رۋحانيات • 17 قاڭتار، 2020

اقمولا وبلىسىندا جاستارعا ابايدىڭ «تولىق ادام» كونتسەپتسياسى ءتۇسىندىرىلدى

125 رەتكورسەتىلدى

ۇلى ابايدىڭ تويى – ەل تويى. وبلىس ورتالىعىندا Nur وtan پارتياسى اقمولا وبلىستىق فيليالى جانىنداعى «ميراس» قوعامدىق كەڭەسىنىڭ مۇشەلەرى العاشقى وتىرىسىن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ «اباي جانە ءححى عاسىرداعى قازاقستان» اتتى ماقالاسىنا ارناپ وتكىزدى. 

جيىنعا قاتىسۋشىلار ماقالانى مەملەكەت پەن قازاقستاندىقتار ءۇشىن  اسا قاجەت ەڭبەك دەپ باعالادى. اعا بۋىن وكىلدەرى ابايدىڭ «تولىق ادام» كونتسەپتسياسىن باستى نازارعا الىپ، جاستارعا ءجىتى ءتۇسىندىردى. زيالى قاۋىم وكىلدەرى ۇلت ماقتانىشىنىڭ مۇراتىن ناسيحاتتاۋعا شاقىرعان ماقالانى ىستىق ىقىلاسپەن قابىلداعاندارىن جەتكىزدى.

– ميراستىڭ 2020 جىلعى العاشقى وتىرىسىن اباي شىعارمالارىن ناسيحاتتاۋ، مەملەكەت باسشىسى قاسىم-جومارت توقاەۆتىڭ ماتەريالىنىڭ ءمان-ماڭىزىن جاستارعا تۇسىندىرۋگە ارناپ وتىرعان جايىمىز بار. ءوز باسىم پرەزيدەنتتىڭ بۇل ماتەريالىن ابايدى جاڭاشا تانۋدىڭ كوزقاراسى دەپ باعالايمىن. ابايدىڭ ءبىزدىڭ ۇلتتىڭ ماڭگىلىك ەل بولۋ جولىنداعى ايتقان سوزدەرى، ودان قالدى ابايدى بۇگىنگى كۇنى مەملەكەتتىك ىسپەن بايلانىستىرا سويلەۋ، ابايدىڭ باي مۇرالارىن الەمگە تانىتۋ، ابايدى ءوزىمىز تانۋ ارقىلى ونى الەمگە تانىتۋ ماسەلەسى پرەزيدەنتتىڭ وي-تولعاۋ ەڭبەگىندە جاقسى كوتەرىلىپ وتىر، – دەدى وبلىستىق Nur Otan پارتياسى فيليالى جانىنداعى «ميراس» قوعامدىق كەڭەسىنىڭ توراعاسى جابال ەرعاليەۆ.

ۇلى اقىننىڭ وسيەتى – ەل ەركىندىگى مەن بوستاندىعى. سوندىقتان، اباي مۇراسىنا تاۋەلسىز جاستاردىڭ كوزقاراسى قاجەت ەكەنى انىق.

– پرەزيدەنتىمىز قاسىم-جومارت كەمەل ۇلىنىڭ ماقالاسى ءبىز سياقتى جاستارعا رۋح بەرگەندەي بولدى. مىسالى، مەن ءوزىم اكتەر ماماندىعىنا وقىعاندىقتان، بىزگە مىقتى موتيۆاتسيا بەرەدى، – دەيدى اقان سەرى اتىنداعى جوعارى مادەنيەت كوللەدجىنىڭ ستۋدەنتى ءسايادىل نوياربەكوۆ.  

ۇلتتىق سانانى ساقتاۋ مەن ونى زامان تالابىنا ساي بەيىمدەۋ قاشان دا وزەكتى. بۇل جولدا ۇلى دانانىڭ وي-تۇجىرىمدارى باعدارشام بولىپ، رۋحاني ازىق بولماق. بۇل رەتتە، جيىن قاتىسۋشىلارى ۇلى ويشىلدىڭ قازاقتى قايتسەك جاقسارتامىن دەگەن ۇستانىمىن نەگىزگە الۋعا شاقىردى.

 

كوكشەتاۋ قالاسى

سوڭعى جاڭالىقتار

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

ۇقساس جاڭالىقتار