قوعام • 22 قاڭتار، 2020

ومبى قاردى تازالاۋدا ولقىلىق بار

37 رەتكورسەتىلدى

قاراپ تۇرساڭىز، قاراعاندى وبلىسىندا قار تازالاۋعا دەپ جىل سايىن بيۋدجەتتەن قوماقتى قارجى ءبولىنىپ، جاڭا تەحنيكانىڭ نەشە ءتۇرى ساتىپ الىنادى. سالتاناتتى كىلت تاپسىرۋ راسىمىندە سول قار كۇرەگىش، تاسىعىش كولىكتەر ساپقا قازداي ءتىزىلىپ تۇرعاندا، قاراعاندىنىڭ كوشەلەرىن ەندى قار المايتىن شىعار دەگەن سەنىمدى وي كەلەتىن.

الايدا، نەگە ەكەنى بەلگىسىز، جاڭاعى ايتقان تەحنيكالاردىڭ توپەلەپ قار جاۋسا، بوران سوقسا بول­دى، جەتىسپەيتىندىگى بەلگىلى بو­لادى دا شىعادى. بۇل وقيعا بي­ىل دا اينىماي قايتالاندى. جاع­دايدىڭ وسىلايشا قالىپ­تاس­قانىنا نارازى بولعان جۇرت قازىرگى ۋاقىتتا الەۋمەتتىك جەلىدە ات­قارۋشى بيلىكتى اياماي سىناپ جاتىر.

جۋىردا بولعان الاي-تۇلەي بو­ران كوشەلەر مەن جولداردى جا­ۋىپ تاستادى دا، بۇل سالا­دا­عى كەمشىلىكتەردىڭ بەتىن اش­تى. مۇنى وبلىس اكىمى جەڭىس قا­سىمبەكتىڭ ءوزى دە مويىندادى.

– سوڭعى سوققان بوران ءبى­راز ماسەلەنىڭ بەتىن اشتى: تەحني­كا­نىڭ جەتكىلىكسىز ەكەنىن كورسەتتى. رەسپۋبليكالىق ماڭىزداعى جولدار بويىنشا، اسىرەسە قاراعاندى – تەمىرتاۋ ۋچاسكەسىندەگى جاع­دايعا بايلانىستى شاعىمدار وتە كوپ. پاۆلودار باعىتىندا دا سو­لاي. بالقاشقا باراتىن جولدى جابۋعا تۋرا كەلدى. وبلىس ور­تالىعى بويىن­شا دا شاعىمدار جەت­كىلىكتى. نەگىزى، بۇل سالاداعى  قىزمەتتىڭ جۇمىس ىستەيتىنىن كورىپ وتىرمىز. بىراق تۇرعىندار تا­راپىنان شاعىمدار ءۇستى-ۇستىنە تۇسۋدە: قار جولدىڭ شەتىنە ۇيىلە سالادى، جاياۋ جۇرگىنشىلەر جولدارى تازارتىلمايدى. سول سەبەپتى ادامدار جول بويىمەن جۇرەدى دە، وسىدان كەلىپ اپاتتىق جاعدايلار تۋىندايدى، – دەدى ول اپپارات جيىنىندا.

كوشەلەرى مەن جولدارى قا­لىڭ قاردىڭ قۇشاعىندا قال­عان قاراعاندىدا قار تازالاۋ جۇ­مىستارىمەن التى كومپانيا اينالىسادى ەكەن. ولاردىڭ تورتەۋى مەردىگەرلىك بولسا، قالعانى – كوم­مۋنالدىق كاسىپورىندار. كە­شەگى كۇنى قار تازالاۋعا 200-گە جۋ­ىق تەحنيكا جۇمىلدىرىلعان. بۇ­گىندە مۇنىڭ ءوزى ازدىق ەتىپ وتىر. وبلىس ورتالىعىنىڭ باس­تى داڭعىلدارى تازالانعانىمەن، شەتكەرىرەك كوشەلەر مەن جەكە مەنشىك ۇيلەر ورنالاسقان سەكتور­لارد­اعى قاردى سىرتقا شىعارۋ ىسىندە ولقىلىق بار. اسىرەسە جە­كە سەكتورلارداعى جاعداي الاڭ­داتادى. مۇنداعى تاۋ-تاۋ بولىپ ءۇيىلىپ قالعان قاردى قازىر سىرتقا شىعارماسا، كوكتەمدە جاعداي ءتىپتى ۋشىعىپ كەتۋى مۇمكىن. بۇ­تىندەي شاعىن اۋدان­داردى قار­عىن سۋ الۋ قاۋپى بار. ياعني، بۇل اتالعان ماسەلەلەردىڭ ءتۇيىنى قو­سىمشا تەحنيكا كۇشىن العاندا عانا شەشىلەدى دەگەن پىكىر ايتادى قالا باسشىلىعى.

كەنشىلەر استاناسىنداعى جاعداي وسىلاي بولعاندا، وبلىس­تىڭ وزگە قالالارى مەن اۋدان ور­­تالىقتارىنداعى جانە اۋىل­دار­داعى جاعداي قانداي دەسە­ڭىزشى؟!

ال سينوپتيكتەردىڭ بول­جاۋىن­­شا، قاراعاندى وبلىسى بو­يىنشا ناۋرىز ايىنا دەيىن بو­ران مەن بۇرقاسىن مول بولاتىن كورىنەدى.

 

قاراعاندى وبلىسى

 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار