رۋحانيات • 22 قاڭتار، 2020

كوكشەتاۋدا ۆولونتەرلىك قوزعالىستىڭ ورتالىعى اشىلدى

11 رەتكورسەتىلدى

كوكشەتاۋداعى قازاقستان حالقى اسسامبلەياسى وبلىستىق فيليالىنىڭ جانىنان ۆولونتەرلىك قوزعالىستىڭ ورتالىعى اشىلدى. ونىڭ قۇرامىنا ەتنومادەني بىرلەستىكتەردىڭ، ۇكىمەتتىك ەمەس جانە جاستار ۇيىمدارىنىڭ وكىلدەرى كىرىپ وتىر.   

الدىمەن اشىق ەسىك كۇنى وتكىزىلدى. تۇڭعىش شارادا العا قويعان ماقسات-مۇرات كەڭىنەن قامتىلىپ ايتىلىپ، ءىس-قيمىلدىڭ باعىتىن باعدارلايتىن تۇجىرىمداما تانىستىرىلدى. ەرىكتىلەر قوزعالىسىنىڭ جاۋاپتى مامانى دينارا كاكپەنوۆانىڭ ايتۋىنشا، كەز-كەلگەن جاس ۆولونتەر اتانا الادى. ول ءۇشىن ءار جاستىڭ كوكىرەگىندە قوعامدى ىزگىلەندىرۋگە دەگەن نيەت پەن تالاپ بولسا بولعانى. ال، تىركەلۋ ونلاين ءوتىنىش ارقىلى ىسكە اسىرىلادى. 

–ونىڭ مەرزىمى شەكسىز. ەرىكتىلەر بىزگە كەز-كەلگەن كىرە الادى. قايىرىمدىلىق كوپتىك ەتپەيدى عوي. الدە ءبىر جاردەمدى قاجەت ەتەتىن جانداردىڭ جانىنان تابىلىپ، قولعانات بولا الساق، ءتىپتى تاماشا ەمەس پە؟! ورتالىق جاڭا اشىلىپ جاتىر، سوندىقتان، قايىرىمدى جانداردىڭ كوبەيەتىندىگىنە سەنىمىمىز كامىل، دەيدى دينارا كاكپەنوۆا.

ەرىكتىلەر قوزعالىسىنىڭ اشىق ەسىك كۇنىنە كەلگەن قاتىسۋشىلاردىڭ اراسىندا «جاس وتان» جاستار قاناتىنىڭ وڭىرلىك ماماندارى دا بولدى. ولار دا ءوز كەزەگىندە «ەرىكتىلەر جىلىنا» وراي ۇيىمداستىرىلىپ جاتقان جاقسى ىستەردىڭ بارىسىمەن ءبولىستى. ەندى جاستار ءىسىن قولعا الىپ وتىرعان بىلىكتى ماماندار وبلىستىق فيليال جانىنان ءۇش ايلىق ەرىكتىلەر مەكتەبىن اشپاق.

ۆولونتەرلىك قوزعالىس  جۇمىسىنىڭ ناتيجەسى وڭىردەگى ەرىكتىلەردىڭ سانىن كوبەيتۋمەن باعالانادى. ءارى وسكەلەڭ ۇرپاق اراسىندا جاستاردى جاقسىلىققا باۋلۋ، جۇرەك جىلۋىمەن ءبولىسۋ سەزىمدەرىن قالىپتاستىرماق.

سوڭعى جاڭالىقتار

ۇقساس جاڭالىقتار