ايماقتار • 17 قاڭتار، 2020

مال باققانعا بىتەدى...

311 رەتكورسەتىلدى

تاياۋدا ۇكىمەتتە مال شارۋاشىلىعىن دامىتۋ ماسەلەلەرى قارالدى. اقمولا وبلىسىندا ءتورت ت ۇلىك مالدى مولىنان باعۋعا مۇمكىندىك كوپ. اتا كاسىپتى ءتاپ-ءتاۋىر دوڭگەلەتىپ وتىرعاندار دا از ەمەس. 

سارىارقانىڭ سايىن دالاسىن جايلاعان، جەلىگە ق ۇلىن بايلاعان ەرەيمەن جەرى ءتورت ت ۇلىكتى تۇلەتۋگە وتە قولايلى. بۇگىنگى تاڭدا بۇل جەردە مەملەكەتتىك قولداۋدىڭ ارقاسىندا مال سانى بىرتىندەپ كوبەيىپ كەلەدى. اتا كاسىپتى ءناسىپ قىلعان جانداردىڭ ءبىرى – قانات قانجىعالى. ول قازاقتىڭ اق باس سيىرلارى مەن قوي ءوسىرىپ وتىر. 

تومەنگى تورعاي اۋىلى – ەرەيمەنتاۋ اۋدانىنا قاراستى شاعىن عانا ەلدى مەكەن. 50-دەن استام ءتۇتىنى بار. اينالاسى ايناداي كورىنەتىن اشىق الاڭ. ءشوبى شۇيگىن، جايىلىمى جەتكىلىكتى.

– بۇل جەردە مال وسىرمەۋ مۇمكىن ەمەس، – دەيدى قانات قانجىعالى، – 100-گە جۋىق اقباس سيىر مەن 400-دەي قوي باعىپ وتىرمىز. الداعى جوسپار مال باسىن اسىلداندىرۋ. قازاقتىڭ قۇيرىقتى قوشقارلارىن الىپ، قوسىپ جاتىرمىز.

قازىر قوجالىقتا 3 ادام جۇمىس ىستەيدى. قاجەتتى جەم-ءشوپتى دە وزدەرى دايىنداپ العان. ەگىن ەگەتىن ازىن-اۋلاق ەگىستىك جەرى بولعاندىقتان، تراكتور، كومباين سياقتى اۋىل شارۋاشىلىعى تەحنيكالارىن سايلاپ قويىپتى. الداعى ۋاقىتتا جەر كولەمىن ۇلعايتىپ، وسىمدىك شارۋاشىلىعىن قاتار دامىتۋ جوسپاردا بار.

– وتكەن جىلى 250 گەكتار جەرگە ارپا ەكتىك. بيىل 500 گەكتار جەردى جىرتىپ، وڭدەپ قويدىق. بارلىق قاجەتتى تىڭايتقىشتاردى قولداندىق. بۇيىرسا، كوكتەمدە بيداي ەگەمىز بە دەپ وتىرمىز ،– دەيدى جەكە كاسىپكەر قانات قانجىعالى.

مال ءوسىرۋ وڭاي شارۋا ەمەس – ماڭداي تەردى تالاپ ەتەر ادال كاسىپ. الا جازداي جايلاۋداعى جانتالاس پەن قىستا قوراداعى قاربالاس – قاجىرلى ەڭبەك. بىراق «ەڭبەكپەن كەلگەن نان ءتاتتى» دەمەي مە؟! جانعا ءلاززات بەرەرى دە وسى.    

 

ەرەيمەنتاۋ اۋدانى

اقمولا وبلىسى

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار