قوستاناي وبلىسىندا ءوز ايەل, بالا-شاعاسىن ولتىرمەك بولعان قاسكويدىڭ قولىنان پوليتسيا قىزمەتكەرى قازا تاپتى. قاڭتاردىڭ 19-ىنا قاراعان ءتۇنى اششى سۋعا سىلقيا تويىپ العان 28 جاستاعى توبىل قالاسىنىڭ تۇرعىنى ءوز ۇيىندە جانجال شىعارىپ, وتباسى مۇشەلەرىن پىشاقتاپ تاستاماقشى بولادى. پىشاق الىپ شىعۋ ءۇشىن ۇيىنە كىرگەندە, تۋىستارى ونى سىرتىنان ق ۇلىپتاپ, پوليتسيا شاقىرعان. قۇرامىندا دارحان بازارباەۆ پەن امانگەلدى سىزدىقوۆ بار پاترۋل جاساعى وقيعا ورنىنا 6 مينۋت ىشىندە جەتەدى.
– ءۇي يەسىن ۇستاۋ, قاۋىپسىزدەندىرۋ كەزىندە پوليتسيا سەرجانتى دارحان بازارباەۆ پىشاق جاراقاتىن الادى. قاسكۇنەمنىڭ سۋىق قارۋىن تارتىپ الىپ, قولىنا كىسەن سالىپ, وتباسىن اجالدان قۇتقارىپ ۇلگەرگەن ءتارتىپ ساقشىسى ءوزىنىڭ جارالى ەكەنىن كەيىن ءبىر-اق بىلەدى. ءبىر وتباسىن اجالدان قۇتقارىپ قالعان سەرجانتتىڭ ءوزى سول جەردە كوز جۇمادى. دەرەۋ جەتكەن جەدەل جاردەم قىزمەتى دە ونىڭ ومىرىنە اراشا بولا المادى. قازىر كۇدىكتى قاماۋدا. قىلمىستىق كودەكستىڭ 99-بابى بويىنشا قىلمىستىق ءىس قوزعالىپ, سوتقا دەيىنگى تەرگەۋ جۇمىستارى باستالدى, – دەيدى وبلىستىق پوليتسيا دەپارتامەنتى باسشىسىنىڭ كەڭەسشىسى ەلەنا كاشارينا.
پوليتسيا سەرجانتى دارحان بازارباەۆتىڭ ارتىندا اناسى مەن جارى, 4 ايلىق ۇلى قالدى.
نۇرقانات قۇلاباەۆ
قوستاناي
