ۇكىمەت • 21 قاڭتار، 2020

جۇمىس ناتيجەلەرى قورىتىندىلاندى

14 رەتكورسەتىلدى

قازاقستان رەسپۋبليكاسىنىڭ ادىلەت ءمينيسترى مارات بەكەتاەۆتىڭ توراعالىعىمەن ادىلەت مينيسترلىگىنىڭ كەڭەيتىلگەن القا وتىرىسى بولدى.

القا وتىرىسىندا ادىلەت ءمينيسترى م.بەكەتاەۆ 2019 جىلدىڭ قورىتىندىسى بو­يىنشا بايانداپ، 2020 جىلدىڭ ءبىرىنشى جارتىجىلدىعىنا ادىلەت ورگاندارىنىڭ الدىنا قويىلعان نەگىزگى مىندەتتەرگە توق­تال­دى.

ءمينيستردىڭ ءسوز ساپتاۋىنا قاراعاندا، قۇقىق قورعاۋ جانە سوت سالالارىندا ما­ڭىز­دى وزگەرىستەر كۇتىلۋدە. جانە وسى تۇس­تا ماڭىزدى قۇجاتتاردىڭ ءبىرى رەتىندە اكىم­شىلىك راسىمدىك-پروتسەستىك كودەكستىڭ قابىل­دانۋى بولماق. بيىل ۆولونتەر جىلى بولىپ جاريالاندى. ونىڭ ماقساتى – قوعام­نىڭ يگىلىگى ءۇشىن حالىق ساناسىنىڭ ەرىكتى ەڭبەكتى قابىلداۋىنا بايلانىستى ساپالى وزگەرىس جاساۋ، ەرىكتىلەر قىزمەتى مادەنيەتىنىڭ دامۋ تەتىكتەرىن ەنگىزۋ. مىنە وسىعان ادىلەت ورگاندارى بارلىق دەڭ­گەي­دە زاڭ قاۋىمداستىقتارىمەن بىرلە­سىپ بەلسەندى اتسالىسۋى قاجەت.

ادىلەت ورگاندارىنىڭ جاڭا قۇرىلى­مىنا سايكەس (اۋدانارالىق ادىلەت باسقار­ما­لارىن قۇرۋ) ورتالىق اپپارات پەن اۋماقتىق ادىلەت ورگاندارى باسشىلارى جەرگىلىكتى جەرلەردە جۇمىستى ساپالى ۇيىمداستىرۋى قاجەت. وسىعان وراي، جۇمىس بارىسىندا ەشقانداي كەمشىلىككە جانە تۇرعىندار تاراپىنان ەسكەرتۋگە جول بەرىلمەۋى ءتيىس. بۇدان باسقا، قالالىق جانە اۋداندىق ادىلەت باسقارمالارىنىڭ وڭتاي­لان­دىرىلعانىن ەسكەرە وتىرىپ، جەرگى­لىك­تى جەر­لەردە فاكتورلىق-بالدىق شكالاعا نەگىز­­دەلگەن ەڭبەكاقى تولەۋ جۇيە­سىن ەنگى­زۋ كەرەك ەكەنىن ەسكە سالىپ ءوتتى ۆەدومستۆو باسشىسى.

«حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ بويىنشا جۇمىس جالعاسادى. بۇل رەتتە حالىقپەن ءتيىمدى كەرى بايلانىس ورنا­تىپ، ازاماتتاردىڭ وتىنىش­تەرىن ساپا­لى قاراۋ قاجەت. وتى­نىش­تەر­دىڭ كوپ بولىگىن اتقارۋشىلىق ءىس جۇر­گىزۋ قۇراي­دى، سوندىقتان وسى باعىتتى ەرەك­شە باقىلاۋدا ۇستاۋدى تاپسىرامىن. اسى­رە­سە سوت اكتىلەرىن ورىنداۋ دەپارتامەنتى رەس­پۋب­لي­كالىق جەكە سوت ورىنداۋشىلارى پالاتاسىمەن بىرلەسىپ شاعىمنىڭ سانىن ازايتۋ ماقساتىندا اتقارۋشىلىق ءىس جۇرگىزۋ بو­يىنشا پروبلەمالىق ماسەلەلەردى شەشۋدىڭ كەشەندى شارالارىن قابىلداسىن، دەدى مينيستر.

اليمەنت ءوندىرىپ الۋ – سوت اكتىلەرىن ورىنداۋ بويىنشا باسىم باعىتتاردىڭ ءبىرى. تۇسەتىن شاعىمداردىڭ جارتىسىنان كوبىن وسىنداي ىستەر قۇرايدى ەكەن. سوندىقتان اتالعان ماسەلەنى شەشۋ ءۇشىن مينيسترلىك «اليمەنت ءوندىرىپ الۋدىڭ ءتيىمدى جۇيەسىن جاساۋ بويىنشا 30 قادام» ءىس-شارالار جوس­پارىن بەكىتىپ، ىسكە اسىرۋدا. بۇل ماسەلەدە جاعدايدى جاقسارتۋدىڭ قوسىمشا تەتىگىنىڭ ءبىرى – ارنايى قور قۇرۋ بولىپ تابىلادى. وسىعان وراي، الداعى كەزەڭدە سوت اكتىلەرىن ورىنداۋ دەپارتامەنتى رەسپۋبليكالىق جەكە سوت ورىنداۋشىلارى پالاتاسىمەن بىرلەسىپ ارنايى قور قۇرۋ جۇمىسىن جانداندىرماق.

وتكەن جىلعى سوت-ساراپتاما، سوت اكتى­لە­رىن ورىنداۋ جانە مەملەكەتتىڭ م ۇلىكتىك قۇقىقتارىن قورعاۋ بويىنشا نەگىزگى جۇمىس باعىتتارى بويىنشا سوت-ساراپتاماعا 190 مىڭنان استام ماتەريال تۇسكەن. ورىندالعان ساراپتامالاردىڭ ۇلەسى 96%-دان اسقان. بۇل رەتتە، ورىندالماي قايتارىلعان ماتەريالدار سانى ايتارلىقتاي قىسقارىپ، (2019 ج. –
2 238، 2018 ج. – 3 014) قايتالاما ساراپتامالار سانى 11%-عا ازايعان (257-دەن 229-عا – دەيىن، ونىڭ 153-ءى راستالعان، 30-ى راستالعان جوق، 26-ى ءىشىنارا راستالعان). سونداي-اق 2019 جىلى اقىلى قىزمەت بويىنشا وسىمگە قول جەتكىزىلگەن. جىلدىڭ قورىتىندىسى بويىنشا 386 ملن تەڭگە كولەمىندە اقىلى قىزمەتتەر كورسەتىلگەن (2019 ج. – 386 ملن تەڭگە، 2018 جىلعا قاراعاندا 18%-عا كوپ – 326 ملن تەڭگە).

سول سياقتى حالىقپەن جۇمىس ىستەۋدە ەسەپتىك كەزەڭدە بارلىعى 383 ءوتىنىش تۇسكەن. بۇل وتكەن جىلمەن سالىستىرعاندا 25%-عا ارتىق (2018 ج. – 306 ءوتىنىش). الايدا ارىزداردىڭ باسىم بولىگى ءوزىنىڭ راستاۋىن تاپپاعان. تەكسەرۋ بارىسىندا تەك 6 ءوتىنىش راستالعان. قاراۋ ناتيجەلەرى بويىنشا 16 قىزمەتكەر تارتىپتىك جاۋاپكەرشىلىككە تار­تىلدى. سونىمەن قاتار جەكە ساراپ­شى­­لاردىڭ رەسپۋبليكالىق پالاتاسىمەن بىر­­لەسىپ، ليتسەنزيا نەگىزىندە قىزمەتىن جۇ­زە­گە اسىراتىن سوت ساراپشىلاردىڭ بە­رگەن قو­رىتىندىلارىنا 157 ءوتىنىش قا­را­لىپ، ونىڭ 15-ءى ءوز راستاۋىن تاۋىپتى. باسىم بو­لىگى، ياعني 142-ءسى راستالماعان. راس­تال­عان شا­عىمداردىڭ نەگىزىندە 2 ليتسەنزيا توق­تا­تىل­عان.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار