 220ۆ روزەتكا، جولسەرىكتى شاقىرۋعا ارنالعان سيگنالدىق تۇيمەشەك، تازا سۋ كۋلەرى، توڭازاتقىش پەن قىسقا تولقىندى پەش ورناتىلعان.

كومپانيانىڭ دامۋ ستراتەگياسىنىڭ ماڭىزدى باعىتتارىنىڭ ءبىرى - جولاۋشىلار ۆاگوندارىنىڭ تاپشىلىعىن شەشۋ بولىپ تابىلادى. وندا ۆاگونداردىڭ سانىنا عانا ەمەس، ساپاسىنا دا كوڭىل بولىنەدى. قازىرگى ۋاقىتتا ەسكى ۆاگونداردى جوندەۋ كەستەسى ازىرلەنگەن. ۆاگون پاركىن كەزەڭ-كەزەڭمەن جاڭارتۋ بويىنشا جۇمىستار جۇرگىزىلۋدە. جىل سايىن ۆاگوندار 100 بىرلىككە دەيىن جاڭاراتىن بولادى.

جالپى 2016-2019 جىلدار ارالىعىندا 269 ۆاگون ساتىپ الىندى. ونىڭ ىشىندە وتكەن جىلى «تۇلپار» جشس ۆاگون جاساۋ زاۋىتىنىڭ رەسەي تەحنولوگياسى بويىنشا قۇراستىرىلعان 91 جاڭا ۆاگونى بار. 2020 جىلى «تۇلپار» جشس-نەن 118 ۆاگون ساتىپ الۋ جوسپارلانۋدا. ونىڭ 18 بىرلىگى - 2020 جىلدىڭ 1 توقسانىندا، ال قالعان 100 بىرلىگى 2020 جىلدىڭ 4 – ءشى توقسانىندا. سونداي-اق قىزمەت كورسەتۋ مەرزىمىن ۇزارتۋ ءۇشىن 85 ۆاگوندى كۇردەلى-جوندەۋدەن وتكىزۋ جوسپارلانىپ وتىر.

قازىرگى ۋاقىتتا ۇلتتىق تاسىمالداۋشىنىڭ ۆاگون پاركى 2200-دەن استام بىرلىكتى قۇرايدى، ونىڭ ىشىندە «تۇلپار – تالگو» ۆاگوندارى - 670 بىرلىك.


سوڭعى جاڭالىقتار

ۇقساس جاڭالىقتار