قوعام • 22 قاڭتار، 2020

قاتىگەزدىك قايدان شىعادى؟!

31 رەتكورسەتىلدى

جەتى قازىنانىڭ قاسيەتى جەتەسىنە جەتپەگەن جۇرت وڭدىسىن ويىنشىققا اينالدىرىپ، وڭاي ولجاعا كەنەلمەك. بىراق ونىڭ ار جاعىندا نە جاتقانىن باجايلاپ تۇسىنە بەرمەيتىنى وزەكتى ورتەر وكىنىش.

قالاعا كىرە بەرگەندە قام­شىلار جاق بەتتەن دۇرلىككەن توپ كوزگە ىلىكتى. ارقان بويى جاقىنداعاندا اڭعاردىق. يت توبەلەستىرىپ جاتىر ەكەن. سوڭ­عى كەزدە سانگە اينالعان وسىنداي ءبىر وسپادار تىرشىلىك بەلەڭ الىپ تۇر. 

بۇل جولعىسى كادىمگى قا­زاق­تىڭ توبەتى مەن پيتبۋل. ەكەۋى دە قانجوسا. اسىرەسە توبەت. كۇشىك كەزىندە كەسىلگەن وڭ جاق قۇلاعىنىڭ ءتۇبى جال­بىراپ جاتىر. دالاداي ومى­را­ۋى مەن جۇمىرلانا بىت­كەن جون ارقاسى قىزىل قان­عا شىلانعان. ءپيتبۋلىڭىز تو­بەت­­تەن الدەقايدا قوراشتاۋ كو­رىن­گەنىمەن، قورقۋدى بىل­مەي­تىن، ايقاس ۇستىندە انىق اجا­­لى جەتىپ تۇرسا دا مىسىق­تابانداپ شەگىنبەيتىن ءبىر سۇ­راپىل. وعان قاراعاندا، قا­زاقى توبەت يمانجۇزدىلەۋ. كو­مەيىنەن گۇرىلدەپ شىققان ىزالى ىرىل ءسال سەيىلگەندە شو­لاق قۇيرىعىن بۇلعاپ-بۇل­عاپ قويادى. ونىسى پاكەنە ءپيتبۋلدى بىتىمگە شاقىرعانى. بىراق قان كورىپ قۇتىرعان يت قايدان توقتاي قويسىن.

ايقۇلاقتانا اتتانداعان، جەردى تىتىرەنتىپ ايعايعا باس­قان قالىڭ توپتىڭ قاق جارتىسى جاسوسپىرىمدەر مەن بالالار. يەلەرىنىڭ ايتاعىنا ەرىپ، ءبىرىن-ءبىرى الباستىداي باسقىسى كەلىپ، جىرتا قارىس ازۋلارىن اق الماستاي جالاڭداتىپ جۇر­گەن قوس ءيتتىڭ قانىن قىز­دىرعىسى كەلىپ قاپتالداسا ۇم­تىلادى.

قازاق توبەتىڭنىڭ يەسى قوڭ­قاق مۇرىندى، گۇجبان كاۆ­كازدىق بىرەۋ ەكەن. يتپەن بىر­گە ءوزى توبەلەسەتىندەي وڭمەڭ­­دەي­­دى. الدەن ۋاقىتتا پيت­بۋل تو­بەتتىڭ اۋزىنا ىلىك­كەن. مانا­دان بەرى سىلىكپەسى شى­عىپ، اب­دەن ىزالانعان قازاقى توبەت ءبىر-اق قىستى. ءتىپتى، اۋزىمدا كەت­تى-اۋ دەگەن جوق.

ءيتى جەڭگەننىڭ جەلىگى دە از ەمەس ەكەن. كاۆكازدىق گۇج­بان دا ءماز-مەيرام. تو­بەتىن ماقتاپ تۇر. ءوزىنىڭ ەمەس، ارينە، قازاق­تىڭ توبەتى. مومىن، مال باعۋ ءۇشىن جا­رال­عان جان يەسى. تەك سوڭ­عى كەز­دە وڭاي ولجاعا كە­نەل­گىسى كەل­گەندەر وسىنداي تو­بەلەسكە سالىپ ءجۇر. ارينە اي­قاسۋىن ايقاسادى. سول ايقاس اق، ادال يەسىن قورعاۋ ءۇشىن، ايتپەسە، يەسىنىڭ مالىن قورعاۋ ءۇشىن بولسا ءبىر ءجون عوي.

اق قاردىڭ ۇستىندە ايعىز-ايعىز قان جاتىر. يەلەرى ءۇشىن جان الىپ، جان بەرىسكەن قوس ءيتتىڭ قانى. قىزىل قانمەن سۋارىلعان اق قاردى كۇتىر-كۇتىر باسىپ بالا بىتكەن باق-شاق. ولار دا جاڭا عانا سو­لىقتاي شارشاپ، قارجىسا قار­ماسقان يتتەردەن بەتەر وڭەش­­تەيدى. وسىنداي قۇ­بىجىق قۇ­بىلىستى كورىپ وس­كەن بالا ساناسى نە بولار ەكەن؟!

 

اقمولا وبلىسى

 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار