ول – جوعارى ساناتتى حيرۋرگ, مەديتسينا عىلىمدارىنىڭ دوكتورى, پروفەسسور, قازاقستان دەنساۋلىق ساقتاۋ ءىسىنىڭ ۇزدىگى, ەلىمىزگە تانىمال بەلگىلى پراكتيك عالىم. ءوز سالاسىندا اتقارعان ەڭبەگi, عىلىمي iزدەنiسi, اۋرۋ جاندارعا شيپاسى ۇشان-تەڭiز. حيرۋرگيا سالاسىندا اشقان جاڭالىقتارىن قازاقستان, رەسەي, قىرعىزستان, وزبەكستان, تiپتەن امەريكا عالىمدارى جاقسى بiلەدi. سوندىقتان بولار, ونى 1996 جىلى نيۋ-يورك اكادەمياسى وزىنە مۇشە ەتىپ قابىلدادى. جاقىن-الىس شەتەلدەردە جاريالانىپ جاتقان عىلىمي-پراكتيكالىق ەڭبەكتەرى, باياندامالارى از ەمەس. عىلىمعا قوسقان ۇلەستەرىنىڭ كۋاسى – پاتەنتتەرى مەن ءتيىمدى ۇسىنىستارى جەتەرلىك. ول تاراز مەملەكەتتىك م.ح.دۋلاتي اتىنداعى ۋنيۆەرسيتەتىنىڭ بيولوگيا كافەدراسىنىڭ جانە «بولاشاق-تاراز» جوعارى مەديتسينالىق كوللەدجدەرىنىڭ ستۋدەنتتەرىنە كوپ جىلدار بويى ءدارىس بەرەدى. ونىڭ جەتەكشىلىگىمەن كانديداتتىق, ماگيسترلىك ديسسەرتاتسيا قورعاعان جاس عالىم دارىگەرلەر مەن بيولوگتار ەلىمىزدىڭ بىرنەشە جوعارى وقۋ ورىنىندا جەمىستى ەڭبەك ەتىپ ءجۇر. ول ءاردايىم ىزدەنىستە جۇرەتىن, قولىنان كەلگەن كومەكتى ايامايتىن, ءوز ىسىنە دەگەن ادالدىعىمەن, اسقان جاۋاپكەرشىلىگىمەن, تارتىپتىلىگىمەن, بارلىق جۇمىستى تياناقتى ورىندايتىن پاراساتتى ابزال جان. ول ەڭبەك جولىن قاراپايىم دارىگەر-حيرۋرگتەن باستاپ وبلىستىق دەنساۋلىق ساقتاۋ باسقارماسىنىڭ باس حيرۋرگى, وبلىستىق اۋرۋحانانىڭ باس دارىگەرىنىڭ ورىنباسارى قىزمەتتەرىن اتقارىپ, ابدەن ىسىلعان, مول تاجىريبە جيناقتاعان بىلىكتى دە ءبىلىمدى مامان. بۇگىندەرى جامبىل وبلىستىق اۋرۋحاناسىنىڭ وپەراتسيا جاساۋ ءبولىمىنىڭ مەڭگەرۋشىسى قىزمەتىن اتقارۋدا.
مۇنى حوش دەڭiز.
ساعىندىقتىڭ تاعى بiر قاسيەتi جان-جاقتىلىعى. ول – جۋرناليست, پۋبليتسيست, جازۋشى. ونداعان كوركەم شىعارمالاردىڭ, پۋبليتسيستيكالىق كىتاپتاردىڭ اۆتورى. جاس ماماندارعا, ستۋدەنتتەرگە ارناپ جازعان تارتىمدى مونوگرافيالارى, وقۋلىقتارى مەن وقۋ قۇرالدارى قانشاما.
ال جۋرناليستiگiنە كەلەر بولساق, ءوز الدىنا بiر اڭگiمە. ول قازاقستان جۋرناليستەر وداعىنىڭ مۇشەسى. رەسپۋبليكالىق باسقا باسىلىمداردى بىلاي قويعاننىڭ وزiندە, ونىڭ ەلىمىزدىڭ باس گازەتى «Egemen Qazaqstanda», حالىقارالىق «تۇركiستان», رەسپۋبليكالىق «جاس الاش» گازەتتەرىندە جانە دە باسقا باسىلىمداردا جاريالانعان تارتىمدى, سالماقتى, ويلى ماقالالارى نەگە تۇرادى؟! قاي ماسەلەنi قوزعاسا دا, وقىرماندارعا قۇندى قوعامدىق پiكiرلەر تۋعىزۋىمەن, ۇلتجاندىلىعىمەن ەرەكشەلەنەدi. قاتار جۇرگەن ارىپتەستەرى, زامانداستارى مەن تاريحي تۇعىرلى تۇلعالار جايلى جازعان ەسسەلەرى قانداي ادەمى, اسەرلى. كىندىك قانى تامعان تۋعان جەرى – قۇدىرەتتى قاراتاۋ بويىنداعى كوسەگەنىڭ كوكجونى تۋرالى, سول ايماقتىڭ اڭىز-حيكاياتتارى مەن تاريحى جايلى تامسانا قالام تەربەگەن دۇنيەلەرى قانشاما! قازاقتىڭ تاريحى مول ولكەلەرىنە (قارقارالى, شىڭعىستاۋ, باياناۋىل, كولساي, قاراساز, ەلتىنجال, كەلىنشەكتاۋ, الاكول, بالقاش, اقتاس جانە ت.ب.) ساپار شەگىپ, ونىڭ قاسيەتتى جەرلەرىنەن اسەر العان مولدىرەپ تۇرعان جازبالارى نەتكەن عاجاپ, تارتىمدى! كەيدە ساعىندىققا تاڭ قالامىن. وسىنىڭ بارiنە قالاي ۇلگەرiپ ءجۇر؟ ۋاقىتىن تيiمدi ءارi ماقساتتى پايدالانا بiلگەندەردiڭ ەڭبەگi ءونiمدi بولادى دەۋشi ەدi. بالكiم, سولاي شىعار. قالاي ايتقاندا دا ونىڭ ەڭبەكقورلىعى, ۇقىپتىلىعى, ىزدەنىمپازدىعى, ۇلتجاندىلىعى, ۋاقىتتىڭ ءار ساعاتىن قادىرلەي بىلەتىن پاراساتتىلىعى باسقالارعا ۇلگi. ونىڭ مەديتسينادا دا, شىعارماشىلىقتا دا ءوز ورنى بار, ەل-جۇرتتىڭ العىسىنا بولەنگەن بەدەلى بيىك, ورەلى ازامات. تاعدىر سىيى, ءومىر باقىتى دەگەن وسى بولار, ءسىرا.
بۇگىندەرى جەتپىستىڭ تۇعىرىنا كوتەرىلگەن اقجۇرەك اسىل اعامىزدى ەل تانىعان ارداقتى دوستارى, ارىپتەستەرى مەن ەت جاقىن تۋىستارى ءار وڭىردەن قوڭىراۋ شالىپ, مەرەيتويىمەن قۇتتىقتاپ, ىستىق ىقىلاستارىن بىلدىرۋدە. ءبىز دە سولارعا قوسىلىپ شىن جۇرەكتەن ساعىندىق وردابەك ۇلىنا زور دەنساۋلىق, وتباسىنىڭ اماندىعىن, بالالارىنىڭ باقىتىن, ەڭبەگىنىڭ باياندىلىعىن, جاسىنىڭ ۇزاق ءارى ساپالى بولعانىن تىلەيمىز.
لايىم, ساكەڭنىڭ ءالى دە الار اسۋلارى, يگەرەر بەلەستەرى, جەتەر جەتىستىكتەرى مول بولعاي!
كولباي ادىربەك ۇلى,
جازۋشى-جۋرناليست, قازاقستان رەسپۋبليكاسى پرەزيدەنتى سىيلىعىنىڭ لاۋرەاتى
الماتى
