ايماقتار • 17 قاڭتار، 2020

بۇلاندىداعى بەرەكەلى ءىس

37 رەتكورسەتىلدى

اۋداندا وڭدەۋ ونەركاسىبى سالاسىنداعى ءوسىم ءۇش ەسە كوبەيگەن. اۋىل شارۋاشىلىعى سالاسىنداعى ءوسىم دە 43 پروتسەنتتى قۇراپ وتىر. 

اۋدان ەكونوميكاسىنىڭ نىعايۋىنا ماكينسك قۇس فابريكاسىنىڭ ءونىم كولەمىن 18 ميلليارد تەڭگەدەن اسىرۋى ىقپال ەتىپ وتىر. ءوندىرىس وشاعى بيىل فابريكا قۇرىلىسىنىڭ ەكىنشى كەزەڭىن ىسكە قوسۋى ءتيىس. وسى ماقساتقا 15 ميلليارد تەڭگەگە جۋىق قارجى قۇيىلماق. اۋداننىڭ اۋىل شارۋاشىلىعى ءونىمىنىڭ جالپى قۇنى 36 ميلليارد تەڭگەنى قۇرايدى. ونەركاسىبى وركەن جايعانىمەن، مال شارۋاشىلىعىن مىقتاپ قولعا الۋ قاجەت. سوڭعى دەرەكتەرگە قاراعاندا، مال باسى ءبىرشاما ازايىپ كەتكەن. وسى جايدى ەسكەرگەن  بۇلاندىلىقتار جايىلىمدى ءتيىمدى پايدالانۋعا باسىمدىق بەرىپ وتىر.

– اۋدان اۋماعىندا جايىلىمدىق جەرلەردى قولدانۋ جانە جەر قورىن باسقارۋدىڭ 2020-2021 جىلدارعا ارنالعان جوسپارى ازىرلەنۋدە. اۋىلدىق وكرۋگ اكىمدەرى جەرگىلىكتى تۇرعىندارمەن بىرلەسە وتىرىپ، ءار اۋماقتاعى جايىلىمدى قولدانۋ جۇيەسىن انىقتاۋ ءىسى باستاۋ الدى. بۇل جۇمىس ءار اۋىلدىڭ ءتورت ت ۇلىك مالىن باعاتىن جايىلىم اۋماعىن، ونىڭ گەوبوتانيكالىق جاعدايىن انىقتاۋ ءۇشىن قاجەت. اۋىلدىق وكرۋگتەردە جايىلىم تاپشىلىعى ورىن السا، اۋىل شارۋاشىلىق جەرلەرىن ءتيىمدى پايدالانباعان شارۋاشىلىقتاردىڭ اۋماعى زاڭ اياسىندا كەرى قايتارىلادى. سونداي-اق، اۋىل ىرگەسىنەن شالعايدا، مالدى ورىستەتىپ باعۋ جۇيەسى دە قاراستىرىلۋدا، – دەيدى بۇلاندى اۋدانىنىڭ اكىمى تالعات ەرسەيىتوۆ.

ەكونوميكالىق ءوسىم بيۋدجەتتىڭ كىرىس بولىگىنە 1 ميلليارد 817 ميلليون تەڭگە ءتۇسىرىپتى. بۇل بەلگىلەنگەن مەجەدەن 11 پروتسەنتكە ارتىق. اۋداندا قۇرىلىس ماتەريالدارىن ءوندىرۋ، مايلى داقىلداردى وڭدەۋ باعىتتارىندا دا ءىرى كاسىپورىندار جۇمىس ىستەۋدە. سونىمەن قاتار،  مىڭ جارىم شاعىن جانە ورتا بيزنەس سۋبەكتىلەرى دە ءوڭىر ەكونوميكاسىنا ءوز ۇلەسىن قوسىپ كەلەدى. ەكونوميكالىق ورلەۋ اۋداننىڭ قۇرىلىس سالاسىنا قوزعاۋ سالدى. 

– اۋدان اۋماعىندا كوپقاباتتى 2 تۇرعىن ءۇي قۇرىلىسى جالعاسۋدا. وتكەن جىلى 8،4 مىڭ شارشى مەتر تۇرعىن ءۇي پايدالانۋعا بەرىلدى. بۇل 2018 جىلعى كورسەتكىشتەن ەكى ەسە كوپ. كوممۋنالدىق تۇرعىن ءۇي قورىنان جەتىمدەر ۇيلەرىنىڭ تاربيەلەنۋشىلەرى، كوپبالالى وتباسىلار مەن وزگە دە مۇقتاج تۇرعىندارعا باسپانا بەرىلدى، – دەيدى بۇلاندى اۋدانىنىڭ اكىمى تالعات ەرسەيىتوۆ.

بۇلاندىدا تۇرعىن ءۇي سالۋعا تۇساۋ بولعان ءبىر ماسەلە – ورتالىق جىلۋ قازاندىعىنىڭ بولماۋى. قۇرىلىسى اياقسىز قالعان نىسانعا وبلىس بيۋدجەتىنەن قارجى ءبولىنىپ، يەسىز قالعان پاتەرلەردى قالپىنا كەلتىرۋ جۇمىستارى قولعا الىندى.

 

بۇلاندى اۋدانى

اقمولا وبلىسى

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار