سپورت • 21 قاڭتار، 2020

ەليزابەت تۇرسىنباەۆا: جاراقاتىما بايلانىستى الەم چەمپيوناتىنا قاتىسپايمىن

37 رەتكورسەتىلدى

مانەرلەپ سىرعاناۋدان 2019 جىلعى الەم بىرىنشىلىگىنىڭ جانە ء«تورت قۇرلىق چەمپيوناتىنىڭ» كۇمىس جۇلدەگەرى ەليزابەت تۇرسىنباەۆا بيىلعى ماۋسىمنان سىرت قالدى. سپورتشى بەلىنەن العان جاراقاتىنا بايلانىستى ناۋرىز ايىندا وتەتىن الەم چەمپيوناتىنا دا قاتىسا المايدى. بۇل تۋرالى ول Olympic.kz سايتىنا بەرگەن سۇحباتىندا ايتتى. 

«جاراقاتىمنان تولىق ايىققان جوقپىن. سول سەبەپتى، ناۋرىز ايىندا كانادانىڭ مونرەال قالاسىندا وتەتىن الەم بىرىنشىلىگىنە بارا المايمىن. مەنىڭ قازىرگى ماقساتىم – جاراقاتىمنان قۇلان-تازا ايىعىپ، كەلەسى ماۋسىمدا جاقسى ونەر كورسەتۋگە تىرىسۋ. بۇل ۇزاق ۋاقىتتان بەرى سىر بەرگەن جاراقات. كوپتەگەن كۇش پەن اۋىرتپالىقتىڭ جينالۋىنان پايدا بولعان سياقتى. ەمدەلىپ جاتىرمىن. دەگەنمەن، جاراقاتتان تولىق ساۋىعىپ كەتۋ ءۇشىن ۋاقىت كەرەك»،- دەدى ەليزابەت تۇرسىنباەۆا ۇلتتىق وليمپيادا كوميتەتىنىڭ ءباسپاسوز قىزمەتىنە بەرگەن سۇحباتىندا.

سپورتشى كەلەسى ماۋسىمدا ءساتتى ونەر كورسەتۋ ءۇشىن بارىن سالاتىنىن ايتتى. 

سوڭعى جاڭالىقتار

ۇقساس جاڭالىقتار